miércoles, 1 de mayo de 2024
Organizado pola Comunidad Española de Químicos Cuánticos, o congreso, o máis importante dentro da comunidade de químico físicos teóricos españois. Trátase dun foro de encontro dos e das químicas cuánticas e computacionais, que se celebra en España desde o ano 1998, no que, aínda que nos seus inicios a maior parte dos participantes eran nacionais, a porcentaxe de investigadores estranxeiros acadou o 50% na edición celebrada en 2018.
Os nove poñentes plenarios, 18 invitados e outros tantos seleccionados para ofrecer charlas orais curtas, abordarán durante catro días nas sesións que se celebran na sede Afundación de Vigo temáticas moi variadas como a dinámica molecular, métodos de estrutura electrónica para correlación electrónica, modelaxe multiescala, modelos de estrutura electrónica a gran escala para materiais, topoloxía do enlace químico, interaccións non covalentes, propiedades ópticas e eléctricas, espectroscopía atómica e molecular, machine learning, biofísica computacional e fisicoquímica orgánica e catálise, detallou esta mañá na inauguración do simposio Ángeles Peña Gallego, decana da Facultade de Química da UVigo e presidenta do comité organizador, cargo que comparte co tamén docente e investigador do Departamento de Química Física, Marcos Mandado Alonso.
170 comunicacións en formato póster se presentarán no transcurso do congreso, que foi inaugurado pola vicerreitora de Investigación, Transferencia e Innovación da UVigo, Belén Rubio, que agradeceu a presenza das persoas participantes no congreso, no que sinalou que se abordarán cuestións con aplicacións na sociedade, ao tempo que animou aos asistentes disfrutar de Vigo e a descubrir á UVigo. Pola súa banda, Ángeles Peña agradeceu en nome do comité organizador a elevada participación acadada nesta edición do congreso, que por mor da covid, sufriu dous atrasos en 2020 e 2021, tanto de investigadores sénior como novos, que puxéronnos complicado elixir as exposicións orais pola cantidade e calidade das propostas recibidas, sinalou a decana da Facultade de Química da UVigo. Coincidindo ademais coa celebración do ESPA-2022 tamén ten lugar estes días a 2ª edición da Reunión Bianual del Grupo de Química e Informática da Real Sociedad Española de Química.
Destacada impronta internacional
Logo de celebrarse, entre outras cidades, en Madrid, San Sebastián, Sevilla, Valladolid, Santiago de Compostela, Barcelona e Palma de Mallorca, o congreso recala na súa 12ª edición en Vigo, onde, a organización destaca os tres plenarios de institucións de USA, un de Australia e outros cinco europeos. Un deles é o actual presidente da World Association of Theoretical and Computational Chemist (Watoc), Peter Gill, e outra a editora xefa da revista máis prestixiosa en Química Teórica e Computacional (Journal of Chemical Theory and Computation), Laura Gagliardi.
O congreso é ademais para o comité organizador unha grande oportunidade de estreitar lazos co resto de grupos de investigación de España, así como de establecer novos contactos e colaboracións con grupos estranxeiros de recoñecido prestixio.
Proxección da Química Teórica e Computacional
A Comunidad Española de Químicos Cuánticos, encargada de organizar o Congreso que hoxe comeza, é unha entidade que ten o obxectivo principal de formar novas e novos investigadores no campo da Química Teórica e a Modelización Computacional, un ámbito descoñecido para unha gran parte do alumnado ao finalizar o Grao en Química ou titulacións afíns, e moitas veces visto como complicado, debido á alta carga de contidos das áreas de Matemáticas e Física, explica Marcos Mandado, que lembra que por esta razón se creou hai 22 anos o Máster en Química Teórica e Modelización Computacional, no que participan case todas as universidades de España nas que existen grupos de investigación neste campo.
Ademais do mestrado, a UVigo oferta o programa de doutoramento en Química Teórica e Modelización Computacional, tamén cun alto carácter interuniversitario, onde recalan a maior parte do noso alumnado e participan os nosos docentes e investigadores, sinala Mandado.
O director xeral de Relacións Exteriores e coa UE, Jesús Gamallo, reuniuse esta mañá cos responsables da AECT Rio Minho para coñecer de primeira man as prioridades e os proxectos que ten en marcha este instrumento de cooperación que abrangue 16 concellos da provincia de Pontevedra e 10 da CIM Alto Minho. Esta é unha primeira visita que o director xeral de Relacións Exteriores e coa UE, Jesús Gamallo, continuará co resto de AECTs. Deste xeito, está previsto que se entreviste tamén cos responsables da AECT Chaves-Verín, e da futura AECT da Raia Seca.
A Cidade da Cultura volve acoller a colorida e festiva carreira Holi Gaiás, que vai pola súa sexta edición. A proba terá lugar o 8 de xuño nos exteriores do complexo e contará cun percorrido especial para a cativada entre 4 e 9 anos, a Peque Holi. A actividade contará un ano máis coa súa tradicional poeira de cores e con animación previa e posterior á proba, con música e coreografías que animarán aos participantes. O obxectivo é gozar coa práctica deportiva nun enclave como é Gaiás, coa súa característica arquitectura e co seu gran pulmón verde, o Bosque de Galicia.
