Noticias sociedad
A Consellería de Sanidade informa que, na última actualización, o número de casos activos de coronavirus en Galicia é de 1.673. Deles 512 son da área da Coruña, 206 da de Lugo, 168 da de Ourense, 262 da de Pontevedra, 285 da área de Vigo, 164 da de Santiago e 76 da de Ferrol.
Do total de pacientes positivos, 10 están en UCI, 44 en unidades de hospitalización e 1.619 no domicilio. Polo de agora, en Galicia hai un total de 125.554 persoas curadas, rexistrándose 2.436 falecementos.
A convocatoria, cun investimento de 1,5M, sairá publicada no Diario Oficial de Galicia o venres, 2 de xullo, coa previsión de poder apoiar 50 proxectos con axudas que oscilan entre os 5000 e os 100.000.
Trátase dunha liña de apoios específica enmarcada no Programa de Deseño para a Innovación e a Sustentabilidade 2024-Diferenza, que busca consolidar a cultura da innovación e o deseño no tecido empresarial de Galicia.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.579. Deles 499 son da área da Coruña, 193 da de Lugo, 170 da de Ourense, 238 da de Pontevedra, 256 da área de Vigo, 153 da de Santiago e 70 da de Ferrol.
Do total de pacientes positivos, 12 están en UCI, 40 en unidades de hospitalización e 1.527 no domicilio. Polo de agora, en Galicia hai un total de 125.486 persoas curadas, rexistrándose 2.436 falecementos.
A Dirección Xeral de Saúde Pública da Consellería de Sanidade informa que o número de casos activos de coronavirus en Galicia é de 1.377, deles 484 son da área da Coruña, 191 da de Lugo, 150 da de Ourense, 152 da de Pontevedra, 20.
Do total de pacientes positivos, 11 están en UCI, 35 en unidades de hospitalización e 1.331 no domicilio. Polo de agora, en Galicia hai un total de 125.183 persoas curadas, rexistrándose 2.435 falecementos.
O número de PCR realizadas é de 2.344.145.
O número de doses de vacina contra a covid-19 administradas é de 2.566.594.
A Xunta ven de activar oficialmente a súa plataforma dixital de núcleos rurais en estado de abandono, unha ferramenta novidosa prevista na Lei de rehabilitación e de rexeneración e renovación urbanas para loitar contra o despoboamento e reactivar estas zonas da Comunidade.
A plataforma está dispoñible desde hoxe, se ben polo momento, tan só ofrece información relativa a inmobles localizados en Sober, o concello escollido para realizar a experiencia piloto de lanzamento.
Precisamente, a conselleira de Medio Ambiente, Territorio e Vivenda, Ángeles Vázquez, visitou municipio lucense para presentar a iniciativa e animar ao resto de entidades locais galegas con núcleos rurais en situación de abandono a sumarse e seguir o exemplo de Sober, concello pioneiro en canto ao uso e aproveitamento desta nova ferramenta dixital co obxectivo de atraer poboación.
A directora xeral de Xuventude, Participación e Voluntariado, Cristina Pichel, compareceu a petición propia na comisión de Sanidade, Política Social e Emprego do Parlamento de Galicia.
Na súa comparecencia sinalou que a presente campaña de verán permite incidir en tres aspectos moi beneficiosos como son: a conciliación, o ocio responsable e a creación de emprego no sector do tempo libre.
Cifrou en 650 os contratos asociados a esta campaña durante o ano pasado e destacou que a Xunta de Galicia segue fortalecendo esta oferta como fixo o ano pasado, a pesar da crise sanitaria da covid-19. Neste sentido, lembrou que Galicia foi das poucas comunidades que mantivo estas actividades durante o verán do 2020 cun moi bo resultado, xa que non se rexistrou ningún caso positivo.
Así mesmo, fixo balance da oferta da campaña deste ano, que ten como lema O verán que mereces, e no que se ofertarán un total de 7.800 prazas entre campamentos, campos de voluntariado, minicampamentos e intercambios con outras comunidades. Trátase de mil prazas máis que o pasado ano.
A conselleira de Medio Ambiente, Territorio e Vivenda, anunciou que a Xunta de Galicia se marca o obxectivo de ser unha administración neutra en carbono no ano 2040, reducindo as emisións de gases de efecto invernadoiro en todos os seus ámbitos.
Ángeles Vázquez presentou 'un novo reto' da Estratexia galega de cambio climático e enerxía de 2050: a folla de ruta elaborada polo Goberno galego e coa que a Comunidade se converteu nunha das primeiras rexións europeas en establecer por escrito este compromiso de neutralidade climática.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.274 deles 458 son da área da Coruña, 161 da de Lugo, 141 da de Ourense, 123 da de Pontevedra, 191 da área de Vigo, 103 da de Santiago e 97 da de Ferrol. Do total de pacientes positivos, 15 están en UCI, 35 en unidades de hospitalización e 1.224 no domicilio. Polo de agora, en Galicia hai un total de 124.932 persoas curadas, rexistrándose 2.434 falecementos. O número de PCR realizadas é de 2.334.110. O número de doses de vacina contra a covid-19 administradas é de 2.470.338.
As mozas e mozos galegos poderán activar o Carné Xove tamén por vía electrónica. A Xunta de Galicia habilitará un formulario na rede para que aqueles que reciben a tarxeta por primeira vez e non poden desprazarse para activala, poidan facelo desde a súa casa. De igual xeito, os 36 puntos de activación presenciais seguirán dispoñibles. A Xunta de Galicia está a enviar aos máis de 400.000 mozas e mozos galegos de entre 12 e 30 anos esta tarxeta de xeito gratuíto aos seus fogares. Aqueles que con anterioridade ao envío xa tiveran o carné, simplemente recibirán un novo coa imaxe actualizada da tarxeta e xa estará listo para utilizar. Aqueles que non tiñan Carné Xove deberán activalo, ben nalgún dos 36 puntos habilitados en toda a Comunidade ou ben por vía electrónica.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.250 deles 439 son da área da Coruña, 151 da de Lugo, 142 da de Ourense, 119 da de Pontevedra, 197 da área de Vigo, 100 da de Santiago e 102 da de Ferrol. Do total de pacientes positivos, 16 están en UCI, 43 en unidades de hospitalización e 1.191 no domicilio. Polo de agora, en Galicia hai un total de 124.871 persoas curadas, rexistrándose 2.434 falecementos. O número de PCR realizadas é de 2.331.075. O número de doses de vacina contra a covid-19 administradas é de 2.427.460.
A Asociación Galega de Salas de Música ao Vivo, Clubtura e Estrella Galicia continúan coa cuarta edición do Ciclo Clube Estrela Galicia. A sala coruñesa Mardi Gras acolle o 1 de febreiro o concerto de Moon Cresta e Frying Luras; mentres que o Garufa Club contará o 14 de febreiro con DA Trío e Udra. Na provincia de Pontevedra, na Aturuxo de Bueu estarán The Lelli Kellys e Enxeito e na sala Contrabajo, Vigo, AFF60 e Jay Doe & The Blues Preachers.
'Vendo. Compro. Cambio' era a mensaxe coa que o neno Francisco Latorre Eced anunciaba un posto de compra-venda de cómics co que axudar á subsistencia da súa familia, represaliada nos anos da posguerra e refuxiada na cidade de orixe da súa nai, Huesca. Hoxe a mensaxe recupera actualidade como lema dunha exposición homónima da man da artista María X. Fernández que abriu as súas portas este luns 20 na Igrexa da Universidade.
O centro albergará de xeito permanente o mural que a artista elaborou para os Premios da Cultura Galega 2019, con tres referencias principais: a cidade olívica, coa presenza dalgúns dos seus espazos máis emblemáticos; a movida viguesa, movemento cultural e creativo excepcional que foi protagonista desta edición dos Premios; e o movemento artístico Atlántica, que iniciou a eclosión dun momento artístico dinamizador da arte galega no último terzo do século XX.
A difusión dos valores da dieta atlántica foron o exito central dunha xuntanza celebrada na Reitoría compostelá coa participación de representantes da Fundación Dieta Atlántica, Turismo de Galicia, Centro Superior de Hostalaría de Galicia (CSHG) e do grupo Lume Atlántico así como do chef Santiago Fernández, e aos que recibiu o reitor Antonio López. O obxecto deste encontro foi a definición de posibles vías de traballo conxunto entre as distintas institucións arredor desta fórmula gastronómica.
Hoxe comezou oficialmente a segunda edición do concurso escolar Pilabot, unha iniciativa para promover a recollida selectiva de pilas, acumuladores e baterías usadas entre os máis cativos e na que participan un total de 150 centros de primaria e secundaria de toda Galicia. A actividade central desta segunda edición de Pilabot volverá ser o concurso escolar de reciclaxe, de forma que os centros competirán entre si para acadar as mellores cifras de recollida de pilas de Galicia.
O Museo Gaiás da Cidade da Cultura superou no Nadal as 23.000 visitas grazas á mostra 'Galicia, un relato no mundo' primeira grande exposición internacional para o Xacobeo 21 e ás actividades para público familiar para estas datas, nas que se recreou unha vila máxica elaborada con globos biodegradables, dinamizada con obradoiros de balde e con dous grandes espectáculos: un circense-musical e outro con sete magos internacionais.
A Materioteca de Galicia celebra os seus primeiros meses de traxectoria cun balance positivo e a perspectiva de consolidar e ampliar as súas actividades como instalación de referencia dos materiais innovadores para as empresas e profesionais do deseño galegos. Desde a súa apertura xa son varias as colaboracións entre empresas e profesionais que se teñen propiciado arredor dos materiais innovadores que se expoñen na instalación do CIS Tecnoloxía e Deseño.
Publícase hoxe a convocatoria de axudas de mobilidade complementarias ás achegadas pola Unión Europea no marco do Programa comunitario "Erasmus+", para o alumnado do Sistema universitario de Galicia que participa en Erasmus Estudos no curso 2019/2020, que conta cun orzamento de 1.517.000 euros. Deste xeito, todos os estudantes galegos que tiveran dereito ás axudas europeas poderán ter acceso tamén ás axudas complementarias autonómicas.
Promover a sustentabilidade ambiental, económica e social dos servizos ecosistémicos mariños en áreas naturais protexidas do territorio español é o principal obxectivo do proxecto Ecoser, liderado polo profesor da USC Sebastián Villasante e no que tamén toman parte as Universidades de Vigo e Almería, e o Instituto para o Crecemento Sustentable da Empresa.
O programa de innovación educativa Observa_Acción (Innovación docente dende a observación e o intercambio entre iguais) vén de seleccionar os cinco centros escolares galegos que participarán nun intercambio de boas prácticas educativas fóra de Galicia (Asturias, Castela e León e A Rioxa). De cada un dos centros participarán neste programa de innovación CATRO persoas do claustro, incluído un membro do equipo directivo.
