Noticias sociedad
Os areais galegos reciben en total 111 bandeiras azuis -catro máis que o ano pasado-; os portos deportivos 11; e para premiar as iniciativas a prol da educación ambiental e o mantemento de sendas naturais de especial relevancia, resultaron galardoados tamén 13 centros azuis e 20 sendeiros, situándonos no primeiro posto nacional en canto a estes itinerarios que contribúen ao uso sostible do litoral. Así, un ano máis, Galicia mantense nos primeiros postos de toda España, cunha de cada cinco de todas as distincións nacionais. Un dato aínda máis relevante se se ten en conta que España lidera o ránking mundial de bandeiras azuis.
A Xunta de Galicia iniciará este sábado 19 de xuño as probas das oposicións do ensino máis amplas da historia tanto en número de prazas, un total de 3.894, como de tribunais e sedes. Deste xeito os exames, cuxa primeira proba se realizará entre o sábado e o día 25, desenvolveranse nun total de 132 sedes en 23 localidades de toda Galicia. A segunda proba terá lugar con posterioridade, nas datas marcadas polos tribunais. É a primeira vez que as oposicións se realizan en localidades máis aló das sete cidades galegas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.355, deles 410 son da área da Coruña, 177 da de Lugo, 154 da de Ourense, 127 da de Pontevedra, 264 da área de Vigo, 127 da de Santiago e 96 da de Ferrol. Do total de pacientes positivos, 16 están en UCI, 45 en unidades de hospitalización e 1.294 no domicilio. Polo de agora, en Galicia hai un total de 124.458 persoas curadas, rexistrándose 2.430 falecementos. O número de PCR realizadas é de 2.318.614. O número de doses de vacina contra a covid-19 administradas é de 2.323.115.
Contribuír, nun escenario de cambio climático global, á prevención dos grandes incendios forestais e á xestión dos espazos susceptibles de sufrilos en diferentes áreas rurais ao longo da fronteira entre España e Portugal. Ese é obxectivo central de Firepoctep, un proxecto seleccionado na convocatoria Interreg V A España-Portugal e coordinado pola Junta de Andalucía, no que participan 21 institucións de España e Portugal, entre as que se atopan as universidades galegas. Cun orzamento de preto de 5,5 millóns de euros, financiados nun 75% con fondos Feder, o proxecto que este xoves desenvolvía en Sevilla a súa reunión de lanzamento engloba iniciativas como a identificación de 'zonas estratéxicas de xestión' en diferentes áreas piloto ao longo da fronteira, nas que as actuacións preventivas poidan diminuír os efectos e intensidade dos lumes.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.346, deles 401 son da área da Coruña, 175 da de Lugo, 145 da de Ourense, 124 da de Pontevedra, 274 da área de Vigo, 134 da de Santiago e 93 da de Ferrol. Do total de pacientes positivos, 15 están en UCI, 47 en unidades de hospitalización e 1.284 no domicilio. Polo de agora, en Galicia hai un total de 124.356 persoas curadas, rexistrándose 2.430 falecementos. O número de PCR realizadas é de 2.314.801. O número de doses de vacina contra a covid-19 administradas é de 2.288.094.
Establecer unhas liñas e criterios que permitan unha ordenación do Sistema Universitario de Galicia (SUG) racional e acorde coas necesidades da comunidade para levar o ensino universitario galego ás máis altas cotas de competitividade, calidade e excelencia é a meta coa que nace o acordo asinado este mércores por USC, UDC, UVigo e Xunta de Galicia. O documento presentado polo reitor da USC Antonio López; o conselleiro de Cultura, Educación e Universidade, Román Rodríguez; e os reitores da UDC, Julio Abalde; e da UVigo, Manuel Reigosa define, baixo a premisa da flexibilidade, os criterios polos que se rexerán as titulacións do SUG a implantar ata o ano 2026.
O conselleiro de Sanidade, Julio García Comesaña, informou está mañá, en rolda de prensa, da decisión adoptada polo comité clínico de adiantar unha semana a vacinación das persoas maiores de 60 anos que recibiran a primeira dose da vacina de Astrazeneca. Acompañado polo xerente do Sergas, José Flores; a directora xeral de Saúde Pública, Carmen Durán, e o membro do comité clínico, Pedro Rascado; o titular de Sanidade adiantou que o departamento que dirixe tamén traballa nun documento de desescalada que ten por obxecto avanzar cara a nova normalidade.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.379, deles 384 son da área da Coruña, 188 da de Lugo, 149 da de Ourense, 128 da de Pontevedra, 292 da área de Vigo, 146 da de Santiago e 92 da de Ferrol. Do total de pacientes positivos, 15 están en UCI, 52 en unidades de hospitalización e 1.312 no domicilio. Polo de agora, en Galicia hai un total de 124.258 persoas curadas, rexistrándose 2.430 falecementos. O número de PCR realizadas é de 2.311.139. O número de doses de vacina contra a covid-19 administradas é de 2.267.497.
O Instituto Nacional de Estatística (INE) publicou hoxe a Estatística de Variacións Residenciais que ven a destacar que Galicia mantivo en 2020 o signo positivo migratorio pese ao efecto da Covid-19 e as fortes restricións á mobilidade. No ano 2020 mantívose o signo positivo do saldo migratorio total en Galicia, é dicir, un número maior de entradas con respecto ás saídas, que acada un total de 14.616 persoas. A pesar de todas as restricións a mobilidade do ano 2020, este é o segundo mellor saldo de toda a serie histórica dende 2010, so por detrás do pasado ano que era positivo en 17.747 persoas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.581, deles 361 son da área da Coruña, 208 da de Lugo, 155 da de Ourense, 157 da de Pontevedra, 386 da área de Vigo, 206 da de Santiago e 108 da de Ferrol. Do total de pacientes positivos, 14 están en UCI, 55 en unidades de hospitalización e 1.512 no domicilio. Polo de agora, en Galicia hai un total de 123.782 persoas curadas, rexistrándose 2.428 falecementos. O número de PCR realizadas é de 2.297.829. O número de doses de vacina contra a covid-19 administradas é de 2.181.791.
O Clúster Alimentario de Galicia, que integra a empresas, entidades de investigación e innovación e outras organizacións do sector alimentario, traballa no desenvolvemento da cultura da innovación e da difusión e aplicación do coñecemento, ao tempo que impulsa a creación de valor, a través de novos produtos e/ou procesos, seguridade e calidade, ademais de, entre outros cometidos, avanzar na mellora da produtividade da sustentabilidade.
A segunda edición de Pilabot, unha iniciativa para promover a recollida selectiva de pilas, acumuladores e baterías usadas nos centros educativos, comezará oficialmente o vindeiro 13 de xaneiro. Os xestores de pilas autorizados en Galicia (Ecopilas, ERP e Ecolec) impulsarán esta campaña dirixida ao eido escolar coa finalidade de concienciar ás novas xeracións sobre o impacto medioambiental que teñen este tipo de residuos.
As características que deberá ter o pan para poder acollerse a esta Indicación están recollidas no correspondente prego de condicións. Trátase dun pan de codia dura e triscante, miga esponxosa e alveolado abundante e irregular, que se elabora de forma artesanal con fariña de trigo brando, da cal unha parte cando menos un 25% do total debe proceder de trigos cultivados en Galicia.
Vacún, horta e mexillón con selo ecolóxico. Son os tres produtos que o Consello Regulador de Agricultura Ecolóxica de Galicia (Craega) presentou o pasado mércores aos alumnos do Centro Superior de Hostelería de Galicia (CSHG). O testemuño de José Ángel Regueiro Real, gandeiro de vacún e vogal na comisión de goberno do Craega, e o show cooking impartido polos chefs do restaurante A Horta do Obradoiro serviron para achegar algúns dos segredos dos alimentos certificados aos que no futuro van a tomar o relevo no sector hostaleiro.
Tivo lugar en Santiago unha nova xuntanza de Ateneos de Galicia, onde quedou constituída a Federación de Ateneos de Galicia, na que se viña traballando dende marzo do pasado ano, cando se formalizou un convenio de colaboración entre as entidades promotoras. No acto de constitución, que se oficializou mediante a sinatura da acta fundacional e dos Estatutos, participaron representantes dos Ateneos de Santiago, Ferrolán, Santa Cecilia de Marín, Moaña, Atlántico de Vigo, Ourense e Pontevedra.
É Nadal e os Bolechas están na casa, porque vai moitísimo frío. Entón escoitan na televisión que un informe da axencia europea do medio ambiente sitúa o noroeste peninsular como unha das zonas que máis se verán afectadas polo quecemento do planeta. Os Bolechas fican arrepiados e van chamar o seu amigo o científico Estroncio Potasio que co seu aparello cuántico acelerado vai provocar algo terrible. De súpeto aparece un Lixontropo, unha das consecuencias do cambio climático.
A Fundación Juana de Vega, en colaboración coa Fundación Isla Couto e a Universidade de Vigo, presentou hoxe o informe Impacto económico da enerxía eólica no medio rural galego: Contexto, cambios e oportunidades, elaborado polo Observatorio Eólico de Galicia (OEGA). O OEGA nace da colaboración entre a Fundación Juana de Vega, a Fundación Isla Couto e a Universidade de Vigo.
Luís Paadín presentaba este luns, 16 de decembro, na D.O. Ribeira Sacra, a súa Guía de Viños de Galicia 2020 para a que se cataron máis de 1.500 viños e destilados. A D.O. Ribeira Sacra conta nesta Guía con 19 Medallas de Gran Ouro, 140 medallas de Ouro e 37 medallas de Prata. Recibe ademais 4 Trofeos Ampelos, estes premios outórganse desde hai 2 anos ás adegas cando obteñen 5 Grandes Ouros, sendo un recoñecemento ao esforzo, a constancia e a excelencia. Obteñen o Ampelos Adegas Moure, Algueira e Roberto Regal López
Galicia camiña con paso firme e apoiándose nas ferramentas máis axeitadas para ser unha das primeiras rexións en alcanzar o ambicioso obxectivo da neutralidade climática. Así o proclamou a conselleira de Medio Ambiente, Ángeles Vázquez, encargada de conducir o evento 'Galicia resiliente: comunidade e clima' no marco do Cumio Mundial do Clima COP25, o encontro internacional máis importante sobre cambio climático e que reúne en Madrid a máis de 50 xefes de Estado e de Goberno.
Santiago acollerá, da man da Axencia de Coñecemento en Saúde, o debate experto arredor do futuro da innovación sanitaria. A primeira edición da xornada Fronteiras da Innovación Sanitaria 2019, con máis de 200 profesionais inscritos, permitirá examinar os avances reais na sanidade galega vencellados a proxectos de innovación, difundir as oportunidades existentes na compra pública innovadora ou explorar novos modelos de cooperación en materia de I+D+i.
