Noticias sociedad
O Goberno galego está a tomar parte no grupo de traballo para a configuración dun catálogo estatal de referencia de políticas e servizos para atender ás vítimas desta lacra. A elaboración do catálogo, que se someterá a permanente actualización, constitúe para a Xunta un avance e exemplo da cooperación entre o Ministerio de Igualdade, as comunidades autónomas e as entidades locais a través da Federación Española de Municipios y Provincias (FEMP). Consolidar un marco de colaboración permanente que garanta a prórroga e permanencia das medidas derivadas do Pacto de Estado contra a Violencia de Xénero, é unha das máximas da comunidade galega.
Este premio, instaurado en 1977, está promovido polo Goberno galego e as catro deputacións provinciais e ten como obxectivo perpetuar e honrar a memoria de Otero Pedrayo, recoñecer o labor de contribución eminente á cultura e promover os valores propios de Galicia e as obras que leven ao esclarecemento e á mellora da súa cidadanía e institucións. O profesor e investigador Ángel Carracedo naceu en 1955 no Concello de Santa Comba e é catedrático de Medicina Legal da Universidade de Santiago de Compostela (USC). Conta cunha extensa traxectoria que o converteu nun dos xenetistas máis relevantes a nivel internacional.
Galicia será a primeira comunidade autónoma española en regular unha certificación de sustentabilidade para a produción alimentaria. Será a través da Lei da calidade alimentaria, en cuxa tramitación avanza a Xunta, completando os pasos previos ao seu sometemento ao Consello Económico e Social de Galicia. Hoxe, o Consello do Goberno galego coñeceu un informe da Consellería do Medio Rural sobre este texto, que se prevé levar ao Parlamento antes de que remate este ano 2022. Con esta iniciativa trátase de actualizar o marco normativo galego referido ao impulso da calidade dos produtos alimentarios que se producen ou comercializan na nosa comunidade.
A conselleira de Promoción do Emprego e Igualdade, María Jesús Lorenzana, presentou hoxe na Cidade da Cultura o I Plan Galego contra a Trata como 'documento estratéxico', elaborado mediante un proceso participativo no que tomaron parte unha ducia de entidades que traballan en Galicia coas vítimas desta lacra, que artella medidas e políticas para dar unha resposta integral e coordinada a estas mulleres.
Foi presentada a quinta edición do Festival Underfest SON Estrella Galicia que chega de novo ás salas vigueses entre o 22 e o 24 de setembro como referencia do outono musical galego. Os escenarios escollidos nesta ocasión para este festival cun total de 18 artistas son o Auditorio Mar de Vigo, o Museo MARCO, a Sala Kominsky, La Iguana, Mogambo, Radar, Reserva e Masterclub. O británico Michael Kiwanuka, recoñecido como unha das mellores voces do soul actual e encomiado por prensa e público, encabeza o cartel desta edición. Ademais, existirán interesantes propostas como a dos belgas Goose, o londinense PM Warson, a espectacular cantante americana Sarah McCoy ou os suecos Diamond Dogs.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.312, deles 224 son da área da Coruña, 218 da de Lugo, 274 da de Ourense, 113 da de Pontevedra, 215 da área de Vigo, 181 da de Santiago e 83 da de Ferrol. Do total de pacientes positivos, 7 están en UCI, 126 en unidades de hospitalización e 1.179 no domicilio. Polo de agora, en Galicia hai un total de 671.548 persoas curadas, rexistrándose 3.902 falecementos. O número de PCR realizadas é de 3.977.179. O número de doses de vacina contra a covid-19 administradas é de 6.729.857.
O programa Coidados porta a porta ofrece servizos gratuítos de podoloxía, audioloxía e estimulación da memoria a persoas maiores de 55 anos. Trátase dunha iniciativa da Consellería de Política Social e Xuventude para achegar esta atención ás proximidades dos fogares das persoas maiores, de maneira que conten con servizos na súa contorna e poidan seguir vivindo alí onde prefiran.
O conselleiro de Sanidade, Julio García Comesaña, anunciou esta tarde no Parlamento de Galicia a incorporación de tres novas metabolopatías no Programa galego para a detección precoz de enfermidades xenéticas, endocrinas e metabólicas, en período neonatal. Nomeadamente, as patoloxías que pasarán a formar parte do Plan galego de cribado neonatal son: a Atrofia Medular Espinal (AME), a Inmunodeficiencia Combinana Grave (IDGC) e a Hiperplasia suprarrenal conxénita. No que atinxe á evolución futura da carteira de cribados, hoxe mesmo o Portal de Transparencia publica o inicio da consulta pública previa para elaborar un Decreto regulador deste programa de detección precoz.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.253, deles 219 son da área da Coruña, 169 da de Lugo, 292 da de Ourense, 102 da de Pontevedra, 191 da área de Vigo, 181 da de Santiago e 95 da de Ferrol. Do total de pacientes positivos, 6 están en UCI, 132 en unidades de hospitalización e 1.115 no domicilio. Polo de agora, en Galicia hai un total de 671.051 persoas curadas, rexistrándose 3.902 falecementos. O número de PCR realizadas é de 3.975.704.
O sistema educativo galego vai contar este ano con 30.534 docentes, cifra que confirma que este curso hai máis profesorado que o último antes da pandemia e os mesmos que o curso pasado, cumprindo así co manifestado nas últimas semanas polo conselleiro de Cultura, Educación, FP e Universidades, Román Rodríguez, malia estar nun contexto de caída demográfica con 15.000 alumnos menos nas etapas de Infantil e Primaria. Confírmase así un incremento de 493 docentes con respecto ao curso 2019-20, o último antes da pandemia, e de 11 respecto do ano pasado.
A Xunta de Galicia segue coa busca activa de casos nun rango de idade sen pauta completa e, así, o Executivo galego ofrecerá un segundo test gratuíto para os rapaces de 5 a 11 anos, que poderase recoller coa tarxeta sanitaria nas farmacias adheridas a esta iniciativa. Este segundo test estará dispoñible a partir do día sete de xaneiro.
A Xunta de Galicia comeza o 4 de xaneiro a administrar un total de 36.271 doses contra a covid-19, á poboación con idades comprendidas entre os sete e os nove anos. Tras recibir unha nova partida de vacinas por parte do Ministerio de Sanidade, os servizos sanitarios da Xunta de Galicia continuarán co proceso de vacinación pediátrica durante as xornadas do martes e do mércores da presente semana.
A quinta edición da campaña de concienciación cidadá 1m2 polo campo, os bosques e o monte, coa que se conmemorou o Día Internacional das Montañas, saldouse coa caracterización de case 1.000 residuos en 17 puntos de Galicia.
As tres universidades galegas e a Consellaría de Medio Ambiente, Territorio e Vivenda da Xunta de Galicia colaborarán na realización dun estudo sobre a incidencia do cambio climático na costa de Galicia, que incluirá as tarefas necesarias para completar o actual visor cartográfico que achega información sobre dúas variables: os riscos de inundacións e os da suba do nivel do mar.
A directora xeral de Saúde Pública, Carmen Durán Parrondo, informou da decisión prorrogar en dúas semanas a campaña de vacinación contra a gripe, que se estenderá até mediados do mes de xaneiro de 2022, ou até esgotar as doses dispoñibles. O obxectivo desta medida é posibilitar que se poidan vacinar todas aquelas persoas que aínda non o fixeron ate o de agora, pertenzan ou non aos grupos de poboación cuxa vacinación contra a gripe está indicada.
'A política e o xornalismo son profesións xeradoras de odio online, mais con diferencias salientables en canto a xénero'. Esta é unha das principais conclusións do estudo que o profesor da Facultade de Ciencias Sociais e da Comunicación Xabier Martínez Rolán e a docente da Universidade da Coruña Teresa Piñeiro desenvolveron, xunto con investigadoras das universidades Complutense de Madrid e Oberta de Catalunya, no marco da Cátedra Feminismos 4.0 Depo-UVigo.
Este premio recoñece un traballo sobre a percepción que os e as residentes de Melide e Pedrafita do Cebreiro teñen do Camiño de Santiago, así como unha tese que analiza a eficiencia dos centros especiais de emprego en Galicia. O certame está convocado polo Instituto Universitario de Estudos e Desenvolvemento de Galicia e o Consello Económico e Social de Galicia.
É a principal cita internacional sobre tecnoloxía e ensinanza de linguas e nela reúnense arredor de 250 persoas de países como Xapón, Australia, Brasil ou China. Este mércores arrancou a través do Campus Remoto da Universidade de Vigo a VI edición do Congreso internacional de lingua, lingüística e tecnoloxía, techLING2021, con cinco idiomas oficiais.
USC, UDC, UVigo e a Xunta acaban de selar un acordo de colaboración a través do cal o Sistema Universitario de Galicia (SUG) dótase de preto de sete millóns de euros para a adquisición e mellora de equipamento e instalacións científico-técnicas. O reitor da USC, Antonio López; mais os reitores da UVigo e da UDC, Manuel Reigosa e Julio Abalde, así como o conselleiro de Cultura, Educación e Universidade, Román Rodríguez, presentaron este acordo.
O que hoxe coñecemos como mar Mediterráneo era, hai entre 230 a 66 millóns de anos, durante a era dos dinosauros, un complexo arquipélago tropical composto por centos de illas. A comunidade científica consideraba que a maioría desas illas eran tan pequenas que sería complicado que puidesen albergar poboacións de grandes saurios.
