domingo, 25 de octubre de 2026
O proxecto Libera, creado por SEO/BirdLife en alianza con Ecoembes, e no que colabora a Xunta de Galicia, reuniu este mes a preto de 250 voluntarios que participaron nas diferentes batidas para evitar basuraleza nos montes e zonas litorais de Galicia.
Un total de 17 equipos dedicáronse a retirar lixo de espazos verdes como o parque de Castrelos en Vigo, o merendeiro de Preguntoño en Arzúa, o paseo fluvial de Oira en Ourense ou nas inmediacións do mosteiro de Caaveiro en Pontedeume. Entre a basuraleza atopada nestas zonas destacaron os materiais da construción, os panos de man, panos e bolsas de plástico.
Deste xeito, Galicia sumouse á campaña nacional que nesta edición actuou sobre 346 puntos en España, case 80 máis que no ano anterior, un traballo grazas ao cal se retiraron 8,5 toneladas, entre as que se atopan cabichas, latas, pezas de plástico e de vidro, asà como botellas de plástico.
Asemade, estas accións súmanse a outras, impulsadas por Libera no conxunto do Estado, como 1m2 polas praias e os mares ou 1m2 polos rÃos, embalses e pantanos, nos que participaron preto de 10.000 voluntarios e grazas as cales se conseguiu caracterizar máis de 136.000 obxectos de 596 puntos de toda España.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañÃas, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artÃstico durante a presentación.
