sábado, 18 de julio de 2026
A delegada territorial da Xunta en Vigo, Marta Fernández-Tapias, presentou este martes a quinta edición do Festival Underfest SON Estrella Galicia que chega de novo ás salas vigueses entre o 22 e o 24 de setembro como referencia do outono musical galego. A promotora Sweet Nocturna volve contar co patrocinio da Xunta a través da marca FEST Galicia, ademais de recibir axuda por medio da convocatoria de subvencións da Consellería de Cultura, Educación e Universidade a festivais profesionais de música.
Estamos ante unha cita que xa se consolidou na cidade e que se converteu no escenario perfecto para a música urbana, cun formato diferente e moi coidado, sinalou a representante autonómica durante o acto de presentación do evento. Os escenarios escollidos nesta ocasión para este festival cun total de 18 artistas son o Auditorio Mar de Vigo, o Museo MARCO, a Sala Kominsky, La Iguana, Mogambo, Radar, Reserva e Masterclub.
O británico Michael Kiwanuka, recoñecido como unha das mellores voces do soul actual e encomiado por prensa e público, encabeza o cartel desta edición. Segundo explicou David Lago, de Sweet Nocturna, trátase dun dos artistas máis solicitados polos festivais máis importantes de medio mundo e fará a súa estrea en Galicia dentro do festival vigués.
Ademais, existirán interesantes propostas como a dos belgas Goose, o londinense PM Warson, a espectacular cantante americana Sarah McCoy ou os suecos Diamond Dogs. No cartel tamén figurarán artistas nacionais de referencia nos seus respectivos estilos como Hidrogenesse ou Doutor Explosión.
E como sempre dentro do festival haberá espazo para novos artistas en plena ebulición como Judeline e por suposto propostas que representarán o mellor talento galego. Ademais, a oferta do festival complétase dando espazo e visibilidade a campos como a ilustración e o deseño gráfico musical.
Así, o Underfest traerá ata Vigo a exposición interactiva Error! Design, 20 years of music artwork, con máis de 30 pezas do artista catalán Xavi Forné. A mostra reunirá unha interesante colección de cartelismo musical, onde se repasan os seus máis de 20 anos de carreira. A exposición inaugurarase este mércores 21 de setembro (20:00h) e contará con música en directo.
Na presentación tamén participaron Cristina Canosa, representante de Estrella Galicia, e Pablo Estévez, polo Concello de Vigo. Seleccionado dentro do conxunto de festivais estratéxicos da Xunta que compoñen Fest Galicia, o Underfest SON Estrella Galicia é un festival realizado en Vigo que forma parte deste grupo que aglutina aos principais festivais que se celebran na nosa comunidade.
O Atlantic Fest celebra este verán a súa décima edición consolidado como unha das citas musicais imprescindibles. Do 17 ao 19 de xullo, a praia da Concha de Vilagarcía de Arousa volverá acoller un festival que combina música, paisaxe, gastronomía e identidade propia, converténdose nun dos grandes atractivos culturais e turísticos das Rías Baixas durante a tempada estival. A décima edición do Atlantic Fest presenta unha programación que combina grandes nomes internacionais, referentes do panorama estatal e unha destacada presenza de artistas galegos. Entre as actuacións internacionais sobresae a presenza de Franz Ferdinand, nunha das súas poucas actuacións deste verán e única en Galicia.
O 60,66% dos 877 ciclos de Formación Profesional de réxime ordinario para o próximo curso en Galicia complétanse na primeira adxudicación de prazas pechada pola Consellería de Educación, Ciencia, Universidades e FP, e que dá dereito a matrícula. Segundo os datos recabados, un total de 57.118 persoas presentaron solicitude para cursar algunha modalidade de Formación Profesional, o que representa un incremento de preto do 2% (1.069 solicitudes máis) con respecto ao curso 2025-26, o que confirma, un ano máis, o interese que espertan estas ensinanzas entre os cidadáns en Galicia. O maior número de solicitudes rexístranse nos ciclos superiores da modalidade ordinaria, con 15.893 solicitudes, 643 máis (un 4,22% de incremento) que o curso pasado.
