Noticias sociedad
A Xunta de Galicia recoñece o traballo de oito centros educativos galegos co Premio Boas Prácticas de Educación Inclusiva 2022, convocados pola Consellería de Cultura, Educación, FP e Universidades co obxectivo de impulsar a atención á diversidade e a inclusión educativa, difundir as boas prácticas así como recoñecer o labor que, neste sentido, está a desenvolverse actualmente nos centros educativos. Trátase, deste xeito, de promover unha escola que garanta o estímulo das capacidades de todo o alumnado e contribúa á creación de contornas e culturas inclusivas.
Tivo lugar a posta en marcha no Complejo Hospitalario Universitario de La Coruña dunha nova unidade de ensaios clínicos, que permitirá avaliar a efectividade de novos fármacos, unidade que representa un punto de inflexión no marco da investigación sanitaria. Destaca especialmente o servizo de Oncoloxía Médica do hospital coruñés, que conta con máis de 160 ensaios clínicos activos que amplían a información dispoñible en terapias dirixidas ou inmunoterapia en distintos tumores sólidos, ademais de achegar coñecemento sobre novos mecanismos de resistencia primaria adquirida.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.975, deles 511 son da área da Coruña, 205 da de Lugo, 234 da de Ourense, 205 da de Pontevedra, 390 da área de Vigo, 270 da de Santiago e 160 da de Ferrol. Do total de pacientes positivos, 8 están en UCI, 250 en unidades de hospitalización e 1.717 no domicilio. Polo de agora, en Galicia hai un total de 684.487 persoas curadas, rexistrándose 4.008 falecementos. O número de PCR realizadas é de 4.024.653. O número de doses de vacina contra a covid-19 administradas é de 7.520.430.
Foi presentado hoxe no Centro de acollida ao peregrino, o espectáculo de luz, son e danza que terá lugar o vindeiro 31 de decembro co motivo do remate do Xacobeo. A compañía Nova Galega de Danza, dirixida por Jaime Pablo. será a encargada de levar a cabo o espectáculo de luz, que une tradición e modernidade no mesmo camiño. Un equipo composto por arredor de 100 persoas, entre o corpo de baile, coro, técnicos e persoal de produción farán as delicias dos espectadores e farán do peche da Porta Santa un acontecemento que se retransmitirá pola TVG, e que dará comezo e torno ás 19h despois da misa na Catedral.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.069, deles 446 son da área da Coruña, 238 da de Lugo, 318 da de Ourense, 174 da de Pontevedra, 462 da área de Vigo, 290 da de Santiago e 141 da de Ferrol. Do total de pacientes positivos, 3 están en UCI, 238 en unidades de hospitalización e 1.828 no domicilio. Polo de agora, en Galicia hai un total de 683.343 persoas curadas, rexistrándose 3.998 falecementos. O número de PCR realizadas é de 4.020.807. O número de doses de vacina contra a covid-19 administradas é de 7.512.240.
Galicia rexistrou un outono moi cálido e moi húmido segundo o Informe climatolóxico elaborado por MeteoGalicia que foi presentado hoxe pola directora xeral de Calidade Ambiental, Sostibilidade e Cambio Climático, Sagrario Pérez. Segundo o informe, o outono de 2022 foi moi cálido cunha temperatura media de 15,9 ºC, o que supón unha anomalía positiva de +1,4 graos con respecto á media da serie histórica 1981-2010. Sagrario Pérez explicou que isto se debeu principalmente a que as temperaturas mínimas foron moi cálidas sobre todo no mes de outubro (+1,9 ºC) mentres que as máximas foron cálidas (+1 ºC).
A conselleira María Jesús Lorenzana clausurou ante máis de 100 persoas a xornada Rede CIM: a importancia do autocoidado entre o persoal -enmarcada na IV edición do Plan de formación do persoal dos Centros de Información á Muller que promove este departamento da Xunta- onde avogou por estes centros como dinamizadores dos recursos de atención ás mulleres e ás vítimas da violencia de xénero. Lorenzana gabou o traballo preventivo e de sensibilización desenvolvido polos 84 CIMs despregados por Galicia e que dan cobertura universal e gratuíta a 193 concellos.
Galicia e Norte de Portugal amplían a súa colaboración transfronteiriza no ámbito das urxencias sanitarias, logo da sinatura, no día de hoxe, dun Memorando de entendemento entre o Instituto Nacional de Emerxencia Médica I.P. e a Consellería de Sanidade. Ao acto de sinatura, que correu a cargo do conselleiro de Sanidade, Julio García Comesaña, e do presidente do antedito Instituto, Luís Meira, tamén asistiu o director xeral de Relacións Exteriores e coa UE da Xunta, Jesús Gamallo. Tal e como sinalou o conselleiro de Sanidade, dende o ano 2014 existe un Protocolo de colaboración transfronteiriza entre a Administración Rexional de Saúde do Norte de Portugal e a Xunta de Galicia, para actuar conxuntamente ante determinadas emerxencias.
Foi presentada a programación dunha nova edición de Nadal en Rede, o programa de dinamización lingüística que arranca este venres e levará actividades para público familiar a unha vintena de concellos. Na edición deste ano apóstase por actividades dirixidas aos máis pequenos da casa. A primeira das actividades será este venres no centro social de Pontecesures coa proposta Fazulas e o ladrón de paraugas. Trátase dunha iniciativa da compañía teatral Bandullo Azul, protagonizada por Fran Campos e baseada no libro homónimo de Xosé Lueiro, do que o concello receptor da actividade recibirá 5 exemplares.
Foi inaugurado en Pontevedra o Congreso sobre prevención, modelo forestal e usos do solo, enmarcado no proxecto europeo Interlumes, que se integra, á súa vez, no Programa Interrreg VA 2014-2020 Galicia- Portugal (POCTEP). O obxectivo fundamental de Interlumes é o de reforzar a capacidade operativa de resposta na extinción de incendios forestais na fronteira de España e Portugal. Para iso, a través do proxecto melloraranse e reforzaranse os medios existentes de prevención e extinción de incendios. Tamén se avanzará na definición dun protocolo de actuación conxunta e xestión compartida de medios e modelos de actuación na defensa contra o lume que homoxeneíce as actuacións que in situ se levan a cabo na fronteira.
O proxecto rurAllure botou a andar hai algo máis dun ano co obxectivo de divulgar o patrimonio cultural que rodea as grandes vías de peregrinación de Europa, ampliando as experiencias dos peregrinos que as percorren achegándolles. A finalidade é empregar ferramentas tecnolóxicas e estratexias de innovación para achegarlles a oferta cultural das áreas rurais próximas.
O Grupo de Estudos de Arqueoloxía, Antigüidade e Territorio da UVigo vén de realizar a primeira escavación arqueolóxica na illa de Sálvora. A intervención, indican os seus responsables, permitiu descubrir un importante xacemento romano que posiblemente corresponda cunha factoría de salgadura. A iniciativa nace da colaboración existente entre a institución académica e o Parque Nacional Marítimo-Terrestre das Illas Atlánticas.
'Adestrar futuros científicos/as, que ademais de coñecer métodos e técnicas, aprecien as matemáticas polo seu papel no desenvolvemento da ciencia en xeral e da cultura'. Así define Estalmat-Galicia o horizonte que persegue este programa para a detección e o estímulo do talento precoz en matemáticas. Dirixido a estudantes nados nos anos 2008, 2009 ou 2010, Estalmat-Galicia abre o seu prazo de inscrición ata o 30 de maio.
O trío británico Muse actuará en Vigo dentro da programación do Xacobeo 21-22 o vindeiro 8 de setembro no Estadio de Balaídos para ofrecer unha das tres datas que ten reservadas en España. Na cidade tamén actuarán C. Tangana (23 de agosto no Porto de Vigo) e Rufus Wainwright (2 de xullo en Afundación). Ademais, haberá outros dous ciclos (Xacobeo Importa e Xacobeo Vigo) e dous festivais (Latitudes e Música Urbana) para conformar unha oferta que chegará ata os vinte concertos na cidade.
O 10 de maio de 1972 no pavillón do comedor do complexo do Burgo, un grupo de estudantes da USC organizou o concerto no que o cantautor portugués Zeca Afonso interpretou, por primeira vez en público, a canción Grândola, Vila Morena, emblema da revolución que puxo fin á ditadura portuguesa. Cincuenta anos despois, os acordes deste tema volverán soar na USC grazas a un acto conmemorativo o vindeiro martes 10 de maio.
A Xunta proporá o vindeiro xoves na mesa sectorial adiantar o inicio do curso ao 8 de setembro en todas as etapas. Deste xeito unifícase un calendario que ata o momento incluía diferentes datas para Infantil e Primaria das de ESO e Bacharelato e facilítase a conciliación da vida laboral e familiar. Tal e como recolle o documento enviado ás organizacións sindicais, a proposta é iniciar as clases o 8 de setembro de 2022 e rematalas o 21 de xuño de 2023.
A divulgación científica tomará de novo os bares na sétima edición de Pint of Science, que se celebrará entre os días 9 e 11 de maio. Vigo será unha das 44 cidades españolas nas que durante tres días as e os científicos achegarán de xeito sinxelo e accesible os seus coñecementos ao público, a través da iniciativa nacida en 2013 no Imperial College de Londres e que en España acada a súa sétima edición.
Científicas, directivas, enxeñeiras e investigadoras serán as protagonistas do I Seminario da Cátedra de Transición Enerxética Genesal Energy, que se celebrará o próximo 4 de maio na USC baixo o título 'Mulleres STEM e Transición Enerxética: acelerando o cambio cara á sustentabilidade'. Trátase da primeira actividade académica que organiza esta Cátedra institucional creada o pasado mes de decembro pola institución universitaria e Genesal Energy.
Érika Reija, xornalista luguesa da Televisión Española, que abandonou este ano a correspondencia de Moscova tras a aprobación dunha lei que criminaliza o traballo xornalístico, é a gañadora da XVIII edición do Premio José Couso de Liberdade de Prensa, organizado polo Colexio Profesional de Xornalistas de Galicia (CPXG) e o Club de Prensa de Ferrol. A candidatura de Érika Reija resultou vencedora con maioría suficiente e sen necesidade de voto de calidade do presidente do xurado.
O Center for World University Rankings (CWUR) mantén a USC entre as 500 mellores universidades do mundo ao situala na posición 472, logo da análise de 19.788 institucións avaliadas e clasificadas segundo o seu desempeño académico. O rendemento investigador e a empregabilidade son os dous aspectos mellor valorados da USC, na posición décimo segunda de entre as institucións españolas recollidas nesta clasificación.
