sábado, 10 de mayo de 2025
O delegado territorial da Xunta en Ourense, Gabriel Alén, asistiu esta mañá á presentación do festival Ouren Sound Fest, que se desenvolverá do 25 ao 28 de maio, onde destacou a relevancia da programación desta VIII edición, que contará con grupos de renome como é Andrés Calamaro, os grupos revelación do 2022, Shinova e Cariño; e en música urbana, artistas como DePedro.
O festival, que conta coa colaboración institucional da Xunta e da Deputación e Concello de Ourense, ten como obxectivo principal dinamizar a cidade de Ourense, dotándoa de contidos culturais que non só se limitan a realización do propio festival, e que o mesmo tempo é un motor turístico e patrimonial.
O delegado territorial sinalou que o Ouren Sound Fest é moito máis que un festival de música, é un medio de difusión e concienciación de determinados oficios como, a conservación da arte dos alfareiros, a arte da elaboración de guitarras, do viño do Ribeiro e a do pulpo do Carballiño. Para Gabriel Alén, trátase dun festival con carácter propio, cun crecemento en asistentes, mellores artistas, infraestruturas e producións máis grandes ano tras ano, constatando o seu crecemento tanto en actividades, como en calidade artística.
Así mesmo, o Ouren Sound Fest pretende ser unha mostra da gran musica que se esta a facer en Galicia, sen esquecernos das figuras consagradas a nivel estatal e internacional, ademais de amosar a cidade de Ourense a toda aquela xente que se achegue dende outros puntos da xeografía galega e española.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
