Noticias sociedad
Foi presentado o festival Ouren Sound Fest, que se desenvolverá do 25 ao 28 de maio. Destaca a relevancia da programación desta VIII edición, que contará con grupos de renome como é Andrés Calamaro, os grupos revelación do 2022, Shinova e Cariño; e en música urbana, artistas como DePedro. O festival ten como obxectivo principal dinamizar a cidade de Ourense, dotándoa de contidos culturais que non só se limitan a realización do propio festival, e que o mesmo tempo é un motor turístico e patrimonial. O Ouren Sound Fest é moito máis que un festival de música, é un medio de difusión e concienciación de determinados oficios.
O conselleiro de Cultura, Román Rodríguez, instou ao Goberno Central a escoitar ás universidades na reforma da ABAU. Nunha intervención no Parlamento de Galicia, o titular do departamento educativo da Xunta lembrou que recentemente as universidades públicas de todo o Estado 'teñen manifestado, a través de alegacións, que ven con preocupación a viabilidade de implantar o modelo de avaliación de competencias para o acceso á universidade xa no vindeiro ano'. 'Compartimos coas universidades que o cambio da ABAU é apresurado e que faltan garantías', manifestou.
Nos últimos tempos puidéronse consultar distintos borradores de Real Decreto sobre a proba de acceso á universidade. O 15 de marzo de 2023 fíxose público un novo borrador de Real Decreto, agora denominado Proxecto de Real Decreto polo que se regulan as condicións para o acceso e a normativa básica dos procedementos de admisión aos ensinos universitarios oficiais de grao, con previsión de aplicación nas probas de acceso á Universidade a partir do ano 2024. O devandito borrador non só incide nas probas, tal e como aparecía nos anteriores borradores, senón que incorpora cambios na normativa de acceso e admisión ás universidades públicas.
Este festival, volve a presentar un cartel con artistas de primeira liña: Nicky Jam, Jason Derulo, os irlandeses Two Door Cinema Club, Rels B, Sidecars. Tamén estarán Shinova E Danny Ocean. Este primeiro avance complétano Lali, Emilia, Vilán Antillano, Aleesha, Les Castizos, Samuraï e Berto. Xa neste avance vese a aposta do festival por aglutinar talento internacional, nacional e galego para volver ser un dos festivais máis importantes de toda España. O Morriña Fest afronta a súa terceira edición despois do gran éxito da primeira e a segunda cunha gran acollida por parte do público xa que, o ano pasado, máis de 40.000 persoas se deron cita para corear os temas dalgúns dos artistas máis relevantes do panorama actual.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 751, deles 159 son da área da Coruña, 77 da de Lugo, 98 da de Ourense, 86 da de Pontevedra, 131 da área de Vigo, 136 da de Santiago e 64 da de Ferrol. Do total de pacientes positivos, 5 están en UCI, 127 en unidades de hospitalización e 619 no domicilio. Polo de agora, en Galicia hai un total de 692.487 persoas curadas, rexistrándose 4.111 falecementos. O número de PCR realizadas é de 4.064.881. O número de doses de vacina contra a covid-19 administradas é de 7.641.322.
Inaugurouse hoxe o congreso Mo_Cidade, cun amplo programa de actividades dirixido ao persoal técnico, con xornadas de traballo específicas o xoves e venres; e á xuventude galega, con programación propia o venres pola tarde e o sábado todo o día. O Palacio de Exposicións e Congresos da Coruña (Palexco) será o escenario ata o vindeiro sábado día 25 de charlas sobre o mundo gaming ou o emprendemento, talleres formativos e actuacións musicais, entre outras actividades.
Entre os motivos que se argumentou que xustificaban a creación desta especialidade de medicina de urxencias e emerxencias, atópanse que este campo supón actuacións, técnicas e procedementos específicos en situacións que poden ser de urxencia vital e patoloxías tempo-dependentes, onde o tempo é un factor decisivo para mellorar o prognóstico e o impacto doutras áreas asistenciais. Outro dos motivos é que é unha especialidade que existe na maioría dos países de Europa, podendo falarse, con toda propiedade, da existencia dun modelo europeo consolidado de especialidade primaria no ámbito profesional sanitario da medicina de urxencias e emerxencias.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 999, deles 211 son da área da Coruña, 101 da de Lugo, 137 da de Ourense, 108 da de Pontevedra, 170 da área de Vigo, 180 da de Santiago e 92 da de Ferrol. Do total de pacientes positivos, 6 están en UCI, 177 en unidades de hospitalización e 816 no domicilio. Polo de agora, en Galicia hai un total de 691.547 persoas curadas, rexistrándose 4.095 falecementos. O número de PCR realizadas é de 4.060.089. O número de doses de vacina contra a covid-19 administradas é de 7.637.141.
O conselleiro de Cultura presentou na Conferencia Sectorial de Educación as alegacións de Galicia ao proxecto de real decreto de Ordenación do Sistema de Formación Profesional, centradas na falta dunha memoria económica e nas dificultades que se pon para incorporación de persoas expertas dos sectores produtivos como docentes. Tal e como sinalou o conselleiro, o proxecto de real decreto non supón grandes novidades para a FP galega, 'dado que xa se están aplicando a maior parte das medidas desde hai tempo. De feito en Galicia xa se incorporou no currículo un módulo inglés nos currículos implantados nos últimos cursos, xa existen as dobres titulacións, a FP Dual xa está deseñada a medida das empresas e nos centros educativos xa se ofertan accións formativas para desempregados'.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.200, deles 249 son da área da Coruña, 116 da de Lugo, 190 da de Ourense, 128 da de Pontevedra, 199 da área de Vigo, 218 da de Santiago e 100 da de Ferrol. Do total de pacientes positivos, 8 están en UCI, 214 en unidades de hospitalización e 978 no domicilio. Polo de agora, en Galicia hai un total de 690.900 persoas curadas, rexistrándose 4.086 falecementos. O número de PCR realizadas é de 4.057.419. O número de doses de vacina contra a covid-19 administradas é de 7.634.146.
Investigadores da Escola Politécnica Superior de Enxeñaría do Campus Terra da USC cítanse o vindeiro 23 de outubro no Courel para abordar sobre o terreo a problemática dos incendios, ademais de para analizar e propoñer alternativas e oportunidades de futuro para a ampla extensión da serra courelá que asolada polas lapas o pasado mes de xullo.
USC e UNICEF España realizaron un estudo sobre o impacto da tecnoloxía na adolescencia, que aplicou escalas validadas internacionalmente para o estudo do benestar emocional e o risco de depresión. Cunha mostra de máis de 40.000 adolescentes entre os 11 e os 18 anos, a investigación constatou que o 15% de adolescentes presenta síntomas graves ou moderadamente graves de depresión. Ademais, a taxa de ideación suicida sitúase no 10,8%, o que evidencia a necesidade de definir políticas públicas que actúen neste eido.
A vicerreitoría de Estudantes, Participación e Empregabilidade da Universidade da Coruña organiza o Foro Avanza do 25 ao 27 de outubro co obxectivo de facilitar a transición ao mercado laboral do alumnado e dos egresados da UDC. Este Foro será un encontro entre o estudantado e os axentes do mercado laboral no que haberá distintas actividades para que o alumnado mellore as competencias, destrezas e habilidades que se demandan e unha feira de emprego.
'Ser quen de usar diferentes linguas na mesma conversa e integrar elementos destas linguas nun único enunciado (alternancia de código) é unha capacidade humana fascinante que aínda non entendemos de todo', aseguran os docentes e investigadores do grupo de investigación LVTC (Languaje Variation and Textual Categorisation) da UVigo Carmen Parafita e Javier Pérez-Guerra.
Un dos grandes retos globais é a loita contra o cambio climático, que ten entre un dos seus principais efectos a intensificación dos eventos extremos, tanto secas como inundacións. Na súa prevención e afrontamento, a xestión da información para a toma de decisións e para a comunicación coa sociedade ten un papel decisivo.
A USC ocupa a sexta posición en orzamento concedido no marco de programa Erasmus+ KA171 para o período 2022-2025 nun cómputo total de 67 institucións de Educación Superior en toda España e a primeira a nivel galego. Segundo publicou o SEPIE (Servizo Español para a Internacionalización da Educación) a finais de setembro para o programa Erasmus+ Mobilidade educativa de estudantes e de persoal de Educación Superior, contará con preto dun millón de euros.
O Foro dos Recursos Mariños e Acuicultura das Rías Galegas (ForoAcui) celebrará os días 6 e 7 deste mes de outubro, no Auditorio Municipal de O Grove, a súa vixésimo cuarta edición asentado como espazo de referencia para comunicar e debater a realidade e as perspectivas de futuro da pesca, o marisqueo e a acuicultura en Galicia.
Despois dunha experiencia piloto en 2021 e dunha segunda convocatoria máis aberta o ano pasado, a Unidade de Igualdade lanza unha nova edición do Distintivo de Igualdade, unha iniciativa que busca recoñecer, impulsar e incentivar a promoción da igualdade entre homes e mulleres nos centros, facultades e escolas universitarias, a través dun proceso de avaliación das actividades, iniciativas e prácticas que realizan neste eido.
'A igualdade formal pode parecer conseguida pero a real é unha tarefa que está por conseguir'. Así se pronunciou o reitor da USC no acto inaugural da Feira de Emprendedoras que reúne no Teatro Principal a 'entidades con liderados feministas, creadas moitas delas por mulleres referentes, imprescindibles para a consolidación dun tecido empresarial de gran valor engadido', coas futuras xeracións de emprendedoras.
Afundación, a Obra Social de ABANCA, continúa co ciclo de cinema sobre intelixencia artificial vinculado á exposición internacional interactiva 'AI: More than Human' que se poderá visitar na Sede Afundación da Coruña ata o vindeiro 5 de febreiro. Está composto por dez películas que expoñen a relación dos seres humanos coa intelixencia artificial desde diferentes perspectivas.
