viernes, 18 de septiembre de 2026
Esta mañá, a directora xeral de Xuventude, Participación e Voluntariado, Cristina Pichel, moderou a primeira mesa redonda do congreso que xirou ao redor da importancia do sector do ocio educativo e do tempo libre.
Desde as 10 da mañá haberá un amplo programa de actividades 100% gratuítas, como charlas de profesionais, obradoiros, formacións, espazos de networking e actuacións musicais, entre outras. No día de hoxe, pechará a xornada o humorista galego Pablo Meixe.
Nos vindeiros días participarán nas conferencias o mánager do artista C Tangana, Íñigo Elósegui; a tiktoker Carla Gabián; a cofundadora de Lázzaro e unha das integrantes na lista Forbes menores de 30 anos, Carlota Corzo; ou o director deportivo do equipo de gaming KOI, David Sabater.
Mo_cidade
Mo_Cidade foi posto en marcha por primeira vez no 2019 como un espazo referente para os intereses da xuventude galega. Durante as súas xornadas teñen lugar diferentes actividades que procura darlle protagonismo á xente nova e aos ámbitos do seu interese como pode ser a cultura urbana, as novas tecnoloxías, o mundo dos videoxogos, a música, o emprendemento e o acceso ao mercado laboral. En definitiva, unha cita de ocio na que se conxuga e se pon en valor o talento da xuventude e o seu papel na sociedade.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade. Villaverde trasladará que Galicia afronta este debate desde unha posición singular pola dimensión e diversidade do seu complexo mar-industria, cunha extensa frota de baixura e pequena escala, unha importante presenza da altura e gran altura, unha industria transformadora e conserveira de referencia e unha acuicultura cun destacado peso na produción comunitaria.
