Noticias sociedad
Foron presentados os concertos de O Son do Camiño, que reunirá no Monte do Gozo a 42 artistas nacionais e internacionais de primeiro nivel no Monte de Gozo os vindeiros 15,16 e 17 de xuño, e que ten vendido entradas a público procedente de 35 países. Este evento volverá situar a Galicia como referente musical e será un dos maiores atractivos culturais este verán. O Son do Camiño contará coas actuación de Vetusta Mora, The Kooks, Xoel López, Leiva, Viva Suecia, Marlon, Duki, Ginebras, Bizarrap, Aitana o Maluma, entre outros.
O obxectivo da Alianza Industrial Galega do Hidróxeno Verde, como instrumento de colaboración público-privada promovido pola Xunta de Galicia -e que está formada por 10 asociacións e clústers do sector que representan 700 empresas, centros de coñecemento, a CEG, os sindicatos, así como as autoridades portuarias da Coruña, Ferrol e Vigo e empresas tractoras como Enagás, Iberdrola, Reganosa, Navantia, Repsol ou Ence- é maximizar as posibilidades de atracción de proxectos e impulsar e consolidar un novo tecido industrial, vinculado a este vector enerxético.
A Cidade da Cultura pecha este xoves o programa de fomento da cultura científica Ciencia parece pero non é co catedrático Darío Villanueva, que afondará no pensamento crítico e uso da linguaxe. Esta será a última das conferencias dun ciclo que reuniu desde xaneiro reputados relatores. Neste tempo alcanzáronse unhas 5.000 visualizacións na súa retransmisión online e participaron preto dun cento de docentes no curso que acompaña ao ciclo. O catedrático Darío Villanueva, exreitor da Universidade de Santiago e expresidente da Real Academia Española, realizará un achegamento á investigación e reflexión sobre pensamento crítico, razón e fenómenos de manipulación a través do uso da linguaxe no seu relatorio Imposturas intelectuais e atropelo á razón.
Un total de 1.200 alumnos desde 6º de Primaria a 4º de ESO poderán mellorar a súas competencias en inglés o vindeiro outono participando na iniciativa Digitalweek organizada pola Xunta de Galicia. O Portal Educativo publica a convocatoria deste programa de estadías lingüísticas, que se desenvolverá durante o primeiro trimestre do curso escolar 2023/24 nun centro residencial situado en Galicia en quendas dunha semana (desde o domingo pola tarde ata o sábado seguinte pola mañá).
O presidente da Xunta, Alfonso Rueda, anunciou máis medidas de protección por parte do Goberno galego para os propietarios de inmobles afectados pola ocupación ilegal. O mandatario autonómico participou hoxe na sinatura dun convenio de colaboración entre o Instituto Galego de Vivenda e Solo (IGVS) e o Consello da Avogacía Galega para elaborar unha guía informativa sobre os dereitos e obrigas das persoas propietarias ou usufrutuarias de vivendas ocupadas ilegalmente.
A Consellería de Sanidade, por medio da súa Dirección Xeral de Saúde Pública, convidou aos equipos de prevención de condutas aditivas, xestionados por concellos e asociacións sen ánimo de lucro, así como a profesionais e asociacións implicados na atención e protección de menores, para darlle difusión ao Programa PROTEGO, e que o poidan utilizar para mellorar as habilidades educativas das familias así como as relacións entre pais e fillos.
Ana Souto Mínguez, Cinthia Piñeiro Acevedo e Carmen Castrillo Sotelo. As tres son mulleres, as tres se formaron nas universidades galegas e as tres están comprometidas coa loita pola igualdade. Elas son as gañadoras da terceira edición dos Premios Valedora do Pobo aos mellores Traballo Fin de Grao e Traballo Fin de Máster en materia de igualdade e dereitos das mulleres e este luns recibiron os seus galardóns nun acto celebrado na sala de xuntas Manolo Ramos do edificio Ernestina Otero.
O presidente da Xunta resaltou que Galicia contará cunha nova lei de igualdade que situará a Galicia á vangarda ao ser 'a primeira comunidade que vai regular o concepto de sustentabilidade social empresarial', co que aspira a modernizar e revolucionar a cultura empresarial con base nos valores ambientais, sociais e de gobernanza que están a rexer os mercados a nivel mundial. 'O obxectivo é garantir que todas as galegas e galegos teñas as mesmas oportunidades e evitar calquera discriminación da muller'. Un dos 'eixos principais' da futura normativa van ser 'actuacións no eido laboral'. Nesta liña, subliñou que 'a Lei impulsará o benestar laboral como piar para guiar as políticas de emprego' e puxo como exemplo o impulso de medidas 'para a conciliación, a flexibilidade horaria ou o teletraballo'.
Foi clausurado o IX Congreso FP Empresa organizado pola Asociación de Centros de Formación Profesional, coa participación de arredor de 600 centros educativos de toda España que imparten estas ensinanzas, ademais de representantes das administracións e das empresas. Participou o Conselleiro de Cultura, Román Rodríguez, que sinalou que todas as partes son imprescindibles para avanzar nestas ensinanzas que hoxe en día son a primeira opción educativa para moitos mozos.
Galicia rexistrou un mes de abril moi cálido e seco, segundo o avance do informe climatolóxico mensual elaborado por Meteogalicia. O mes de abril caracterizouse pola chegada de masas de aire cálido procedentes do sur, que deixaron unhas temperaturas medias moi elevadas para este mes, particularmente, no caso das máximas no interior. En canto ás chuvias, houbo un déficit con respecto ao que sería normal en abril, pero non moi acusado, xa que a mediados do mes tivemos una chegada de río atmosférico que aportou cantidades apreciables de chuvia.
A través dos talleres que o estudantado da Facultade de Ciencias da Educación e do Deporte da UVigo imparte nestes 15 colexios e dunha serie de encontros con investigadoras e investigadores, Te lo cuentan las matemáticas busca rachar coa percepción desta ciencia como algo desconectado da vida cotiá e cun modelo de aprendizaxe baseado na aplicación de regras de forma mecánica.
O Centro Universitario de Riazor acollerá as xornadas 'A Coruña global no mundo do S.XXI', organizadas polo IGADI en colaboración co Concello da Coruña. Estas xornadas, que chegan á segunda edición, teñen como obxectivo explorar as posibilidades e potencialidades da Coruña como cidade intermedia global, no marco da acción exterior galega, española e europea, aliñada como unha cidade comprometida coa Axenda 2030.
O traballo desenvolvido polo departamento de Historia da USC foi recoñecido no marco dos Premios da Crítica 2022, na categoría dirixida a iniciativas culturais e científicas. O xurado salientou 'a importante dimensión espacial e temporal dunha iniciativa cultural e científica de longo alento, que abre as portas ao coñecemento do Paleolítico no territorio galego'.
A Escola Técnica Superior de Arquitectura da Universidade da Coruña acollerá un encontro internacional no que se analizará a incidencia do cambio climático na saúde e na vida das persoas. Organizado polo grupo de investigación Persoa-Ambiente da UDC, que coordina a profesora Cristina García Fontán, desenvolverase no salón de graos da Escola do 21 ao 25 de novembro coa presenza de destacados especialistas de Xapón, Arxentina e Estados Unidos.
Este venres o Presidente da Xunta de Galicia, Alfonso Rueda Valenzuela inaugurará oficialmente as novas instalacións de Aspnais no edificio do antigo Hospital de San José, cedido á Asociación de pais e titores de persoas con discapacidade intelectual pola Deputación Provincial de Lugo. Hai algo máis de dous anos que Aspnais ocupa o edificio, no que se efectuaron moi importantes obras de renovación interior e acondicionamento.
A Rede de Centros Singulares de Investigación da USC volverá abrir as súas portas o vindeiro sábado, 19 de novembro, a través da xornada Ciencia Singular que, como cada ano, permitirá achegar á cidadanía a investigación punteira que se realiza nos centros da rede. Esta celebración fai partícipe á sociedade, por sexto ano consecutivo, para dar a coñecer os últimos avances en química, física, medicina molecular ou tecnoloxías intelixentes.
As novas violencias sexuais foron obxecto de análise nun foro este venres que profundou en cuestións como a submisión química ou as agresións dixitais. A Facultade de Ciencias da Comunicación da USC acolleu esta xornada na que se deron cita preto dun cento de asistentes. A apertura do acto estivo presidida pola delegada do Reitor para a Igualdade, Marta Pérez Pereiro.
'Un filme en tres actos que son tamén tres conversas entrelazadas e interxeracionais entre distintas mulleres que contan as súas experiencias de amizade, de medo, de resistencia, no espazo público'. Preséntase así 'Tódalas mulleres que coñezo', un documental da realizadora Xiana do Teixeiro que se proxectará o vindeiro luns na Facultade de Ciencias da Educación e do Deporte da UVigo.
Este mércores, 9 de novembro, nas habituais recepccións da S.S. no Vaticano, o Papa Francisco vai recibir ao Alcalde de Begonte, José Ulla, e ao Tenente de Alcalde, Luis Luaña, que informarán á S.S. de que o Belén de Begonte, declarado de interese turístico galego, cumpre o seu primeiro medio século de existencia desde a súa fundación en 1972 polo daquela crego de Begonte, José Dominguez Guizán, e o artista José Rodríguez Varela.
O salón de vistas da Facultade de Dereito da UDC acollerá os vindeiros días 10 e 11 de novembro o Congreso Internacional 'Aplicacións da Intelixencia Artificial na Xustiza Penal', organizado polo equipo de investigación Criminoloxía, Psicoloxía xurídica e Xustiza penal no século XXI, Ecrim, en colaboración co Instituto de Direito Penal Económico e Europeu da Universidade de Coimbra (Portugal).
