viernes, 23 de octubre de 2026
O vicerreitor de Política Científica, Investigación e Transferencia, Salvador Naya, inaugurará o encontro este luns, 21 de novembro, ás 10:00 horas, xunto co director da Escola, Plácido Lizancos, a coordinadora do grupo de investigación, Cristina García Fontán e o profesor e investigador deste grupo, Ricardo García Mira.
O encontro tratará sobre todo temas de actualidade relacionados co cambio climático e a incidencia na saúde e na vida das persoas. Ademais amosaranse resultados de investigación de varios estudos do grupo relacionados co proxecto Entrances.
Dentro do programa do encontro Strategies for Mitigating Climate Induced. Health Threats and Risks destacan relatores como Yurika Yokoyama, da Universidade de Tokyo, A realidade do risco despois do desastre: algunhas reflexións sobre o desastre de Fukushima, o día 21 ás 12:00 horas; Graciela Tonello, da Universidade Nacional de Tucumán (Arxentina), Cambio climático e saúde, estratexias de investigación en Arxentina, día 22 ás 12:00 horas; ou Gary Evans, da Universidade de Cornell (Nova York, Estados Unidos), día 23 ás 12:00 horas.
Sobre o proxecto Entrances
Entrances é un proxecto de investigación europeo financiado polo programa de investigación e innovación Horizonte 2020 da Unión Europea. Ten como obxectivo formular un conxunto de recomendacións para tratar o problema da transición de enerxía limpa na minería do carbón europea e das rexións intensivas en carbono. Está coordinado pola Universidade da Coruña e participan universidades e entidades de investigación de Italia, Alemaña, Austria, Noruega, Bélxica, Polonia, Romanía, Portugal, Francia, Eslovaquia e Reino Unido.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
