viernes, 18 de septiembre de 2026
No congreso participarán expertos de España, Portugal, Francia, Brasil e Chile. O decano da Facultade, Xulio Ferreiro, abrirá o evento xunto coas organizadoras do mesmo, para dar paso á conferencia inaugural de Antonio Andrés Pueyo, da Universidade de Barcelona “Diferencia entre instrumentos actuariais e instrumentos baseados en Intelixencia Artificial”. A profesora Patricia Faraldo moderará o debate. Faraldo é catedrática de Dereito penal na Universidade da Coruña e adjunct professor na Queensland University of Technology de Brisbane, Australia. Preside a área de Dereito na Agencia Estatal de Investigación e é membro permanente da Comisión de Codificación, sección penal. Coordina o grupo de investigación Ecrim.
O programa pode consultarse en https://bit.ly/3DR00ex
ECRIM
O grupo de investigación CriminoloxÃa, PsicoloxÃa xurÃdica e Xustiza penal no século XXI, Ecrim, ten a súa sede nas Facultades de Dereito e Ciencias da Educación da Universidade da Coruña. Se ben inicialmente estaba formado polos membros do equipo de Dereito penal da UDC, a partir de 2013 experimentou unha importante ampliación, formando un novo grupo con persoal das áreas de Dereito procesual, romano e financeiro e tributario, e PsicoloxÃa xurÃdica da mesma universidade. No momento presente a coordinadora do grupo é Patricia Faraldo Cabana.
O Ecrim está formado por uns trinta membros, cunha media de idade en torno aos 40 anos, e cunha composición relativamente equilibrada en canto a xénero. AÃnda que o grupo está formado sobre todo por persoal docente e investigador da Universidade da Coruña, varios membros pertencen a outras universidades españolas (Universidade de Cádiz, Universidade das Illas Baleares). Xunto a iso, algúns dos membros desenvolven a súa principal actividade no eido das profesións xurÃdicas, como xuÃces, fiscais, avogados e asesores gobernativos, tanto en España como no estranxeiro (Unión Europea, Arxentina). A ampla maiorÃa de membros do Ecrim son doutores, sexa en Dereito ou en PsicoloxÃa.
As liñas de traballo que desenvolve o ECRIM son moi variadas, sempre dentro do campo das ciencias penais e criminolóxicas. O grupo ten unha longa tradición de estudo do Dereito penal económico e da empresa. Non obstante, tamén desenvolve un intenso traballo nos eidos das relacións entre os procesos da globalización e o sistema penal, do Dereito penal internacional, da análise do Dereito e o sistema penais desde unha perspectiva de xénero, da multa e as alternativas á prisión e das reformas legais máis recentes en materia penal e financeira. Xunto a iso, diversos membros do grupo téñense ocupado do estudo das polÃticas penais e, máis en concreto, da relación entre migracións e sistema penal.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica ConsultarÃa Integral e Nasas Social Media, na categorÃa de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da PolÃtica Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade. Villaverde trasladará que Galicia afronta este debate desde unha posición singular pola dimensión e diversidade do seu complexo mar-industria, cunha extensa frota de baixura e pequena escala, unha importante presenza da altura e gran altura, unha industria transformadora e conserveira de referencia e unha acuicultura cun destacado peso na produción comunitaria.
