miércoles, 28 de octubre de 2026
O Centro Universitario de Riazor acollerá do 23 ao 25 de novembro as xornadas 'A Coruña global no mundo do S.XXI', organizadas polo Instituto Galego de Análise e Documentación Internacional, en colaboración co Concello da Coruña.
Estas xornadas, que chegan á segunda edición, teñen como obxectivo explorar as posibilidades e potencialidades da Coruña como cidade intermedia global, no marco da acción exterior galega, española e europea, aliñada como unha cidade comprometida coa Axenda 2030.
Nas Xornadas presentaranse os avances na produción do Mapa de cidade global da Coruña, definindo as relacións glocais da cidade, desde a historia e desde o plano actual. O mapa aspira a reforzar a información sobre a cidade reforzando o seu atractivo territorial, facendo visibles axentes económicos, culturais ou institucionais.
O ciclo sucederase o mércores 23, o xoves 24 e o venres 25 de novembro de 2022, entre as 18:30 e as 20:30h. O reitor da Universidade da Coruña, Julio Abalde, participará na xornada do venres, 25, ás 18:30 horas.
Máis información: https://acorunha.hub.gal/
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a sÃndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na sÃndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raÃz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes paÃses. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
