lunes, 20 de abril de 2026
A directora de Turismo, Nava Castro, participou hoxe na presentación dos concertos de O Son do Camiño que reunirá no Monte do Gozo a 42 artistas nacionais e internacionais de primeiro nivel no Monte de Gozo os vindeiros 15,16 e 17 de xuño, onde destacou que o festival ten vendido entradas a público procedente de 35 países.
Así o deron a coñecer hoxe Nava Castro xunto ao delegado da Xunta na Coruña, Gonzalo Trenor e os directores do Festival, Kin Martinez e Iván Méndez; e o marketing manager de Estrella Galicia, Ramón de Meer. A directora de Turismo de Galicia indicou que estar hoxe aquí na presentación dun dos festivais máis grandes e máis esperados de todo o ano, que ademais este ano contará coa asistencia con 120.000 persoas, é un auténtico orgullo para min, para Galicia e para os galegos e galegas.
Nava Castro indicou que O Son do Camiño converteuse nun emblema e un sinal de identidade dos festivais en Galicia, que son ademais un puntal na recuperación tanto do sector cultural como do turístico, xa que nestas datas miles de persoas enchen a capital galega e posicionan a Galicia como sinónimo de calidade. Desfrutaremos da mellor música co mellor ambiente e un entorno mítico e incomparable: o Monte do Gozo, destacou a directora de Turismo de Galicia.
Este evento volverá situar a Galicia como referente musical e será un dos maiores atractivos culturais este verán. O Son do Camiño contará coas actuación de Vetusta Mora, The Kooks, Xoel López, Leiva, Viva Suecia, Marlon, Duki, Ginebras, Bizarrap, Aitana o Maluma, entre outros.
Mediante este tipo de celebracións, dicímoslle a España e ao mundo, que Galicia, a nosa terra, está preparada para o turismo a través dunha oferta cultural sen parangón, que o Camiño a Santiago é o Camiño da excelencia, rematou Nava Castro que indicou que no que vai de ano xa foron seladas preto de 130.0000 106.000 Compostelas, e máis de 1.3 millón de turistas visitaron a nosa comunidade no primeiro cuadrimestre do ano.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
