Noticias politica
O dispositivo de loita contra incendios forestais da Xunta contará este ano, por primeira vez, con seis novas máquinas hidrostáticas polivalentes, que poden realizar tanto labores preventivas como de extinción. Así o destacou hoxe a conselleira do Medio Rural, María José Gómez, co gallo da súa participación na reunión do Consello Forestal de Galicia, que entre outros asuntos coñeceu as actualizacións do Plan de prevención e defensa contra os incendios forestais de Galicia, Pladiga 2024. Este documento contempla entre as súas novidades a adquisición destes vehículos autopropulsados, que permiten facer traballos preventivos de roza (incorporando, de accesorio, un brazo lateral con disco de corte) e de extinción.
O presidente da Xunta, Alfonso Rueda, informou de que o Consello acordou hoxe 'iniciar os trámites' para solicitar formalmente ao Estado 'o traspaso dos medios materiais e persoais' a Galicia para poder 'exercer as competencias' en materia de ordenación do litoral que ten atribuídas polo seu Estatuto e que foron 'ratificadas polo Tribunal Constitucional'. O obxectivo é superar a actual situación na que o Goberno central segue exercitando un papel que non lle corresponde nesta materia. Para iso, tal e como explicou Rueda, a Xunta vai solicitar ao Executivo central 'que inicie este procedemento a través da Comisión Mixta de Transferencias', órgano paritario 'integrado por representantes de ambas administracións' e que será o que adopte o acordo de traspaso, que deberá ser aprobado mediante Real Decreto.
Tivo lugar unha xornada de debate organizada pola Fundación Galicia Europa (FGE) no marco da celebración do Día de Europa co obxectivo de abordar coa mocidade universitaria o estado actual do proxecto de construción europea. No evento colaboraron a asociación xuvenil Equipo Europa e a asociación de debate universitario Retórica da Universidade de Vigo. No evento tratouse o impacto da Unión Europea e das eleccións ao Parlamento Europeo do próximo xuño. A fundación ten en marcha unha campaña en redes sociais para informar á cidadanía galega sobre o traballo das institucións da UE e sobre o seu impacto en Galicia. En liña co seu compromiso con achegar a Unión á xuventude, patente na iniciativa EuroXuventude, a campaña estará principalmente destinada á mocidade.
O presidente da Xunta, Alfonso Rueda, destacou que o Consello aprobou hoxe a Estratexia galega de Mobilidade, a folla de ruta a seguir ata 2050 para 'garantir uns desprazamentos máis sostibles, seguros e funcionais' que estará dotada de 420 millóns de euros para implantar 'un centenar de medidas'. A estratexia contén un plan de acción que implica as diferentes administracións públicas, a autonómica, a estatal e a local, para facilitar os desprazamentos das persoas e mercadorías, apoiar a competitividade do territorio e transformar os patróns de mobilidade. Preséntase como un instrumento para deseñar solucións que permitan transformar o actual modelo nun máis funcional, sustentable e seguro.
O presidente da Xunta, Alfonso Rueda, informou de que o Consello aprobou hoxe 'o calendario e pasos a seguir' para o desenvolvemento da Lei de ordenación e xestión integrada do litoral de Galicia. O obxectivo é impulsar de inmediato a aplicación práctica e efectiva desta normativa unha vez que o Pleno do Tribunal Constitucional (TC) avalou por unanimidade a súa validez e contido nunha sentenza aprobada o pasado 23 de abril. 'Levamos meses parados de forma inxusta e agora imos poñer en marcha o necesario para que Galicia xestione o seu litoral', indicou.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
O presidente da Xunta, Alfonso Rueda, defendeu hoxe a configuración do novo goberno galego do que asegurou que está baseado na procura da 'excelencia' ante 'os novos retos e novas oportunidades' de Galicia. 'Estaremos á altura e empezamos a traballar xa', anunciou Rueda no acto de toma posesión dos doce conselleiros do novo Goberno galego no Pazo de Raxoi, do que asegurou que hai 'vimbios para traballar, incluso mellor do que viñamos traballando ata o de agora, e cuxo labor xa era moi destacable', enxalzou. Con este obxectivo, anunciou que o novo goberno no vai 'perder o tempo' e referendou o 'compromiso real' do novo equipo, ao que cualificou de 'doce mais un', para non defraudar a confianza depositada neles o 18 de febreiro.
Galicia instou hoxe ao Goberno central a tramitar con celeridade o reparto dos fondos de 2024 destinados tanto a compensar os danos causados polo lobo nas explotacións gandeiras como á adopción de medidas de prevención coas que evitar eses ataques. A directora xeral de Patrimonio Natural, Belén do Campo, lamentou durante a súa participación por videoconferencia na reunión da Comisión Estatal para o Patrimonio Natural e a Biodiversidade que non se transferisen os fondos de 2023 como consecuencia da anulación por parte da Intervención Xeral do Estado do procedemento iniciado polo Executivo central ao detectar eivas na súa tramitación.
A Xunta de Galicia presentou onte as súas alegacións ao Real Decreto polo que se regula a produción de enerxía eléctrica en instalacións situadas no mar, presentado o pasado mes de febreiro polo Goberno central. Son un total de 16 propostas que se elaboraron tendo en conta as presentadas polos sectores pesqueiro e industrial, así como por parte de varios promotores e no marco do traballo que se vén realizando no Observatorio da eólica mariña de Galicia que se reuniu, por este motivo, o pasado 8 de marzo. 'Isto é o que pedimos ao Goberno central, que conte co sector primario que ten tanta importancia en Galicia, este desenvolvemento pode facerse con diálogo e sentido común', destacou hoxe a conselleira de Economía, Industria e Innovación, María Jesús Lorenzana.
Preto do 79% dos/as votantes apoiaron a candidatura de En Marea. Segundo os voceiros da Mesa de Coordinación, os datos amosan a solvencia de En Marea para seguir adiante cun proxecto conxunto.
A programación desta nova sección fixa dedicada ao cineasta galego terá continuidade noutros puntos da provincia de Ourense con actividades nos concellos de Celanova, Cartelle e O Carballiño. Tamén se creará unha fundación que levará o seu nome e que permitirá divulgar e poñer en valor o seu legado.
Callón: Existe o viño do país, o queixo do país, os kiwis do país,... e agora a candidatura do país. Ningunha forza estatal nos vai poñer límites. Adán defende a vocación de sumar contra a resignación dunha candidatura que collerá o relevo do BNG en Madrid. Presentouse a candidatura, única "100% galega", nun acto simbólico diante do Museo do Pobo Galego.
Gladys Afonso, Xosé Manuel Saa, Carlos Lorenzo e Alexandra Fernández serán as primeiras propostas de Anova para a lista de En Marea ao Congreso. As primarias internas de Anova-IN para escoller as persoas a propor para formar parte na lista de En Marea remataron o venres 13 de novembro cun 63% de participación da militancia.
O BNG felicita a todos os que participaron nas primarias abertas para elixir unha candidatura plural e de país e parabenizou á coordinadora de Iniciativa pola Unión polo desenvolvemento das primarias coa participación de 4.022 persoas que elixiron aos integrantes de NÓS-Candidatura Galega para o 20D.
Os voceiros do Executivo provincial presentaron o acordo de PSdeG e BNG para o goberno da Deputación de Lugo no terceiro mandato de progreso (2015-2019). Está ao acceso público de todos os cidadáns en www.deputacionlugo.gal, nun exercicio de absoluta e total transparencia, sen precedentes, salientaron Santos Ramos e Ferreiro Fernández.
Xavier Vence, voceiro do BNG, avanza que asistirá ao encontro de partidos convocado polas plataformas cidadáns Iniciativa pola Unión e Encontro cidadán a favor da candidatura galega de unidade, e asegura: O que resulta cansino son as declaracións vacuas e sen compromiso. Un grupo con total autonomía para poder negociar co resto e sen supeditación.
La Organización de Productores de Leche (OPL) valora positivamente la decisión del Gobierno de la Xunta de Galicia de recuperar una consejería propia para el Medio Rural, dada la importancia que tiene el sector agroganadero en Galicia, aportando mucho trabajo a un departamento que debe luchar por la defensa de los intereses de un campo muy deteriorado y con una gran importancia social, económica, demográfica, etcétera.
O BNG pon en valor o traballo despregado no Congreso en defensa de Galiza ao longo desta lexislatura e inicia unha campaña informativa por todo o país baixo o título Galiza, a forza que nos une, para explicar o seu labor durante dúas décadas de presenza na Cámara baixa, onde Vence di que o BNG é "crucial".
PSOE e BNG inician o procedemento para devolver aos lucenses o Goberno progresista e nacionalista que elixiron o 24M para a Deputación. O 8 de outubro terá lugar o Pleno Provincial no que culminará este procedemento co nomeamento do novo Executivo, que presidirá Darío Campos Conde.
