sábado, 8 de agosto de 2026
Esas obxeccións obrigaban a iniciar de novo o proceso, o que implicou un retraso máis incumprindo os prazos comprometidos e causando un prexuízo adicional ao sector gandeiro afectado. Nesta liña, a representante da Xunta censurou que o secretario de Estado de Medio Ambiente se comprometera a incrementar substancialmente en 2024 o orzamento destinado a compensar e previr os danos do lobo e que esa promesa tamén quedase en nada ante a prórroga dos orzamentos de 2023, que impide ampliar os fondos asignados a esta cuestión.
Ante esta situación, Belén do Campo pediu ao Goberno central que axilice as xestións ao máximo para que o reparto poida aprobarse na vindeira conferencia sectorial. Non facelo, incidiu, suporía chegar a mediados de ano sen esa distribución executada, o que complicaría a xestión dos fondos por parte das autonomías, que son as que están soportando agora mesmo os custos derivados das medidas de compensación e prevención dos danos do lobo.
A directora xeral de Patrimonio Natural denunciou que este retraso supón un novo prexuízo para as comunidades autónomas e para os gandeiros, que xa viron como os fondos de 2023 quedaban sen repartir -o Goberno central recoñeceu que non prevé que se vaia facer xa-, ao tempo que lembrou que Galicia tampouco recibiu fondos en 2022.
Deste xeito, a comunidade galega acumula dous anos de retraso na transferencia de fondos por parte do Estado para facer fronte aos danos do lobo. Ademais dos recursos de 2023 que xa non se van repartir, a Xunta está á espera de que se resolva o recurso contencioso-administrativo contra a decisión do Goberno central de bloquear os fondos que lle correspondían en 2022, unha decisión unilateral e totalmente arbitraria.
Estratexia do corvo mariño acristado
Belén do Campo aproveitou o encontro para agradecer ao Goberno central que atendese a petición de Galicia e paralizase temporalmente a tramitación da futura Estratexia de conservación do corvo mariño acristado co fin de enriquecela e adaptala ás principais conclusións dos traballos que se están a desenvolver na actualidade para a conservación da especie en Galicia, Asturias e Cantabria no marco do proxecto europeo Life Intemares.
A directora xeral de Patrimonio Natural explicou que esa investigación que está en marcha sobre o corvo mariño permitirá coñecer as principais ameazas (como as interaccións coas artes de pesca) e retos de futuro que afronta a especie, así como propoñer posibles solucións e medidas que favorezan a súa conservación.
Galicia alberga o 86% de todas as parellas de corvo mariño identificadas no Cantábrico 1.412 dun total de 1.637 e, de feito, é tamén a comunidade española que conta co censo máis actualizado da especie.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
