Noticias economia
En Galicia diminúe o desemprego en xullo nun 5,06% con respecto ao mes de xuño, o que supón 9343 persoas menos no paro (300 persoas ao día) e segue situándose a niveis inferiores aos de hai 11 anos. Este dato sitúa Galicia como a terceira Comunidade -en termos relativos- na que máis se reducen as cifras do paro, superando en preto de tres puntos a baixada a nivel nacional. O paro tamén baixou nas catro provincias, en concreto un 6,19% en Pontevedra, un 5,29% en Lugo, un 4,49% na Coruña e 2,96% en Ourense. Galicia volve reducir as cifras do paro en todos os sectores de actividade encabezando este descenso os servizos (-5,90%), seguidos da construción (-5,49%), a industria (-4,82%) e a agricultura e a pesca (-3,60%). De feito, a baixada nos servizos concentra o 81% da redución do paro neste mes.
O custo laboral bruto en Galicia no ano 2019 representou o 91,22% da media española, o que supón o máximo nivel de converxencia de toda a serie histórica, segundo mostran os datos do Estudo sobre Salarios publicado hoxe polo Instituto Galego de Estatística (IGE). O custo laboral bruto por traballador en Galicia aumentou en 2019 ata os 29.041,1 euros, o que tamén representa a cifra máis alta de toda a serie histórica. Ademais, é a primeira vez que en Galicia supera os 29.000 euros.
Galicia é a segunda comunidade autónoma que rexistrou maior incremento do PIB per cápita en 2019, e isto permitiu acadar un nivel de converxencia en renda con España do 90,9%, o maior da serie histórica, segundo indican os datos de Contabilidade Rexional publicados hoxe polo Instituto Nacional de Estadística. En 2019 o PIB per cápita de Galicia medrou un 3,67% respecto a 2018, ao pasar de 23.183 a 24.034 euros. Isto supón o segundo maior avance de todas as comunidades autónomas, só superado por Navarra (4,15%) e nove décimas superior á media española (2,76%). Con esta evolución, o PIB per cápita de Galicia pasa a representar o 90,91% da renda española. Este é o maior nivel de converxencia en renda con España de toda a serie histórica, e tamén é o segundo ano consecutivo en que se supera a barreira do 90%, un feito que se produciu por primeira vez no ano 2018 (90,11%).
A Xunta de Galicia considera totalmente insuficiente a asignación á Comunidade Autónoma do primeiro tramo do Fondo Covid, publicada hoxe no BOE polo Ministerio de Facenda, xa que penaliza a Galicia no reparto deste tramo de 6.000 millóns de euros para gasto sanitario. A Xunta de Galicia considera positiva a creación dun Fondo Covid para as comunidades autónomas, pero discrepa totalmente da metodoloxía utilizada polo Ministerio de Facenda no reparto destes fondos. O Goberno central cambiou de xeito unilateral os criterios de reparto utilizados no sistema de financiamento autonómico e no primeiro reparto de fondos Covid aprobado en marzo, e este cambio penaliza claramente a Galicia, como xa advertiu a Xunta en reiteradas ocasións e mesmo se lle trasladou ao Goberno.
Representantes do Centro de Investigacións Agrarias de Mabegondo (CIAM) veñen de reunirse cos seus homólogos do SERIDA asturiano e do CIFA cántabro, así como con membros do Centro Tecnolóxico da Carne, para avanzar no desenvolvemento dun proxecto que busca fomentar o pastoreo na montaña como medio para anticiparse aos incendios forestais e mellorar a produtividade animal. O encontro, que tivo lugar no centro dependente da Axencia Galega da Calidade Alimentaria (Agacal), concluíu cunha visita á Estación Experimental Agrogandeira de Montaña do Marco da Curra.
A convocatoria da edición 2020 do programa Emega de impulso ao emprendemento feminino mantén aberto o prazo de presentación de solicitudes ata o vindeiro 6 de agosto. A convocatoria deste ano, na que a USC toma parte a través do programa Woman Emprende, reforza a denominada liña Activa destinada a axudar ás empresas que están a atravesar unha situación económica adversa que se viu agravada como consecuencia da crise sanitaria da COVID-19; e flexibiliza os criterios de acceso sen que se requira que o negocio teña máis de tres anos ademais de valorarse o emprego mantido neste período. Alén da liña Activa, o programa Emega implementa outras tres liñas.
Galicia diminúe o paro en xuño un 3,36% con respecto ao mes de maio, o que supón 6428 desempregados menos e segue situándose a niveis inferiores aos de hai 11 anos. Este dato posiciona Galicia como a Comunidade na que máis descende o desemprego en termos absolutos, mentres que ascende lixeiramente -un 0,13%- no conxunto do Estado. O paro tamén baixou nas catro provincias, en concreto un 4,90% en Pontevedra, un 2,66% en Ourense, un 2,50% na Coruña e 1,50% en Lugo. Galicia volve reducir as cifras do paro en todos os sectores de actividade encabezando este descenso a construción (-5,96%), seguida dos servizos (-3,91%), a industria (-3,68%) e a agricultura e a pesca (-0,33%).
A Comunidade Autónoma de Galicia pechou o primeiro cuadrimestre do ano cun superávit contable de 25 millóns de euros, o que representa o 0,04% do PIB, segundo os datos publicados hoxe polo Ministerio de Facenda. No conxunto do subsector Comunidades Autónomas, o superávit ata abril situouse no 0,02% do PIB a metade que en Galicia-, o que supón 231 millóns de euros. Ademais, este resultado supón mellorar os datos do primeiro cuadrimestre do exercicio anterior, no que Galicia pechara o primeiro cuadrimestre cun déficit de 102 millóns de euros, o que representa o 0,16% do PIB.
A Mesa demanda unha estratexia común para identificar proxectos de futuro para o sector da automoción. Nela, o conselleiro de Economía, Emprego e Industria, Francisco Conde, apuntou que por parte de Galicia hai un compromiso coas iniciativas vinculadas á dixitalización e á mobilidade sustentable, non só a través do vehículo conectado e eléctrico, senón tamén a través do coche impulsado por hidróxeno verde
O conselleiro de Economía, Emprego e Industria, Francisco Conde, sinalou hoxe na posta en marcha do laboratorio de proba de voos impulsado por Boeing no Centro de Investigación Aerotransportada de Rozas (CIAR) a contribución da multinacional para consolidar este centro como un referente no ámbito dos avións non tripulados, no marco do Polo Aeroespacial de Galicia.
Esta infraestrutura enmárcase no proxecto Galician Skyway, centrado na busca de solucións tecnolóxicas para a seguridade do tráfico aéreo non tripulado en espazos compartidos con aeronaves tradicionais.
A Fundación Centro Galego da Artesanía e do Deseño amosa o traballo de 15 obradoiros artesáns nunha das maiores feiras de decoración do deseño nórdico en Estocolmo. A escolma inclúe desde olería tradicional ata a cerámica actual de Lucía Catuxo e a cestería contemporánea de Idoia Cuesta.
Abordar o segundo reto da crise que pasa pola creación de emprego, o crecemento e novas oportunidades, requerirá do tesón empresarial e da estabilidade institucional. O dixo o presidente da Xunta nun encontro con empresarios galegos onde insistiu en que o país vai saír da crise en pé e con novos folgos.
Dar un novo impulso social e económico, afondando na reforma da Administración pública, son algúns dos obxectivos do centenar de plans programados polo Goberno galego para preparar a Galicia do 2020, que agora xa teñen un cronograma de acción.
Aboarase nun único pago no mes de xaneiro, a través dunha transferencia bancaria na conta corrente onde os beneficiarios teñan domiciliado o recibo ordinario da súa prestación. A Xunta destaca o enorme esforzo que fai Galicia para manter este complemento e incrementalo un 30% respecto a 2009.
Este financiamento constitúe só unha parte de todo o investimento que realizará a Xunta en materia laboral ao longo de 2014 xa que, a elas, sumaranse outras destinadas á mocidade, á cooperación cos concellos ou aos autónomos.
El Grupo Coren compartió con el Papa y familias desfavorecidas de Roma el producto gallego conocido como la Pularda del Convento: el resultado de una cría esmerada y totalmente tradicional.
Na despedida da actividade parlamentaria, o presidente da Xunta destacou que en 2013, por primeira vez desde 2007, Galicia terá menos paro nun contexto complicado que pasa por manter á Comunicade como solvente, garantindo o autogoberno galego e mantendo os servizos públicos.
A nova Lei do Emprendemento e a entrada en funcionamento da Unidade Galicia Emprende, centraron a intervención do presidente da Xunta no encontro O novo impulso, no que avanzou o investimento de 10 millóns de euros en 2014 para apoiar aos emprendedores galegos.
Nunha xuntanza entre gandeiros e representantes da industria láctea en Galicia presentouse un indicador que permite o seguemento actualizado da evolución dos custes de produción, o que permitirá mellorar a planificación aos produtores e á industria.
A axencia de cualificación mellora a perspectiva da Comunidade galega, que pasa de "Negativa" a "Estable". Atribúe a Galicia un nivel de crédito indicativo superior ao do Estado pola súa xestión financeira e solvencia, pero lembra que non pode ter un rating superior ao de España. Destaca, tamén, o bo comportamento do déficit.
