viernes, 13 de noviembre de 2026
A consecuencia disto é que a cantidade asignada hoxe a Galicia no primeiro tramo de 6.000 millóns do Fondo Covid é totalmente insuficiente. De feito, a Comunidade Autónoma de Galicia recibe nesta asignación menos do 4,5% dos fondos, pese a que representa o 6,4% da poboación protexida equivalente de España.
No reparto de fondos Covid que o Goberno realizou en marzo a poboación protexida tiña un peso do 80%. Pola contra, neste primeiro tramo ese peso redúcese a menos da metade, o 35%, e isto obviamente prexudica a Galicia porque reduce o peso da dispersión poboacional ou do avellentamento, que son factores claves para determinar o gasto sanitario.
Ignórase o gasto en residencias integradas e atención domiciliaria
Ademais, no reparto deste tramo o Goberno só ten en conta o gasto hospitalario e, polo tanto, ignora o gasto de atender a persoas nos seus fogares, o gasto nas residencias integradas ou o gasto que afrontou Galicia en atención primaria
Galicia lamenta tamén que este reparto non se decidise no Consello de Política Fiscal, que é o órgano de interlocución creado para abordar estas cuestións. En todo caso, a día de hoxe a Xunta de Galicia aínda non recibiu nin un euro dos 16.000 millóns.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
