lunes, 7 de julio de 2025
A secretaria xeral de Emprego, Covadonga Toca, valorou a evolución do paro rexistrado no mes de xullo, datos que confirman a tendencia iniciada no mes de maio, ao sumar tres meses consecutivos reducindo as cifras de desemprego, un período no que xa se logrou recuperar o 64% do emprego destruído nos meses de marzo e abril debido á crise da covid-19. As afiliacións medran tamén por terceiro mes consecutivo e Galicia logra superar, de novo, o millón de cotizantes.
En Galicia diminúe o desemprego en xullo nun 5,06% con respecto ao mes de xuño, o que supón 9343 persoas menos no paro (300 persoas ao día) e segue situándose a niveis inferiores aos de hai 11 anos. Este dato sitúa Galicia como a terceira Comunidade -en termos relativos- na que máis se reducen as cifras do paro, superando en preto de tres puntos a baixada a nivel nacional. O paro tamén baixou nas catro provincias, en concreto un 6,19% en Pontevedra, un 5,29% en Lugo, un 4,49% na Coruña e 2,96% en Ourense. Galicia volve reducir as cifras do paro en todos os sectores de actividade encabezando este descenso os servizos (-5,90%), seguidos da construción (-5,49%), a industria (-4,82%) e a agricultura e a pesca (-3,60%). De feito, a baixada nos servizos concentra o 81% da redución do paro neste mes. En xullo a contratación volve subir un 58,80% grazas á sinatura de 31.993 contratos máis que en xuño.
En canto ás afiliacións medias, medran en xullo o 1,93%, por riba da media estatal que se sitúa no 0,87%. Galicia suma 19.026 cotizantes -a un ritmo de máis de 600 ao día- e sitúase nos 1.005.668 afiliados.
No tocante á evolución anual, Toca indicou que Galicia encadeaba seis anos consecutivos de baixadas interanuais nun mes de xullo, que se ven interrompidos polos efectos da covid-19. Así, Galicia suma 24.390 persoas máis desempregadas (un 16,16% máis que hai un ano), o 75% do sector servizos, onde se concentran 18.414 desempregados. Aínda así, nun contexto no que o paro internanual aumenta en todas as comunidades autónomas, Galicia é a terceira, en termos relativos, na que menos sobe, nove puntos por debaixo da media estatal que se sitúa nun 25,29%.
Apoio a autónomos e comerciantes
Toca destacou que o colectivo dos autónomos e dos comerciantes é un dos máis prexudicados polos efectos da crise da covid-19, polo que o Plan de reactivación económica reserva preto de 127M en axudas e medidas para recuperar a súa actividade e o emprego. Así, lembrou que o vindeiro xoves, 6 de agosto, remato o prazo de presentación de solicitudes para acceder ao Cheque Autónomo Seguimos Adiante. O programa, dotado con 16M, ofrece financiamento ao 100% - cun límite de 1800 euros-, de gastos en loxística e transporte de envíos, pagos por estar nunha plataforma de e-commerce local, pola licenza de uso de software de venda online, gastos correntes de seguridade, ou de subministracións e telecomunicacións. Poderán efectuarse anticipos e cubriranse importes realizados desde a declaración do estado de alarma. A esta medida, únense outras iniciativas que xa se activaron como o Plan de dixitalización, Reactiva Comercio e Servizos Seguros ou a nova liña de microcréditos.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
