lunes, 10 de agosto de 2026
O presidente do Goberno galego, Alberto Núñez Feijóo, valorou o primeiro ano de Goberno da lexislatura como un ano difícil pero esperanzador para que no 2014 a economía volva crecer. Difícil porque España e, en consecuencia, Galicia aínda non saíron da crise que levamos soportado nos últimos seis anos, porque o principal problema segue sendo o paro e porque temos que facer moitos esforzos para blindar, como o estamos a facer, os servizos públicos esenciais. Pero esperanzador porque os galegos, as familias e as empresas galegas están facendo un gran esforzo e podemos dicir que o próximo 2014, grazas ao traballo realizado nos últimos anos e en concreto neste 2013, vai dar os resultados desde o punto de vista do crecemento económico e do emprego, aseverou.
En resposta ás preguntas dos grupos parlamentarios no Pleno da Cámara e logo de subliñar que en 2013, por primeira vez desde 2007, Galicia acabará con menos paro que hai un ano; o responsable autonómico afirmou sentirse orgulloso do Goberno da Xunta; un goberno dixo- que acredita que en Galicia hai unha política económica e non tres; que acredita que hai un goberno sólido e non varios e que acredita que hai un grupo parlamentario que vota sempre en coherencia e non depende de como lle vaia a tarde.
Solvencia, blindaxe dos servizos públicos e iniciar a senda da recuperación
Nesta liña, lembrou que o Goberno que preside naceu cun mandato moi claro que estamos cumprindo: manter a Comunidade autónoma solvente, é dicir, garantindo o autogoberno de Galicia, e hoxe, Galicia é dona de seu, desde o punto de vista constitucional e estatutario; blindar os servizos públicos, e non só os blindamos senón que a Educación, os Servizos sociais e a Sanidade están mellor que cando vostedes gobernaban -dixo en referencia ao bipartito-; e acreditar que Galicia é capaz de iniciar a senda da recuperación.
Así mesmo, Feijóo subliñou que neste ano de goberno aprobáronse 14 leis (dúas delas orzamentarias), entre as que destacou: a Lei de racionalización do sector público, a Lei de inclusión social, a Lei do seguro das esperas no ámbito da Sanidade, unha Lei de horarios comerciais, unha Lei que fomenta a investigación e a innovación e unha Lei de emprendemento.
No eido dos servizos públicos, o titular da Xunta reiterou que no orzamento do vindeiro ano o gasto social é o presuposto con maior porcentaxe de gasto público e avanzou a aprobación, no último Consello da Xunta, do suplemento de 206 euros para as pensións non contributivas. E, no campo da sanidade, garantiu que o Executivo autonómico seguirá a defender a sanidade pública e que unha utilización racional é a garantía de sustentabilidade desta.
Logo de referirse aos datos do barómetro sanitario, no que o 82% dos galegos considera boa ou moi boa a Sanidade -12 puntos máis que a media de España-; Feijóo subliñou que o Goberno galego está a investir máis que nunca en Sanidade, facendo o maior hospital público neste momento en España, o hospital público de Vigo; mellorando o hospital de Ourense, o hospital da Coruña e o hospital do Salnés.
Feijóo renovou o compromiso da Xunta coa Sanidade pública en Galicia xa que se seguirán facendo, insistiu, máis hospitais, máis tecnoloxía, máis centros de saúde e menos listas de espera. Hoxe, hai menos lista de espera que no ano 2009; as patoloxías máis urxentes esperan menos que no ano 2009 e hai máis Sanidade pública desde o punto de vista da equidade e da calidade que no 2009, dixo, ao que engadiu que nin os parados nin os que perciben a RISGA pagan os medicamentos.
No tocante á Educación pública, o responsable do Executivo autonómico subliñou que Galicia é a segunda Comunidade con máis profesores por alumno; creáronse más de 10.000 novas prazas públicas de comedores escolares; o 70% das familias teñen libros de texto; hai 38.000 novas prazas de formación profesional e 71.000 alumnos están aprendendo un terceiro idioma na escola pública galega. E, como acredita a OCDE, temos un mellor sistema educativo hoxe que no ano 2009, cuns datos mellores que a media de España e que a media da Unión Europea e somos líderes en equidade educativa.
Por último, o presidente da Xunta agradeceu as felicitacións do Partido Socialista logo da sinatura de contratos no sector naval por 300 millóns de euros. E concluíu incidindo en que 2013 foi un ano para ir construíndo as esperanzas cun traballo sólido e correctamente enfocado para que no ano 2014 a economía volva crecer.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
