Noticias economia
O Instituto de Estudos e Desenvolvemento de Galicia da USC (IDEGA) presentou os resultados do estudo 'A Economía Galega Informe 2022'. A análise conclúe que Galicia logrou recuperar os niveis de ocupación previos á pandemia cunha evolución "moi positiva" do emprego feminino. Ademais, valora o "impacto positivo da reforma laboral" na redución da temporalidade e o aumento na contratación fixa-discontinua, malia non acadar unha mellora na contratación en prácticas e formación. O informe foi presentado nun acto presidido polo reitor da USC, Antonio López que se desenvolveu no Centro de Estudos Avanzados (CEA).
A Xunta fixase como obxectivo que para o remate do ano 2023, os mozos e mozas galegos menores de 21 anos teñan feito 6 millóns de viaxes no transporte público autonómico de xeito totalmente gratuíto, o que suporá 1 millón de viaxes máis que no ano 2022. Estes datos foron revelados na presentación da campaña 'Móvome', que ten como obxectivo fomentar o uso do transporte público na nosa comunidade, para así axudar a consolidar un modelo de mobilidade máis sostible, accesible e económico para a cidadanía.
O director xeral de Pesca, Acuicultura e Innovación Tecnolóxica, Antonio Basanta, participou na presentación do libro "A salga no fin do camiño. As fábricas de Fisterra", no que Santiago Llovo cataloga os vestixios das plantas de salgadura co obxectivo de preservalos e poñelos en valor.
O representante da Consellería do Mar enxalzou o labor deste historiador-escritor para afondar nas orixes da actividade industrial marítimo-pesqueira do noso litoral, actividade iniciada cos cataláns que impulsaron a salga da sardiña como precursores do que agora é a industria de transformación de produtos do mar da comunidade.
O Consello da Xunta ven de autorizar un convenio de colaboración entre a Consellería de Promoción do Emprego e Igualdade e Cáritas Federadas en Galicia para o desenvolvemento dun proxecto piloto de arraigamento para a formación de persoas inmigrantes en situación irregular en sectores nos que precisan man de obra, facilitando que atopen neles un posto de traballo.
É unha iniciativa pioneira que persegue que estas persoas poidan obter unha autorización de residencia e de traballo que facilite a súa integración sociolaboral e a regularización da súa situación, contribuindo a facer fronte á escaseza de persoal en sectores con problemas para atopar man de obra.
A Consellería do Mar destina este ano 7,5 millóns de euros a achegas para as empresas de comercialización ao por maior e de transformación dos produtos da pesca, o marisqueo e a acuicultura para compensar o impacto dos incrementos de prezos pola guerra en Ucraína de distintas materias primas que son fundamentais para o desenvolvemento da súa actividade. Así o recolle a orde pola que se aproban as bases reguladoras destas axudas, cofinanciadas co Fondo Europeo Marítimo e de Pesca, que sae publicada no Diario Oficial de Galicia (DOG).
A economía galega medrou un 1,5 % no segundo trimestre de 2023 en relación ao mesmo período do ano anterior, como se desprende da información da contabilidade trimestral referente a este período, publicada hoxe polo Instituto Galego de Estatística (IGE). En canto á evolución intertrimestral, de abril a xuño de 2023 o PIB autonómico aumentou un 0,1 %. Desde o punto de vista da demanda, no último ano, o consumo público aumentou un 3,4 % e a formación bruta de capital medrou un 2,4 %. No que respecta á oferta, a construción medrou un 3,6 %; a industria un 1,8 % e os servizos un 1,4 %, cun maior incremento no apartado de actividades artísticas, recreativas e outros servizos (4,4 %).
A conselleira de Promoción do Emprego e Igualdade, Elena Rivo, confirmou a boa evolución do mercado laboral de Galicia tras coñecer os datos de paro rexistrado e afiliacións á Seguridade Social publicados hoxe. Destacou que estes datos, unidos aos coñecidos a semana pasada da Enquisa de Poboación Activa (EPA), constatan que en Galicia descende o paro e estase a crear emprego. De feito, a EPA reflectiu que a taxa de paro en Galicia caeu por debaixo dos 10 puntos -9,6- e que continúa a ser máis baixa que a do Estado -11,6-. No mes de xullo, a comunidade autónoma acadou o número de paro máis baixo de toda a serie histórica por cuarto mes consecutivo con 127.445 persoas sen emprego, a mellor cifra desde hai 27 anos.
O Goberno galego ten adxudicado xa no primeiro semestre o 70% dos 527 millóns de euros dos fondos do Mecanismo de Recuperación e Resiliencia (MRR) previstos no orzamento inicial para 2023, é dicir 370M. A isto hai que engadir 59 millóns adicionais en convocatorias ou licitacións adxudicadas, correspondentes aos vindeiros exercicios do período de vixencia dos fondos MRR que se estenden ata 2026. Con todo, desde a posta en marcha do Plan de Recuperación, a Xunta publicou convocatorias por máis de 893 millóns de euros, dos que se adxudicou preto do 69% (616 M). No que se refire aos beneficiarios, cómpre salientar que, ata o de agora, preto de 33.000 persoas físicas, 7.300 autónomos, máis de 2.700 empresas e 200 entidades locais favorecéronse dos fondos de recuperación xestionados pola Administración galega.
Os fogares galegos aforraron o ano pasado 216,2 millóns de euros grazas ás baixadas fiscais aprobadas pola Xunta de Galicia no Imposto sobre Sucesións e Doazóns (ISD) e no Imposto sobre Transmisións Patrimoniais e Actos Xurídicos Documentados (ITP-AXD). Estes 216 millóns de euros son recursos que quedaron en mans das familias galegas co obxectivo de reactivar o consumo interno e a actividade económica, evitar o despoboamento nas zonas pouco poboadas, recuperar as terras agrarias e manter íntegro o patrimonio dos fogares en caso de perda dun familiar directo.
A conselleira de Economía, Industria e Innovación, María Jesús Lorenzana, sinalou no Parlamento que cómpre que o Executivo central achegue certezas para poder desenvolver os proxectos tractores estratéxicos cos que conta Galicia, e que rectifique o centralismo e a falta de planificación na xestión dos fondos europeos de recuperación. Lorenzana incidiu en que desde a Administración autonómica se seguirá traballando para facer de Galicia un foco de atracción de iniciativas no ámbito da economía verde e dixital, ofrecendo a máxima axilidade administrativa e ofrecendo ao tecido produtivo medidas de apoio para seguir crecendo e creando emprego de calidade no actual contexto de transición.
O aeroporto de Santiago, que o ano pasado conseguiu o seu máximo histórico superando por primeira vez os dous millóns e medio de pasaxeiros, continuou crecendo no primeiro trimestre deste ano, pese a que o ano pasado a Semana Santa, unha das épocas de maior tráfico no ano, caeu no mes de marzo.
A Eurorrexión Galicia-Norte de Portugal foi a máis beneficiada (de toda a fronteira hispano-lusa) na 1ª convocatoria do Programa de Fondos Europeos Interreg V-A (POCTEP) de cooperación transfronteiriza , recibindo máis dun terzo do investimento asignado. O programa de Fondos Interreg V-A (POCTEP) avala a 45 proxectos de Galicia e do Norte de Portugal.
O alcalde fixo hoxe unha primeira valoración dos Orzamentos Xerais do Estado para 2017, e das partidas que destinan a Santiago. Martiño Noriega recoñeceu a súa "indignación e malestar" cunhas contas que "teñen moitas máis sombras que luces" e que supoñen "o incumprimento de importantes compromisos adquiridos".
Durante o acto de entrega destacouse a importancia da especialización dos traballadores desta industria, que a Xunta está a apoiar a través do primeiro plan sectorial de formación ao que se destinan 12 millóns de euros. Lembrouse que o conxunto do sector en Galicia logrou proxectos por máis de 2.300 millóns e sinala que a Xunta está a acompañar ao naval galego na súa aposta pola innovación.
A directora xeral de Pesca, Acuicultura e Innovación Tecnolóxica, visitou a feira co obxectivo de difundir os produtos pesqueiros galegos e apoiar ás empresas que participan no evento. A Seafood de Boston é o evento comercial de produtos marítimo-pesqueiros máis grande de América do Norte e este ano celebra a edición número 37.
Puy avanzou que non imos utilizar a Comisión de Investigación sobre as antigas caixas galegas como un instrumento de liorta política. Temos a conciencia tranquila. Galicia é unha das poucas comunidades autónomas que traballou por manter unha entidade domiciliada no seu territorio, cun impacto tamén nos postos de traballo.
A conselleira do Mar, Rosa Quintana, durante o pleno do Consello Galego de Pesca, explicou que o obxectivo é estar preparados para xustificar os intereses da frota pesqueira galega ante a decisión de Reino Unido de abandonar a Unión Europea. Este grupo súmase ao composto polas rexións da fachada atlántica europea, que coordinará Galicia e que estudará o impacto do Brexit.
O titular da Xunta asistiu ao acto de adhesión de Cantabria á Macrorrexión de Rexións do Suroeste de Europa e incidiu en que o financiamento do sistema de benestar recolla o custo real dos servizos para que todas as persoas poidan acceder a eles en igualdade. Refírese ao envellecemento da poboación como a maior ameaza á que deben facer fronte os territorios.
Poñerase a disposición dos consumidores unha ferramenta informática que se poderá consultar nas oficinas autonómicas e municipais de Consumo, e nas asociacións de consumidores e usuarios. Organizáronse xornadas informativas por toda a xeografía galega nas que participaron xa máis de 700 persoas.
O Goberno galego concede préstamos a interese bonificado con medio millón de euros, e co obxectivo de inducir un investimento de 9 millóns. Os créditos serán sen xuros para as familias con ingresos de ata 4 veces o IPREM: un fogar con 3 membros no que entren menos de 37.400 euros ao ano.
