viernes, 19 de junio de 2026
O número de pasaxeiros no aeroporto de Santiago ata marzo foi de 510.706. É a primeira vez que se consegue superar o medio millón de pasaxeiros no primeiro trimestre do ano. O crecemento respecto ao do ano 2016 foi de 12.225 pasaxeiros, un 2,5%.
Pero se se compara con hai dous anos, cando comezou a recuperación actual do aeroporto, o crecemento é de máis de 106.900 pasaxeiros, un 26,2%. O crecemento é aÃnda maior se a comparación se fai co primeiro trimestre do ano 2014, antes de que se estabilizase a crise de tráfico no aeroporto que comezou no 2012. Neste caso, gañáronse 135.071 pasaxeiros, un 36%.
No pasado mes de marzo, o tráfico foi de 203.010 pasaxeiros, cun crecemento do 2,8% respecto a marzo do ano pasado, cando a Semana Santa foi neste mes. Foi o primeiro mes de marzo no que o aeroporto de Santiago consegue superar os 200.000 pasaxeiros.
Sanxenxo volverá converterse este verán nun dos grandes referentes da música en directo en Galicia coa celebración da cuarta edición de Costa Feira, un evento que ofrecerá máis dunha decena de concertos e propostas musicais entre os meses de xullo e agosto no recinto do PolÃgono de Nantes. O ciclo arrancará o 24 de xullo con Wake Up! in Costa Feira e continuará o 28 de xullo e os dÃas 4, 11 e 18 de agosto coa proposta Electrolatino, que reunirá artistas destacados neste xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán ou Mar Lucas.
Ponse en marcha a programación da 14ª edición de Cultura no Camiño, que este verán ofrecerá 316 espectáculos escénicos e concertos a cargo de 147 formacións artÃsticas en 87 concellos galegos situados nas diferentes rutas xacobeas. Trátase dunha proposta enmarcada na campaña Para gustos, cultura, que este ano chegará a 200 localidades con máis de 3.600 propostas. O calendario de Cultura no Camiño para este ano, que se abriu esta semana con paradas en Ribadumia, onde Marta Ortiz presentou Canta, Bugina, canta! na Escola Infantil, e en Miño coa proposta A maxia dos libros, do Mago da Boina e Nami, no Centro de DÃa, continuará hoxe de novo en Ribadumia con Donas do lugar, un espectáculo de narración oral a cargo de MarÃa da Pontragha.
