sábado, 10 de mayo de 2025
A directora da Axencia Tributaria de Galicia (Atriga), María Victoria González Vázquez, compareceu hoxe na Comisión 3ª de Economía, Facenda e Orzamentos para explicar a Memoria de actividade do seu organismo correspondente ao ano 2022.
Segundo o informe xeral de actividade correspondente ao ano 2022, a Atriga atendeu o ano pasado a un total de 264.899 contribuíntes. Deles, 1.277 recibiron atención tributaria a través da canle preferente para maiores de 65 anos, posta en marcha o pasado outubro.
Do total, 144.480 foron atendidas de maneira presencial nos 47 puntos de información que a Atriga ten distribuídos por toda Galicia; e a 120.419 prestóuselles asistencia pola vía telefónica.
No ano 2022, a Atriga continuou reforzando e avanzando na información e simplificando a asistencia á cidadanía coa finalidade de contribuír a garantir a prestación dos servizos públicos a todos galegos e galegas.
Neste marco, desde mediados de febreiro do pasado ano habilitou a posibilidade de realizar nas súas delegacións o pagamento das autoliquidacións do Imposto de Sucesións e Doazóns, do Imposto de Transmisións Patrimoniais e Actos Xurídicos Documentados (ITP-AXD) e de vehículos usados por importe de ata 3.000 euros a través dun Terminal en Punto de Venda (TPV) físico.
Os cidadáns poden realizar este pagamento mediante tarxeta de crédito ou débito de calquera entidade bancaria e sen comisión de utilización para o contribuínte- no mesmo momento no que están a realizar a presentación dos impostos e coa mesma cita que soliciten para ser atendidos de xeito presencial en calquera das cinco delegacións da Atriga (A Coruña, Lugo, Ourense, Pontevedra e Vigo). Desde mediados de febreiro realizáronse 7.158 operacións.
Ademais, a Axencia Tributaria de Galicia tamén ampliou os medios de pagamento das débedas tributarias permitindo realizar o seu pagamento a través de xiro postal, co obxectivo de facilitar o cumprimento das obrigas tributarias a aos cidadáns.
Trátase de ampliar as posibilidades de pagamento das que xa dispoñen os cidadáns e dar resposta a todos aqueles casos nos que o contribuínte non ten aberta unha conta en ningunha das entidades colaboradoras coa Atriga. O número de operacións por xiro postal en 2022 ascenderon a 682.
Actuacións tributarias
A Memoria de actividade presentada hoxe recolle tamén que as actuacións de prevención e control tributarias desenvolvidas pola Xunta permitiron aflorar 97,1 millóns de euros de débeda non declarada no ano 2022.
No último exercicio, a Atriga efectuou 531.691 comprobacións de autoliquidacións de impostos. Unha vez revisadas estas autoliquidacións, no caso de detectar que non é correcta, a Atriga practica unha liquidación para que o contribuínte tribute conforme á legalidade. O número de liquidacións practicadas a raíz dunha comprobación foi de 32.678. Foron correctas unha media dun 94% das autoliquidacións comprobadas.
A Atriga deu a súa conformidade ao 76% das 636.929 valoracións de bens realizadas o ano pasado, é dicir, prestou a súa conformidade a case 8 de cada 10 valoracións presentadas polos contribuíntes. Ademais, concedeu no ano 2022, 3.115 aprazamentos de impostos por importe de 18,7 millóns de euros.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
