miércoles, 17 de junio de 2026
A conselleira do Mar, Rosa Quintana, presidiu o pleno do Consello Galego de Pesca no que se acordou a creación dun grupo de traballo para “facer seguimento de todas as novidades” que se van producindo en relación ao Brexit. O obxectivo, subliñou a titular de Mar, é “estar preparados para xustificar os intereses da frota pesqueira galega” ante a decisión de Reino Unido de abandonar a Unión Europea.
Este grupo súmase ao composto polas rexións da fachada atlántica europea, que coordinará Galicia e que estudará o impacto que terá o Brexit nas rexións da cornixa atlántica da Unión Europea. Neste sentido, explicou Rosa Quintana, a finalidade do grupo do Consello Galego de Pesca é seguir os avances que se poidan ir dando dentro das organizacións europeas como por exemplo a Europêche (asociación das organizacións nacionais de empresas pesqueiras da Unión Europea), sobre todo, subliñou, agora que está a piques de aplicarse o artigo 50 do Tratado da Unión Europea sobre o mecanismo de retirada dun paÃs da UE.
Tamén se suma ao informe encargado pola Xunta ao Instituto de Estudos Europeos Salvador de Madariaga para avaliar as consecuencias desta decisión do Reino Unido para a pesca galega. Neste sentido, a conselleira do Mar lembrou que Galicia foi a primeira rexión e a única ata o momento que fixo este traballo.
En canto á relación de Galicia co Reino Unido, destacou que se o Reino Unido quere manter unhas regras de comercio xustas con España debe ter en conta tamén os intereses do sector pesqueiro galego.
Outros temas
O pleno do Consello Galego de Pesca tamén abordou un informe elaborado polas ConsellerÃas de EconomÃa, Emprego e Industria, Sanidade e Mar sobre a modificación e adaptación dos botiquÃns que deben levar a bordo as embarcacións da frota de baixura. Este informe realizouse no marco do grupo de traballo creado en conxunto co sector co obxecto de adecuar as esixencias dos botiquÃns aos tempos de resposta derivados da distancia á costa.
Ademais analizou as liñas xerais para a modificación do decreto de artes e aparellos de pesca, unha petición do sector sobre a ampliación da reserva mariña dos Miñarzos, en Lira, (Carnota) e tamén abordou o anteproxecto de lei de portos de Galicia.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
