sábado, 8 de agosto de 2026
Na actualidade, os recursos do Mecanismo de Recuperación e Resiliencia asignados polo Goberno central á Administración galega para o desenvolvemento de políticas públicas ascenden a 1.384M, dos cales Galicia ingresou 1.207M.
Execución do ano 2021
En canto á execución dos Fondos Next Generation no ano 2021, hai que subliñar que Galicia recibiu máis do 70% deses recursos nos últimos meses do ano e en diferentes conferencias sectoriais, un feito que dificultou a súa xestión e execución.
En todo caso, estes fondos teñen un período de execución ata 2026, pois non eran para executar no ano 2021, e polo tanto nin se perden nin se deixan sen executar.
A Xunta leva tempo reclamando unha cogobernanza real na xestión destes fondos e advertindo de que o Goberno central ten que axilizar a asignación dos fondos europeos e descentralizar as axudas coas Comunidades Autónomas.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
