miércoles, 17 de junio de 2026
Pedro Puy manifestou que “coa inxente documentación que xa existe, á que non descartamos que se poida pedir algunha máis en función dos plans de traballo presentados polos grupos da oposición, debemos chegar a unhas conclusións o máis compartidas posible e fundamentadas en datos e evidencias”.
“O informe da ponencia ten que referirse a feitos e datos, e para iso hai suficiente información, como o demostra a relación de 200 folios que axuntamos ao plan de traballo rexistrado polo Grupo Popular”, apuntou.
Respecto dos comparecentes na Comisión de Investigación, o portavoz popular indicou que as listas presentadas polos grupos da oposición “son basicamente reiterativas”. Deste xeito, lembrou que esta comisión “foi a que máis comparecentes tivo na pasada lexislatura”, polo que considerou que “non ten sentido que quen xa compareceu volva comparecer porque non nos gustou a resposta que deu”.
“O ditame final non vai ser unha lista de prexuÃzos ou presuncións non fundamentadas, senón que debe explicar o que pasou cando se poida e non incorporar o que non se poida xustificar”, dixo.
Por outra banda, Pedro Puy informou que o Grupo Popular rexistrou 16 propostas de resolución aos informes de fiscalización do Consello de Contas sobre o sector público en Galicia. Trátase de “diversos aspectos susceptibles de ser mellorados na xestión da Xunta, polo que propoñemos que o Goberno galego avance nestas cuestións”, engadiu.
En concreto, o Grupo Popular avoga por desenvolver unha estratexia de racionalización e mellora dos recintos feirais en Galicia, de modo que se impulse a súa xestión e coordinación, ademais de potenciar a súa función como ferramentas de dinamización da economÃa ao servizo das empresas e da cidadanÃa.
Outras propostas inciden na necesidade de que a Xunta estude a modificación da normativa en materia de subvencións ás entidades locais para introducir nos criterios de puntuación a valoración de aquelas que cumpran o perÃodo medio de pago a provedores no último exercicio orzamentario, avaliando a posibilidade de incorporar nos próximos anos penalizacións as que incumpran.
Por último, entre as propostas do Grupo Popular tamén destaca o reforzo dos medios persoais e materiais dedicados a desenvolver o control financeiro permanente e continuo sobre o Sistema Público de Saúde de Galicia para mellorar o seguimento da súa actividade económica. O obxectivo é propoñer medidas de mellora que permitan optimizar a toma de decisións dos xestores que contribúan á sostenibilidade do sistema sanitario público.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
