Buscador
Noticias
A Universidade da Coruña (UDC) organiza, do 3 ao 7 de febreiro, o II Simposio Galaico-Brasileiro, un evento organizado polo Grupo de Estudos Territoriais (GET) da UDC en colaboración co Centro Universitario de Brasilia (CEUB). O simposio reunirá a docentes, persoal investigador e estudantado de ambas as dúas institucións para reflexionar sobre os retos do dereito á cidade en Galicia.
A Rede Localis, Rede de Administración Local, fixo público o seu sexto informe, que leva por título 'A reforma inconclusa das competencias locais', no que se recolle que é fundamental avanzar na reforma da normativa autonómica e estatal. O documento foi presentado nun acto que contou coa participación de Diego Calvo, conselleiro de Presidencia; Natalia Prieto, directora xeral de Administración Local, e os codirectores da rede, Concepción Campos Acuña e Alberto Vaquero.
O grupo de investigación Terceira Xeración (TeXe) do Departamento de Pedagoxía e Didáctica da USC lidera o proxecto europeo Camiño de Santiago: Camiño de intercambio e de aprendizaxe cultural europeo (CAXATO), que ten por obxecto que persoas maiores de 50 anos sexan parte dunha experiencia formativa orientada a mellorar as súas competencias artísticas, sociais, dixitais e de sustentabilidade co Camiño de Santiago como marco.
A Real Academia Galega de Ciencias e a Fundación Barrié crearon os Premios de Investigación Fundación Barrié-RAGC, destinados a recoñecer a mellor investigación que se desenvolve na nosa comunidade en Ciencias Básicas, Técnicas e Sociais. Os tres traballos distinguidos recibirán unha dotación de 5.000 euros cada un, nun acto que se celebrará o 5 de febreiro no Pazo de San Roque de Santiago, coincidindo coa apertura do curso académico da RAGC.
Nun claro exemplo de economía circular, Universidade de Vigo e industria únense nun proxecto multidisciplinar que busca aproveitar residuos vexetais para empregalos na mellora da conservación de alimentos. En concreto, o grupo operativo Agri-Resval, formado pola empresa Néboda Farms, o grupo AgroBioTech for Health da UVigo, a Fundación Empresa Universidade Galega (Feuga) e o Grupo Nueva Pescanova, traballa na revalorización de residuos de agricultura vertical.
A Universidade da Coruña, en colaboración coa editorial Fabulatorio, presenta o libro 'A Galicia deseñada, unha análise completa e pioneira sobre a historia do deseño gráfico en Galicia'. A obra, de preto de 700 páxinas, foi realizada polos investigadores Marcos Dopico, Cibrán Rico e Suso Vázquez, quen, a través de rigorosos estudos e un percorrido visual, exploraron como a identidade galega se reflicte e evoluciona a través de símbolos, marcas e identidades gráficas.
A convocatoria do Premio Aresa de Desenvolvemento Rural rexistrou un total de trece candidaturas na que xa é a súa vixésimo quinta edición. Será o vindeiro venres, 31 de xaneiro, cando os membros do xurado examinen todas as propostas presentadas e se dea a coñecer o ditame deste galardón que conta cunha dotación de 10.000 euros e un diploma de mérito.
25 anos de experiencia e un equipo de 43 profesionais avalan ao Grupo Integrado de Enxeñaría (GII) da Universidade da Coruña, fundado no Campus Industrial de Ferrol e integrado en dous centros de investigación, o CITENI (Centro de Investigación en Tecnoloxías Navais e Industriais) e o CITIC (Centro de Investigación en Tecnoloxías da Información e as Comunicacións).
A Universidade da Coruña (UDC) organiza, do 27 ao 31 de xaneiro, un workshop internacional centrado na computación aplicada ao experimento LHCb (Large Hadron Collider beauty) do Centro Europeo de Investigación Nuclear (CERN), con sede en Xenebra (Suíza). Este evento reunirá a preto de cincuenta científicos de diversas nacionalidades.
Un estudo en ratos liderado pola Universidade Complutense de Madrid e no que participan Miguel López e Cristina Contreras, do Grupo NeurObesity do Departamento de Fisioloxía da USC e do CiMUS, revela un avance significativo no entendemento do papel da proteína PAS quinasa na termoxénese e a regulación do gasto enerxético mediante a produción de calor.
