viernes, 30 de enero de 2026
A UVigo participa esta semana en Madrid no evento Science for Industry (S4I), un foro internacional que busca conectar a investigación co mundo empresarial e do investimento, facilitando que o coñecemento xerado nas universidades e centros de investigación se transforme en innovación real con impacto no mercado.
O Centro de Investigación en Tecnoloxías da Información e as Comunicacións da UDC, centro que forma parte da Rede CIGUS da Xunta, acolleu a conferencia 'Un enfoque científico-práctico para a IA verde', impartida por Rubén Cuevas, profesor titular da Universidade Carlos III de Madrid, subdirector do Instituto UC3M-Santander de Big Data e CEO e cofundador da tecnolóxica Hiili. A sesión formou parte do ciclo 'Converxencia Verde: IA para un futuro sustentable', promovido pola Cátedra Inditex-UDC en Algoritmos Verdes..
A USC bota a andar unha nova edición da súa Primavera Cultural, programa amplo e diverso do que agroman as diversas iniciativas que, en materia de cultura, a Universidade vai desenvolver nos vindeiros meses nos campus de Santiago e Lugo. Música, audiovisuais, exposicións, fotografía, teatro, danza, Faíscas Culturais, foros, formación, certames e convocatorias coas que impulsar a dinamización e a creación nutren o abano de iniciativas que arrancan a principios do mes de febreiro.
O uso da IA está a abrirse camiño en case todos os eidos do coñecemento, incluíndo tamén a xestión dos ecosistemas e das contornas naturais. Un bo exemplo é o proxecto estatal BlueAI, que acaba de poñerse en marcha e no que participa a UVigo en colaboración con outras entidades como a Universidade de Murcia, o Centro Oceanográfico de Murcia, a Universitat Politècnica de València e a Universidade de Salamanca.
A Delegación Territorial da Xunta de Galicia en Lugo acollerá o vindeiro 29 de xaneiro de 2026, ás 19:00 horas, a proxección do documental 'La mili en el Sáhara', unha obra que recupera o testemuño daqueles mozos que realizaron o servizo militar no Sáhara durante a etapa da presenza española no territorio. O acto terá lugar no Edificio da Xunta de Galicia, situado na Ronda da Muralla, 70 (Lugo), e está aberto ao público ata completar aforo.
Galiciencia, a maior feira científica da nosa comunidade, está promovida desde 2006 polo Parque Tecnolóxico de Galicia Tecnópole -sociedade participada pola Xunta de Galicia-. Diríxese ao alumnado de Primaria, Educación Especial, Secundaria, FP e Bacharelato; co fin de favorecer o talento innovador e emprendedor entre a mocidade. Desenvólvese en colaboración coa Consellería de Economía e Industria.
Para reducir o illamento do alumnado que por motivos de saúde se ve obrigado a permanecer afastado do centro educativo, o grupo de Tecnoloxía Educativa da USC (TECNOEDUC) vén de asinar un convenio coa Consellería de Educación, Ciencia, Universidades e Formación Profesional, a través do CIEDIX, para a posta en marcha dun estudo piloto na Aula Hospitalaria do Complexo Hospitalario Universitario de Santiago de Compostela (CHUS).
Vigo será o primeiro campus en España en dispor dun servizo de vehículo autónomo e conectado que poderá ser utilizado por toda a comunidade universitaria para os seus desprazamentos entre edificios. O vehículo, desenvolto integramente en Galicia e con capacidade para 8 persoas, non só facilitará o traslado entre edificios, senón que permitirá validar diferentes solucións avanzadas de transporte intelixente e ciberseguridade nunha contorna real, con tráfico, peóns e condicións moi variables.
Abordar o réxime da dixitalización é unha obriga para a negociación colectiva galega, e unha tarefa que pode atopar dificultades ao ser tratada en solitario polos axentes sociais en cada sector, polo que 'convén dotala do maior apoio institucional posible'. Esta é a primeira das recomendacións que se realizan no informe sobre a dixitalización nos convenios colectivos de sector galegos.
Investigadoras da UVigo, do grupo HC1 e de Ecobas participan en Limoges (Francia) na xuntanza de socios do proxecto europeo RuralSilverHubS, que . ten como obxectivo promover a economía rural a través da innovación social, dixital e emprendedora. Traballarán na coordinación e no avance do desenvolvemento do proxecto, para abordar tres retos comúns no espazo Sudoe.
