Noticias sociedad
PortAmérica 2023, o festival que une música e gastronomía de calidade e no que prima a sostibilidade, acada a súa 11 edición nun entorno natural extraordinario, como é a azucreira de Portas. O festival converteuse xa nun emblema dos festivais galegos e tense convertido pola súa orixinalidade nun festival distinto, familiar, con 30 chefs cociñando en directo, e con grandes artistas nacionais e internacionais, como Sebastián Yatra, Nicki Nicole, Bad Gyal, Guitarricadelafuente, Deluxe, M Clan, Loquillo, Molotov ou Jorge Drexler. De feito, o espazo showrocking, acollerá a 30 chefs internacionais que suman 14 Estrellas Michelin para facer a fusión perfecta entre ritmo e cociña.
As achegas previstas irán dos 1.700 euros ata os 3.700 en función da porcentaxe de redución da xornada laboral (de polo menos o 12,5%), da súa duración (o máximo período subvencionable será de 8 meses) e do número de menores ao cargo. Poden acceder ás axudas familias monoparentais nas que a persoa que exerce os coidados en solitariose teña acollido á minoración da xornada. No caso das familias con fillos, integradas por dúas mulleres ou dous homes, poderán recibir os apoios un dos integrantes, de ter reducido a xornada. Tamén figuran entre as beneficiarias as unidades integradas por unha muller e un home, nas que este último reduza o seu horario, co obxectivo de que as traballadoras poidan seguir a desenvolver a súa carreira e incrementar o fomento da corresponsabilidade nos coidados dos menores.
O presidente da Xunta, Alfonso Rueda, anunciou a posta en marcha dun Plan de Infraestruturas Universitarias co obxectivo de seguir avanzando na consolidación da excelencia e calidade do sistema universitario galego. Fíxoo durante a sinatura do protocolo de colaboración entre o Goberno autonómico e as tres universidades públicas galegas que posibilitará estas melloras e que vai mobilizar máis de 100 millóns de euros ata 2026. Rueda estivo acompañado neste acto polos tres reitores galegos -Manuel Reigosa, da Universidade de Vigo; Julio Abalde, da Coruña; e Antonio López, de Santiago de Compostela-, así como polo conselleiro de Facenda, Miguel Corgos, e o conselleiro de Cultura, Román Rodríguez.
A suba é xeneralizada en todas as modalidades, tanto ciclos ordinarios como FP Dual, FP Básica, FP a distancia ou másteres e especializacións. Cómpre ter en conta que cada persoa pode presentar solicitude ata en catro prazas en ciclos ordinarios ou FP Básica e dúas en másteres. No réxime de persoas adultas, tanto presencial como a distancia, pode haber ata catro peticións por centro e ciclo con ata 10 módulos cada unha. Como é habitual, a cifra final de matriculados efectivos será inferior á de solicitantes iniciais, xa que moitas persoas presentan ao mesmo tempo solicitudes para distintas opcións educativas, como poder ser cursar estudos universitarios ou ampliar a súa formación en Bacharelato ou mesmo comezar a traballar ao dispor xa dun título.
O director xeral de Relacións Exteriores e coa UE, Jesús Gamallo, participou esta semana nunha nova sesión plenaria do Comité Europeo das Rexións (CdR) na que se debateu sobre o Marco Financeiro Plurianual (MFP) da UE e o plan industrial do Pacto Verde. O encontro contou coa presenza de Thierry Breton, comisario de Mercado Interior. Entre os nove ditames aprobados na sesión plenaria, destaca o referido á revisión da Directiva sobre o tratamento das augas residuais. Galicia incluíu no texto emendas relativas a diferentes prazos de xeito que estes sexan coherentes e acordes coa planificación hidrolóxica, así como de cara a clarificar a redacción proposta e evitar a necesidade interpretar o texto de xeito que dificulte a súa aplicación.
Os gastos derivados da aplicación e posta e marcha de medidas de prevención e control para frear os efectos provoados pola avespa velutina reducen un 20% os beneficios que xera a apicultura en Galicia pola venda de mel, segundo se desprende das conclusións do estudo do impacto económico e ecosistémico desta especie invasora orixinaria de Asia desenvolvido por persoal investigador do grupo Economía Agroalimentaria e Medioambiental, Desenvolvemento Rural e Economía Social (Ecoagrasoc) na Escola Politécnica Superior de Enxeñaría do Campus Terra da USC.
Este xoves e venres arrinca o ciclo de concertos Atardecer no Gaiás, impulsado pola Xunta de Galicia a través da Fundación Cidade da Cultura, con dous concertos de balde que traen a dúas figuras destacadas no panorama musical español. Juancho Marqués, un dos referentes do hip hop estatal, será o encargado de estrear o escenario na Praza central do Gaiás o xoves 6 de xullo a partir das 21,00 horas. Na tardiña do venres, tómalle o relevo a proposta de pop electrónico de Rocío Saiz.
Como todos os anos, coa chegada do verán, a Xunta, a través de Augas de Galicia, pon en marcha unha campaña destinada a lembrarlle a todos os galegos e galegas a importancia de minimizar o consumo de auga, para conseguir así ademais un aforro económico para as familias, mentres evitamos o desperdicio dun ben tan prezado. O proxecto Cada litro conta chama a toda a poboación a facer pequenos cambios nos sus hábitos, encamiñados a conseguir un consumo máis responsable deste recurso. Deste xeito, loitaremos tamén por asegurar a dispoñibilidade de auga no futuro, e con iso preservar hábitats e ecosistemas fluviais.
O presidente da Xunta, Alfonso Rueda, destacou o Novo Rexurdimento dunha Comunidade que, grazas ao esforzo dos galegos que a construíron desde dentro e desde fóra, pasou de ser unha terra de despedidas a unha terra de benvidas.
Na entrega en Barcelona dos Títulos de Excelencia Galega 2023 da Asociación de Empresarios Gallegos de Cataluña, Rueda incidiu na Estratexia Galicia Retorna como unha aposta de país, modelo a seguir polo resto de comunidades para que os galegos do exterior teñan facilidades para regresar a estudar ou traballar en Galicia.
O Consello da Xunta acordou manter a bonificación adicional do 50 % no transporte público autonómico ata xaneiro de 2024, `prorrogando durante seis meses máis, os descontos que vén aplicando desde setembro de 2022. Seguirá, xa que logo, achegando o 20 % da bonificación total.
Esta bonificación do 50 % continuará a aplicarse no transporte interurbano de competencia autonómica, no autobús urbano de Pontevedra e de Ferrol xa que os servizos se prestan con concesións da Xunta e no transporte de ría entre Vigo e Cangas e Moaña.
Investigadores do grupo Governance and Economics Research Network (Gen) da Universidade de Vigo veñen de avaliar nun estudo o impacto das medidas para favorecer a conciliación laborar e familiar das familias numerosas durante 2022, tomando como exemplo políticas de varias comunidades autónomas e países como Francia ou Alemaña.
O proxecto Transferencia de Coñecemento Educativo (EKT, polas súas siglas en inglés) é unha alianza de coñecemento para a educación superior que coordina o grupo de Tecnoloxía Educativa da USC coa participación dun total de once socios académicos e tecnolóxicos de seis países da Unión Europea.
O xurado do IX Premio Valentín Paz Andrade de Investigación en Economía de Galicia, que convocan o Instituto de Estudos e Desenvolvemento de Galicia da USC e o Consello Económico e Social de Galicia, deu a coñecer o seu ditame para distinguir aqueles traballos de investigación que contribúen ao mellor coñecemento da realidade económica e social de Galicia.
'Un encontro para conectar e coñecerse', así definiu David Posada, catedrático e investigador do Cinbio, a Reunión de Jóvenes Investigador@s en el Extranjero, celebrada en Vigo, tras as doce edicións en A Coruña. A investigadora María Mayán do Instituto de Investigación Biomédica de A Coruña foi a encargada de dar a benvida ao IYI Meeting aos preto de 80 investigadores participantes.
O debuxo da lucense Sabela Giz Castro, de 10 anos, alumna do Colexio PP. Franciscanos, ilustra a felicitación do Nadal do Colexio Profesional de Enxeñería en Informática de Galicia (CPEIG), como gañador no concurso de debuxo infantil convocado polo Colexio con este fin.
Non existe ningunha estatística oficial que reflicta cantas investigadoras e investigadores españois traballan no estranxeiro na actualidade, pero aínda que as universidades e os organismos públicos de I+D tratan de reter o talento e de traer de volta o que xa optou por emigrar, este colectivo segue medrando. Algúns deles regresan á casa polo Nadal, unha boa ocasión para organizar unha xuntanza.
Os Bolechas este Nadal recibirán unha visita moi especial... non se trata dos Reis Magos de Oriente, nin de Papá Noel, nin tan sequera do Apalpador... Tampouco chegará en camelos, como os Magos de Oriente, nin en burro como o Apalpador, nin en zorra tirada por renos como Papá Noel... É unha bruxa! Pero unha bruxa boa... moi, moi boa... molto buona! É a bruxa Befana, a encargada de levarlles doces e xoguetes ás nenas e nenos italianos.
Impulsada pola Universidade de Vigo, a Asociación de Familiares y Enfermos de Alzhéimer y otras Demencias de Galicia (Afaga) e a entidade de innovación social Atendo, a Cátedra de Idadismo nacía neste 2022 co obxectivo de combater o conxunto de prácticas laborais, sociais e políticas que discriminan ás persoas por razón da súa idade.
A decana da Facultade de Matemáticas da USC, María Elena Vázquez Cendón, recibirá o premio María Josefa Wonenburger 2022. A nova deuse a coñecer no último pleno da Unidade Muller e Ciencia da Xunta de Galicia, na que se tivo en conta a carreira de investigación e divulgación da matemática. 'É o corolario a un traballo feito', afirmou a profesora da USC logo de coñecer a nova da concesión. 'Sinto moita alegría e gratitude', sinalou.
Un sistema de tarifas variables podería servir para que a cidadanía tome conciencia e se responsabilice dos problemas ambientais derivados dos residuos que produce? A investigación desenvolvida na USC por Álvaro Fernández Braña profunda nesta cuestión ao abordar o coñecido como pay-as-you-throw (PAYT) paga só polo que botas ao lixo instaurado dende hai décadas en países da Europa Central.
