viernes, 18 de septiembre de 2026
Jesús Gamallo celebrou a revisión deste ditame de augas residuais salientando a importancia dun apoio financeiro europeo suficiente para acadar os obxectivos establecidos neste eido. O director xeral puxo como exemplo a Galicia, que leva moito tempo traballando para cumprir coa normativa europea e garantir a calidade das súas augas. De feito, destacou os esforzos da nosa rexión por mellorar a eficiencia enerxética no proceso de tratamento de augas residuais, para conseguir depuradoras con sistemas de tratamento máis sostibles.
O Pacto Verde industrial e as materias primas fundamentais
Debido á inestabilidade do contexto internacional e á necesidade de xerar unha industria autosuficiente para a produción de elementos clave na transición verde e dixital, a Comisión publicou o Paquete de materias primas críticas co obxectivo de reforzar as fases da cadea de subministro, diversificar as importacións, mellorar as capacidades da UE para controlar o subministro e garantir a súa libre circulación no mercado único asegurando un alto nivel de protección ambiental.
O Comité das Rexións apoia este paquete pero salienta que se deben ter en conta as rexións menos desenvolvidas para a instalación de proxectos. Nese senso, o director xeral comentou que para Galicia é fundamental aproveitar as sinerxías das iniciativas do Pacto Verde Europeo e impulsar nas rexións e cidades a mellora e reconversión das cualificacións profesionais. Así, Gamallo explicou a aposta en Galicia pola política industrial e a transición xusta a través da creación do Fondo de Transición Xusta de Galicia e sendo unha das rexións fundadoras da Alianza de Rexións con industrias da Automoción.
Comité Europeo das Rexións
O Comité Europeo das Rexións é a asemblea consultiva na que están representados os entes locais e rexionais da Unión Europea. A sesión plenaria do CdR reúnese seis veces ao ano. En representación da Comunidade Autónoma de Galicia, o membro titular é o propio
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade. Villaverde trasladará que Galicia afronta este debate desde unha posición singular pola dimensión e diversidade do seu complexo mar-industria, cunha extensa frota de baixura e pequena escala, unha importante presenza da altura e gran altura, unha industria transformadora e conserveira de referencia e unha acuicultura cun destacado peso na produción comunitaria.
