domingo, 21 de diciembre de 2025
Con máis dunha década de carreira rompendo as barreiras e estereotipos do rap e co seu estilo inconfundible, de ton cálido e temática sentimental, Juancho Marqués presentará no Gaiás Paraíso 39, o seu quinto álbum, que ten un vínculo especial con Galicia. Os temas naceron precisamente durante o confinamento pola covid-19 en 2020, que o madrileño pasou no concello lugués de Viveiro. O nome fai referencia á rúa da vila onde viviu eses meses, dando forma ao disco.
Pola súa banda, a cantante, presentadora e activista Rocío Saiz acode á Cidade da Cultura o venres día 7 de xullo para saldar a súa débeda do ao pasado co público de Atardecer no Gaiás, cando se vira obrigada a cancelar a súa actuación por motivos de saúde. A madrileña está de volta con toda a súa enerxía e ritmos pop que convidan ao baile.
Ambos concertos serán a partir das 21,00 horas na Praza central da Cidade da Cultura e con acceso libre e gratuíto. Haberá un servizo especial de bus urbano coa liña C11 ao finalizar as actuacións, con saída ás 22,45 do Gaiás.
As propostas musicais de Atardecer no Gaiás seguen nos meses de xullo e agosto cun total de 18 concertos ao aire libre de estilos que van do punk rock aos ritmos urbanos, o jazz, o soul ou o folk electrónico.
O ciclo, que conta nesta edición co apoio de Cervezas Alhambra, combina algúns dos talentos emerxentes e artistas consolidados máis importantes do panorama galego, español e internacional. O cartel inclúe oito propostas do país: Moura, KYRA, Lontreira, Catuxa Salom, Mariagrep, Madalena Gamalho, así como os artistas novos Faíscas e Xalum, premiados no certame Xuventude Crea impulsado pola Consellería de Política Social e Xuventude.
Canda eles sobresaen nomes como o da estrela do pop español Natalia Lacunza, o rapeiro Bejo ou o punk rock de Biznaga. Dulzaro, Paquesvr e Júlia Colom súmanse ao listado de bandas estatais que poderemos escoitar no Gaiás. Desde Francia, San Salvador trae a súa innovadora proposta de polifonía punk e Ben L'Oncle Soul os ritmos do soul máis actual. O novo jazz da trompetista portuguesa Jéssica Pina completa o elenco internacional dos atardeceres.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
