lunes, 22 de junio de 2026
No seu propósito de facer visible esta problemática, desde a cátedra impulsaron unha serie de xestións dirixidas a que o termo edadismo fose incluído no dicionario da Real Academia Española (RAE), algo que acontecerá neste mes de decembro, segundo confirmou aos seus responsables o académico Darío Villanueva.
Para poder loitar contra este ismo, primeiro temos que poñerlle nome, salienta a directora da cátedra, a profesora da Facultade de Ciencias Sociais e da Comunicación Ana Belén Fernández Souto, que explica que para o impulso desta iniciativa contactaron co galego Darío Villanueva, que ocupa a letra D como académico de número da RAE e quen amosou o seu interese porque o termo pasase a formar parte do dicionario. Recentemente, Villanueva confirmou aos e ás responsables da cátedra que edadismo incorporarase ao Diccionario de la lengua española ao longo deste mes de decembro, o que supón un grande éxito e un importante logro alcanzado da man de todos os hispanofalantes e as 24 academias que integran a Asale, a Asociación de Academias da Lingua Española, salientan desde a cátedra.
A voz edadismo fora xa aprobada na Comisión de Ciencias Humanas da RAE en 2019 e tras a xestión de pospleno e a conformidade das academias americanas, acordouse a súa incorporación ao dicionario da lingua española, explican desde a cátedra. Isto levará a que o termo pase a forma parte da versión gratuíta deste dicionario, que pode consultarse na web da RAE e que se actualiza cada ano.
Así mesmo, desde a Cátedra de Idadismo lembran que desde o departamento da academia Español al día, que ten como principal cometido resolver dúbidas de carácter lingüístico, xa tiñan respondido a través das redes sociais diferentes consultas sobre este termo. Nelas sinalaban que edadismo, como equivalencia da verba inglesa ageism, pode empregarse en castelán como un termo que fai referencia á discriminación das persoas baseada na idade.
Idadismo tamén formará parte do dicionario da RAG
Nese obxectivo da cátedra de facer visible o problema do idadismo, a Cátedra Afaga-Atendo impulsou tamén a inclusión deste termo no Dicionario da Real Academia Galega, o que levou a que o Seminario de Lexicografía da RAG acordase a finais de outubro a incorporación tanto do termo idadismo, definido como a discriminación contra persoas ou colectivos por razón de idade, especialmente cando esta se produce contra as persoas maiores, como da voz idadista.
Presentada publicamente o pasado mes de setembro, a primeira cátedra sobre o idadismo de España naceu co obxectivo de consolidar a loita contra esta forma de discriminación desde o ámbito da comunicación, a través da realización de cursos, seminarios e conferencias; organización de actividades académicas; intervencións educativas a todos os niveis; promoción da investigación; xeración de contornas amigables e fomento da relación interxeracional, como explicou Fernández Souto. O impulso desta iniciativa foi recoñecido o pasado mes de outubro nos Premios RIES, que promove o Clúster Saúde de Galicia, e que outorgou a esta cátedra o Premio Comunidade CSG.
O director xeral da Axencia Galega da Industria Forestal (Xera), Alfredo Fernández, subliñou esta mañá en Santiago o potencial da Comunidade galega no emprego da madeira no eido da construción gracias ao esforzo de todos os axentes do sector forestal-madeira e do compromiso do Goberno galego para impulsar o emprego deste elemento nas edificacións que se están a levar a cabo na rexión co apoio da Administración autonómica. Fernández Ríos realizaba estas declaracións no marco da inauguración da xornada sobre o proxecto europeo de construción sustentable Life timber for all.
Galicia situouse en 2025 como a terceira comunidade autónoma en taxa de doazón de España, cun índice de 39 doazóns por cada 1.000 habitantes. Segundo os datos que o Ministerio de Sanidade fixo públicos, con motivo da conmemoración do Día Mundial do Doante de Sangue, as campañas de doazón desenvolvidas pola Axencia de Doazón de Órganos e Sangue (ADOS) permitiron situar Galicia nos primeiros postos, ao rexistrar 39 doazóns por cada 1.000 habitantes, sendo soamente superada por Estremadura (47/1.000) e Castela León (45/1.000).
