Noticias sociedad
O conselleiro de Cultura, Román Rodríguez, instou ao Goberno Central a escoitar ás universidades na reforma da ABAU. Nunha intervención no Parlamento de Galicia, o titular do departamento educativo da Xunta lembrou que recentemente as universidades públicas de todo o Estado 'teñen manifestado, a través de alegacións, que ven con preocupación a viabilidade de implantar o modelo de avaliación de competencias para o acceso á universidade xa no vindeiro ano'. 'Compartimos coas universidades que o cambio da ABAU é apresurado e que faltan garantías', manifestou.
Nos últimos tempos puidéronse consultar distintos borradores de Real Decreto sobre a proba de acceso á universidade. O 15 de marzo de 2023 fíxose público un novo borrador de Real Decreto, agora denominado Proxecto de Real Decreto polo que se regulan as condicións para o acceso e a normativa básica dos procedementos de admisión aos ensinos universitarios oficiais de grao, con previsión de aplicación nas probas de acceso á Universidade a partir do ano 2024. O devandito borrador non só incide nas probas, tal e como aparecía nos anteriores borradores, senón que incorpora cambios na normativa de acceso e admisión ás universidades públicas.
Este festival, volve a presentar un cartel con artistas de primeira liña: Nicky Jam, Jason Derulo, os irlandeses Two Door Cinema Club, Rels B, Sidecars. Tamén estarán Shinova E Danny Ocean. Este primeiro avance complétano Lali, Emilia, Vilán Antillano, Aleesha, Les Castizos, Samuraï e Berto. Xa neste avance vese a aposta do festival por aglutinar talento internacional, nacional e galego para volver ser un dos festivais máis importantes de toda España. O Morriña Fest afronta a súa terceira edición despois do gran éxito da primeira e a segunda cunha gran acollida por parte do público xa que, o ano pasado, máis de 40.000 persoas se deron cita para corear os temas dalgúns dos artistas máis relevantes do panorama actual.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 751, deles 159 son da área da Coruña, 77 da de Lugo, 98 da de Ourense, 86 da de Pontevedra, 131 da área de Vigo, 136 da de Santiago e 64 da de Ferrol. Do total de pacientes positivos, 5 están en UCI, 127 en unidades de hospitalización e 619 no domicilio. Polo de agora, en Galicia hai un total de 692.487 persoas curadas, rexistrándose 4.111 falecementos. O número de PCR realizadas é de 4.064.881. O número de doses de vacina contra a covid-19 administradas é de 7.641.322.
Inaugurouse hoxe o congreso Mo_Cidade, cun amplo programa de actividades dirixido ao persoal técnico, con xornadas de traballo específicas o xoves e venres; e á xuventude galega, con programación propia o venres pola tarde e o sábado todo o día. O Palacio de Exposicións e Congresos da Coruña (Palexco) será o escenario ata o vindeiro sábado día 25 de charlas sobre o mundo gaming ou o emprendemento, talleres formativos e actuacións musicais, entre outras actividades.
Entre os motivos que se argumentou que xustificaban a creación desta especialidade de medicina de urxencias e emerxencias, atópanse que este campo supón actuacións, técnicas e procedementos específicos en situacións que poden ser de urxencia vital e patoloxías tempo-dependentes, onde o tempo é un factor decisivo para mellorar o prognóstico e o impacto doutras áreas asistenciais. Outro dos motivos é que é unha especialidade que existe na maioría dos países de Europa, podendo falarse, con toda propiedade, da existencia dun modelo europeo consolidado de especialidade primaria no ámbito profesional sanitario da medicina de urxencias e emerxencias.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 999, deles 211 son da área da Coruña, 101 da de Lugo, 137 da de Ourense, 108 da de Pontevedra, 170 da área de Vigo, 180 da de Santiago e 92 da de Ferrol. Do total de pacientes positivos, 6 están en UCI, 177 en unidades de hospitalización e 816 no domicilio. Polo de agora, en Galicia hai un total de 691.547 persoas curadas, rexistrándose 4.095 falecementos. O número de PCR realizadas é de 4.060.089. O número de doses de vacina contra a covid-19 administradas é de 7.637.141.
O conselleiro de Cultura presentou na Conferencia Sectorial de Educación as alegacións de Galicia ao proxecto de real decreto de Ordenación do Sistema de Formación Profesional, centradas na falta dunha memoria económica e nas dificultades que se pon para incorporación de persoas expertas dos sectores produtivos como docentes. Tal e como sinalou o conselleiro, o proxecto de real decreto non supón grandes novidades para a FP galega, 'dado que xa se están aplicando a maior parte das medidas desde hai tempo. De feito en Galicia xa se incorporou no currículo un módulo inglés nos currículos implantados nos últimos cursos, xa existen as dobres titulacións, a FP Dual xa está deseñada a medida das empresas e nos centros educativos xa se ofertan accións formativas para desempregados'.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.200, deles 249 son da área da Coruña, 116 da de Lugo, 190 da de Ourense, 128 da de Pontevedra, 199 da área de Vigo, 218 da de Santiago e 100 da de Ferrol. Do total de pacientes positivos, 8 están en UCI, 214 en unidades de hospitalización e 978 no domicilio. Polo de agora, en Galicia hai un total de 690.900 persoas curadas, rexistrándose 4.086 falecementos. O número de PCR realizadas é de 4.057.419. O número de doses de vacina contra a covid-19 administradas é de 7.634.146.
Entre as entidades están universidades, autoridades portuarias, clubes deportivos, organizacións sindicais e empresas. Todas elas protagonizarán proximamente un encontro para seguir creando sinerxías de cara a avanzar no obxectivo de acadar unha Galicia neutra en emisións de CO2. A adhesión supón asumir unha serie de deberes como establecer accións dirixidas á adaptación ou mitigación do cambio climático; fomentar o intercambio de información científica, tecnolóxica, socioeconómica ou xurídica; promover e apoiar a investigación vinculada ao clima, e acelerar o desenvolvemento de sistemas de enerxía de baixas emisións.
'Un filme en tres actos que son tamén tres conversas entrelazadas e interxeracionais entre distintas mulleres que contan as súas experiencias de amizade, de medo, de resistencia, no espazo público'. Preséntase así 'Tódalas mulleres que coñezo', un documental da realizadora Xiana do Teixeiro que se proxectará o vindeiro luns na Facultade de Ciencias da Educación e do Deporte da UVigo.
Este mércores, 9 de novembro, nas habituais recepccións da S.S. no Vaticano, o Papa Francisco vai recibir ao Alcalde de Begonte, José Ulla, e ao Tenente de Alcalde, Luis Luaña, que informarán á S.S. de que o Belén de Begonte, declarado de interese turístico galego, cumpre o seu primeiro medio século de existencia desde a súa fundación en 1972 polo daquela crego de Begonte, José Dominguez Guizán, e o artista José Rodríguez Varela.
O salón de vistas da Facultade de Dereito da UDC acollerá os vindeiros días 10 e 11 de novembro o Congreso Internacional 'Aplicacións da Intelixencia Artificial na Xustiza Penal', organizado polo equipo de investigación Criminoloxía, Psicoloxía xurídica e Xustiza penal no século XXI, Ecrim, en colaboración co Instituto de Direito Penal Económico e Europeu da Universidade de Coimbra (Portugal).
O salón de actos da Escola Técnica Superior de Arquitectura da Universidade da Coruña acollerá este mércores a conferencia de Julián Salas, 'Construíndo con recursos escasos. Contra a fame de vivenda en África'. Julián Salas implementou tecnoloxías apropiadas e apropiables e desenvolvementos metodolóxicos para construír en lugares do sur global onde podería parecer imposible construír.
'O futuro é galego, e o futuro é en feminino', conclúe a cociñeira Lucía Freitas en 'Superheroínas'. A afirmación podería ser o lema da segunda serie que USC e RAG presentaron na Facultade de Ciencias da Comunicación. A produción audiovisual realizouse no marco do proxecto 'Novas voces para a lingua', que procura outorgar visibilidade e promover o uso cotián do galego entre a mocidade dándolles voz a novos creadores e creadoras.
A Cátedra Institucional do Camiño de Santiago e as Peregrinacións, cuxa creación foi froito da colaboración entre a USC e Turismo de Galicia, organiza xunto ao Centro de História da Sociedade e Cultura e o Centro Interuniversitario de Estudos Camonianos, os dous pertencentes á Universidade de Coimbra, a I Xornada Internacional de Estudos Xacobeos que botou a andar este xoves 27 e esténdese ata o venres 28.
O Terra Creative Jam, un evento creativo e de innovación para a xeración de ideas impulsado pola USC e a incubadora Lug Open Factory, deu lugar a un laboratorio de ideas no marco do que 65 rapaces e rapazas chegados de toda Galicia participaron en diferentes obradoiros, ao tempo que resolveron desafíos sociais, ambientais e tecnolóxicos e propuxeron iniciativas orientadas a revitalizar o medio rural.
A República Popular China é un dos países máis antigos e máis poboado do mundo, con máis de 1400 millóns de habitantes. Tamén é a primeira potencia económica mundial por PIB. Todas estas características fan del un foco de especial interese desde calquera punto de vista que se poida prantexar, desde o cultural ao empresarial.
O Instituto Galego de Estatística (IGE) publica hoxe a Estatística de nomes dos neonatos galegos correspondente ao ano 2021, que reflicte que Sofía e Mateo seguen a ser os nomes máis frecuentes das nenas e nenos nados en Galicia. Os nomes de mulleres máis comúns son Sofía, Noa, Martina, Lara e Valeria, que continúan nas primeiras cinco posicións se se compara co 2020.
O proxecto Aldearmos é 'un ambicioso programa de democratización cultural do e no rural'. Así se presentou no campus de Ourense a iniciativa posta en marcha por unha vintena de concellos do rural das provincias de Ourense e Lugo que participan na Rede Aldear. Aldearmos é un programa que conta con catro pés que teñen como obxectivo amosar a vitalidade do rural das provincias de Lugo e Ourense e contribuír a asentar proxectos culturais nel.
