martes, 21 de abril de 2026
A Alianza galega polo clima conta xa con 50 entidades adheridas en menos dun ano, tal e como salientou hoxe a conselleira de Medio Ambiente, Territorio e Vivenda, Ángeles Vázquez, durante a sinatura do convenio de incorporación de Jealsa a esta iniciativa que impulsa a Xunta e que avoga pola busca de accións conxuntas e coordinadas en torno á acción climática na Comunidade.
Logo de resaltar que á Alianza galega polo clima xa se uniron universidades, autoridades portuarias, clubes deportivos, organizacións sindicais, empresas e outras entidades, Ángeles Vázquez anunciou que se está a preparar un encontro entre os membros adheridos para seguir creando sinerxías de cara a avanzar no obxectivo de acadar unha Galicia neutra en emisións de CO2.
Cómpre lembrar que a adhesión a esta Alianza supón asumir as liñas estratéxicas marcadas polo Goberno galego nesta materia e unha serie de deberes como establecer accións dirixidas á adaptación ou mitigación do cambio climático en Galicia; fomentar o intercambio de información científica, tecnolóxica, socioeconómica ou xurídica sobre este tema; promover e apoiar a investigación vinculada ao clima, e acelerar o desenvolvemento e a difusión de tecnoloxía para a transición cara a sistemas de enerxía de baixas emisións.
Nesa liña, Ángeles Vázquez fixo fincapé na importancia de contar coa experiencia de Jealsa nesta iniciativa e puxo en valor o programa de responsabilidade social corporativa We Sea, en base ao que esta empresa desenvolve a súa estratexia en favor da sostibibilidade multinivel.
De feito, Jealsa conta con directrices para garantir que toda a materia prima que entra nas súas instalacións procede unicamente da pesca responsable. A compañía ten desenvolvido un ecosistema de valorización único na industria de transformación pesqueira europea, que lle permite obter un aproveitamento do 100% da materia prima, ademais de acadar a neutralidade en carbono a nivel de produción, entre outros grandes logros.
Así, para Jealsa, formar parte desta Alianza é un gran paso máis no seu compromiso pola loita contra o cambio climático, a mellora do medio ambiente e o desenvolvemento da economía circular.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
