viernes, 27 de marzo de 2026
O adxunto á Vicerreitoría de Organización Académica e Campus de Lugo, Antonio Álvarez, e o decano da Facultade de Administración e Dirección de Empresas, Roberto Bande Ramudo, foron os encargados de dar a benvida a mocidade emprendedora reunida na sede universitaria lucense. Daquela, o Campus Terra converteuse durante dous días nunha sorte de campo de traballo no que os participantes tiveron a ocasión de traballar de xeito lúdico e en equipos interdisciplinares cuestións e desafíos relacionados coa economía verde, produción eficiente e sostible; educación inclusiva e de igualdade; emprendemento dixital e uso das TIC´S no rural; industrias creativas e sector audiovisual; alimentación e vida saudable e a búsqueda do benestar animal e mellora dos ecosistemas.
Os participantes gozaron dunha primeira xornada de ideación, con xogos de creación de ideas e proxectos sostibles, formación con workshops específicos, prototipaxe con maquinas 3D, gamificación, drons, realidade virtual e actividades deportivas con caiac no río e escalada no rocódromo. A segunda xornada consistiu nun Hackaton, no que os diferentes equipos maduraron as súas respectivas ideas e elaboraron propostas que logo presentaron en público e diante do xurado.
Os dous mellores prototipos de proxecto presentados no Terra Creative Jam acadaron praza para asistir á Residencia formativa LOF TALENT e tamén recibiron o convite para estar presentes na próxima edición do programa de emprendemento EXPLORER USC,qu que mantén aberto o prazo de inscrición ata mediados de novembro. Ademais, cada un dos membros do equipo gañador, recibirán premios como cámaras tipo GoPro, impresoras 3D-mini e tablets, entre outros agasallos tecnolóxicos, cos que tamén se premiou o traballo desenvolvido polos integrantes do terceiro equipo mellor valorado do certame.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
