Noticias sociedad
O programa tivo un enfoque basicamente práctico centrado en fórmulas tradicionais de transmisión de coñecemento a través da análise de realidades concretas. Desenvolveuse en catro fins de semana entres os meses de abril e setembro, estruturándose en catro módulos: participación e empoderamento xuvenil; emprendemento e novos modelos de negocio; innovación e emprendemento social; e liderado: características e competencias. Nas catro xornadas participaron un total de cincuenta mozos e mozas con idades comprendidas entre os 18 e 30 anos.
Preto de 300 participantes recrearon esta fin de semana os entroidos galegos cun colorido desfile polas rúas do casco vello de Santiago de Compostela no que puideron amosar a autenticidade, variedade e riqueza desta tradición. Galicia conta con nove entroidos recoñecidos como festa de interese turístico. Dous deles, Xinzo de Limia, cos pantallas, e Verín, cos cigarróns, acadaron xa a declaración como festa de Interese Turístico Nacional, mentres que outros sete son de Interese Turístico de Galicia: Viana do Bolo, cos boteiros e folións; Cobres, coas madamas e galáns; Laza, cos peliqueiros; Manzaneda, coas mázcaras; os Xenerais da Ulla; Maceda, cos felos, e Vilariño de Conso, cos boteiros.
Neste curso 2018-2019 un total de 267 centros e 18.000 alumnos, un 70% e máis dun 50% máis que o curso pasado, respectivamente, empregarán o libro dixital e se beneficiarán do paquete de melloras que se comezou a implantar de xeito progresivo o pasado curso e que se completará neste coa incorporación de novos provedores de contidos, coa posta en marcha dun servizo para que sexan os propios profesores quen creen contidos educativos dixitais, que se chamará DIXIT, e coa entrada en funcionamento dun servizo de soporte premium para os alumnos, familias e profesores que prestará atención remota as 24 horas e os 7 días da semana.
O vindeiro venres 7 de setembro dará comezo en Santiago de Compostela a segunda edición do espazo formativo para mulleres directivas da economía social, Medrando Xuntas, que organiza a Consellería de Economía, Emprego e Industria. O curso, de 80 horas de duración, combinará clases presenciais con actividades a distancia, para favorecer a conciliación da vida persoal, familiar e laboral. As 26 participantes desta edición terán a oportunidade de mellorar as súas habilidades para asumir os retos da dirección e xestión de entidades, así como compartir e coñecer outras mulleres que lideran a economía social en Galicia.
Presentouse este martes no Salón de Actos da Deputación Provincial de Lugo a 40ª Semana Internacional de cine de autor de Lugo, que organiza o Grupo Fotocinematográfico Fonmiñá, dende o 10 ao 15, e dende 17 ao 21 de setembro. Asistiron o Deputado de Relacións Institucionais, Álvaro Santos Ramos; a Concelleira de Cultura, Carmen Basadre Vázquez; Ramón Carballo, Xefe Territorial de Prsidencia da Xunta de Galicia en Lugo; a Vicerreitora do Campus de Lugo da USC, Montserrat Valcárcel Armesto, ao Presidente do Grupo Fotocinematográfico Fonmiñá, Xulio Xiz Ramil, o Director da Semana Internacional de cine de autor, Manuel Curiel Fernández. Nesta 40ª edición, participarán un total de 165 cintas de diferentes países.
Galicia dispón dunha ampla diversidade de variedades de uva e lévedos (fermentos) do viño de gran utilidade para afrontar as consecuencias do cambio climático en vitivinicultura, ofrecendo solucións a curto ou medio prazo para o sector. Así o constatou a Estación de Viticultura e Enoloxía de Galicia (Evega), integrada na Axencia Galega da Calidade Alimentaria (Agacal) da Consellería do Medio Rural, a través dun proxecto de investigación sobre a materia. O cambio climático modifica o desenvolvemento e a maduración da uva. O efecto máis notable é o aumento da concentración de azucre e unha redución da acidez no mosto, que inflúe na fermentación e, finalmente, nas características do viño.
Preto de 200 persoas de 37 nacionalidades diferentes inscribíronse xa na 7ª edición da World Trails Conference, o congreso bianual internacional da rede mundial de camiños e sendeiros World Trails Network, que se celebrará en Santiago de Compostela entre o 26 e o 29 de setembro. O congreso mantén aberto o prazo de inscrición para todas as persoas interesadas en aprender da xestión que se realiza nas máis importantes rutas culturais, ecolóxicas e de peregrinación de todo o mundo que estarán presentes no encontro.
Presentouse onte o Desfile dos Entroidos, un pasarrúas que o 8 de setembro percorrerá as rúas do casco vello de Santiago de Compostela cos personaxes de 13 entroidos, varios dos cales participaron no acto para dar a coñecer este evento. Galicia conta con nove entroidos recoñecidos como festa de interese turístico. Dous deles, Xinzo de Limia e Verín, acadaron a declaración como festa de Interese Turístico Nacional, mentres que outros sete son de Interese Turístico de Galicia: Viana do Bolo, Cobres, Laza, Manzaneda, Xenerais da Ulla, Maceda e Vilariño de Conso.
O programa Galeuropa é unha iniciativa que contribúe á mellora das competencias e habilidades dos mozos e mozas e que incrementa as súas posibilidades de inserción laboral, ao tempo que dota de recursos humanos de calidade ao tecido empresarial galego. O conselleiro de Política Social, José Manuel Rey Varela, participou no acto de despedida dos mozos e mozas que participan no programa de mobilidade transnacional Galeuropa. Unha xornada na que o titular autonómico das políticas sociais do Goberno galego estivo acompañado pola directora xeral de Xuventude, Cecilia Vázquez.
A Consellería de Sanidade, a través da Dirección Xeral de Saúde Pública, aconsella a aplicación do decálogo de hixiene e seguridade alimentaria da Organización Mundial da Saúde para asegurar un verán saudable e lembra os consellos básicos para previr enfermidades de transmisión alimentaria, especialmente nos meses de verán. Neste senso, destaca a importancia da utilización do frío para a conservación dos alimentos, o cociñado completo dos mesmos e acadar temperaturas de arredor de 70ºC como mínimo cando se requenten alimentos xa preparados. Para evitar ou minimizar os factores que contribúen á contaminación dos alimentos, Sanidade lembra que deben adquirirse alimentos que sexan hixienicamente seguros.
A festividade do Samaín encherá de vida as prazas da zona vella da cidade o sábado 31 de outubro. As actividades están dirixidas aos máis cativos, pero a Concellería de Cultura quere implicar tamén a toda a familia. Comezan con obradoiros de baleirado de cabazas -repartiranse un total de 700-, e rematan cunha grande festa.
As Xornadas ao redor do proxecto Estaciones Vivas destacaron o papel do patrimonio cultural na revalorización do territorio.
Apunta que unha das ambicións deste Goberno é apostar pola diversificación e desestacionalización do sector turístico. Destaca que o Museo fará posible algo histórico: que en Xinzo poida ser entroido todo o ano. Confirma que a localidade contará cun novo albergue de peregrinos.
Promociónase Galicia como destino termal nun escaparate internacional único. A Asociación Europea de Cidades Históricas e Termais é unha rede composta por 36 cidades termais de 12 países europeos que contan cun patrimonio arquitectónico singular e emblemático vinculado á presenza de augas termais.
Carmen Martínez, directora del Grupo de Viticultura de la Misión Biológica de Galicia, José Luis Santiago, integrante del mismo, y Alfonso Carrascosa, del Museo Nacional de Ciencias Naturales, forman el Comisariado de la muestra, que recoge los proyectos de investigación vitivinícolas nacionales más destacados en los 2 últimos siglos.
Unha granxa intelixente, unha empresa de vehículos de inercia, unha proposta para a implantación de códigos QR nas lápidas, un salón de beleza ecolóxico e unha empresa de turismo activo foron as propostas que resultaron galardoadas nesta edición coa innovación como clave de futuro.
Cociñeiros de renome como Pepe Solla, Yayo Daporta e Lucía Freitas prepararon uns pratos a base de produtos do mar galegos, que despois degustaron os asistentes. A Consellería do Mar, seguindo o seu firme compromiso de loitar contra a lacra do furtivismo, puxo en marcha esta campaña para fomentar o consumo de produtos pesqueiros adquiridos polas vías legais.
O conselleiro de Política Social destacou o traballo e esforzo diario e a pé de rúa das entidades sociais, e apostou por incrementar a colaboración para chegar a un maior número de persoas e atendelas mellor, e insistiu en que o conxunto da sociedade debe sensibilizarse e fomentar a inclusión social.
Goya ao mellor director con No habrá paz para los malvados, que acadou outros oito 'cabezóns', súmanse aos dous que levou La Caja 507, ambas protagonizadas polo actor José Coronado. Logo da entrega do premio proxectarase La vida mancha.
O xornalista foi membro do pleno territorial do Colexio de Xornalistas de Galicia entre os anos 2000 e 2008.
