Noticias sociedad
O Centro Superior de Hostelería de Galicia (CSHG) acollerá o vindeiro luns a cuarta edición do Gastroforum, co título Gastronomía con propósito, que afondará este ano nas claves da xestión sustentable aplicada á gastronomía. No cuarto Gastroforum citaranse representantes de diferentes restaurantes galegos avalados pola súa traxectoria como Iván Domínguez, do restaurante Nado; Sergio Musso e Paco Chicón do restaurante Eclectic; Diego López, de La Molinera; Javier Olleros, de Culler de Pau; Iria Espinosa de Árbore da Veira; Kike Piñeiro, de A Horta do Obradoiro; Marco Martínez, bar manager de Boanerges; Pepe Solla, de Casa Solla, Alberto Lareo; Miguel Fernández, de Morgana, ou Lucía Freitas, de A Tafona.
A Cidade da Cultura de Galicia volveu converterse esta nun mundo onde mandaron a imaxinación e a fantasía. Foi grazas á Cidade Imaxinaria, un evento lúdico e familiar que se celebra todos os veráns desde hai nove edicións e que, desde o ano pasado, incorpora unha segunda cita en abril para encher de diversión a primavera compostelá. Ademais de festexar a chegada do bo tempo, con este evento o Gaiás quixo conmemorar tamén o Día Internacional do Circo -celebrado a pasada semana- cunha programación chea de acróbatas, malabaristas, trapecistas, clowns e saltimbanquis que conquistaron todos os recunchos do complexo.
De entre 48 universidades públicas e 14 privadas, a sétima edición do U-Ranking situa á USC entre as das mellores de España en función do seu rendemento global, definido a partir da avaliación docente, da actividade investigadora e na dimensión da innovación e o desenvolvemento tecnolóxico. De xeito específico, a Universidade compostelá sitúase na décima posición atendendo ao seu rendemento global, no que se agruparían as actividades docentes, de investigación e de innovación e desenvolvemento tecnolóxico. Neste apartado, o ránking elimina os efectos do distinto tamaño das institución para facelas comparables entre si. Con este criterio, a USC comparte posición coas universidades Miguel Hernández de Elche, Alcalá de Henares, Navarra, Politécnica de Madrid, Lleida e Valencia.
O IGVS acaba de crear unha liña específica de axudas ao alugamento de vivendas para persoas que sufran violencia de xénero, fillos de vítimas mortais que sexan menores de 30 anos e dependentes economicamente, e vítimas de trata con fins de explotación sexual. A nova liña de subvencións está incluída dentro do Bono de Alugueiro Social, un programa que xa contemplaba ás vítimas de violencia de xénero como un dos colectivos aos que ía dirixido. Como novidade, créase unha liña específica e con financiamento propio destinada a axudar a este colectivo a acceder ao aluguer dunha vivenda e ademais amplíanse os supostos previstos con anterioridade.
Un total de 915 alumnos e alumnas participan este curso na segunda edición do Programa Proxecta: Apuntámonos a non beber!!!, duplicando así a participación do ano pasado cando se celebrou a primeira edición do Programa. A Dirección Xeral de Saúde Pública da Consellería de Sanidade pon en marcha por segunda vez este programa destinado ao alumnado de 1º da ESO dos centros públicos educativos galegos. Nesta edición participan un total de dezanove centros das catro provincias galegas, de Boiro, Melide, Zas, Negreira, Mugardos, Palas de Rei, Meira, Monforte, A Gudiña, dous centros escolares de O Barco de Valdeorras, Xinzo de Limia, Castro Caldelas, Moaña e Ourense.
O acto contou coa asistencia do director da exposición Xulio Xiz e do deán da Catedral de Lugo, Mario Vázquez Carballo. A exposición está organizada polo colectivo Egeria, co apoio da Xunta de Galicia, dirixida por Xulio Xiz, e coordinada por Antonio Xiz e conta coa asesoría histórica de Marcos Calles. A exposición está composta por 12 paneis dobres, compleméntase con fotografías e gravados alusivos a estes 350 anos de historia, e unha antoloxía de textos poéticos sobre o Santísimo, con obras do Licenciado Molina, Valentín Lamas Carvajal, Angel Johán, Díaz Castro, Calderón de la Barca, Angel Garrote, Luis Romero Porras, Manuel Rodríguez López, Enrique Saavedra Lastra, Evaristo Correa Calderón e María Rosa de Vega Araujo.
O Instituto de Ciencias do Patrimonio, do Consello Superior de Investigacións Científicas (CSIC), organiza xunto ás Universidades de Santiago de Compostela, A Coruña, Vigo, Nacional de Educación a Distancia e a portuguesa de Trás-os-Montes e Alto Douro (Portugal) o 14º Congreso da Asociación Internacional de Etnoloxía ( SIEF, polas súas siglas en inglés). A Cidade da Cultura de Compostela acolle este domingo 14 ás 18.00 horas a inauguración do simposio que se vai a desenvolver entre os días 14 e 17 de abril na Facultade de Ciencias Económicas e Empresariais da USC e no que se reflexionará sobre temas como a situación da antropoloxía en Galicia, o impacto do turismo ou a recuperación dos barrios.
O xurado do XXIII Premio Internacional Grupo CompostelaXunta de Galicia, reunido a pasada semana en Santiago de Compostela, decidiu recoñecer o académico e investigador George Greenia pola súa fecunda traxectoria universitaria, vinculación con Galicia e contribución á difusión internacional do fenómeno xacobeo. Ao comunicarlle a decisión, o premiado declarou que aceptaba este xeneroso recoñecemento dos esforzos realizados a través do Instituto de Estudos das Peregrinacións da William & Mary, unha institución con sede na cidade estadounidense de Williamsburg e centrada na investigación científica das viaxes de transformación persoal en todo territorio, tempo e tradición.
A demora media das consultas de atención primaria en Galicia é de 2,79 días, mentres que a media de España sitúase en 4,77 días. Así se desprende dos datos correspondentes a 2018 do Barómetro sanitario, publicados polo Ministerio de Sanidade, Consumo e Benestar Social. Ademais, as persoas que acudiron a un centro de atención primaria do Sergas manifestan, nun 88,1% dos casos, unha valoración moi positiva (boa o moi boa) na atención recibida. A cidadanía galega valora a atención primaria da nosa comunidade con 7,47 puntos sobre 10 (7,31 no Sistema Nacional de Saúde), sendo especialmente apreciados a confianza e a seguridade que transmite o persoal médico (7,70) e enfermería (7,57).
No marco do proxecto multidisciplinar 'Sonoro empeño. A música nas Coleccións ABANCA e Afundación', ABANCA e Afundación organizaron unha extensa programación de actividades complementarias. Nesta ocasión presenta o ciclo de actividades 'Sábados musicais' dirixidos a nenos e nenas de entre 4 e 9 anos. Desenvolveranse todos os sábados do mes de abril. Esta proposta responde o propósito da entidade de potenciar as experiencias interactivas dentro das súas actividades para estender a programación máis aló da propia exposición, mostrando na práctica o diálogo permanente entre as distintas disciplinas artísticas, e desenvolver a actividade cultural fóra dos espazos onde se desenvolve tradicionalmente.
Compostela será unha das 21 cidades españolas que celebren o Pint of Science 2016: un festival internacional que do 23 ao 25 de maio leva a ciencia aos bares co único obxectivo de facela accesible ao público e co que colabora a USC. A luz e as estrelas centran a última sesión do singular festival.
o portavoz do BNG no Parlamento de Galicia, Francisco Jorquera, manifestou que o clamor da Comunidade educativa contra a LOMCE e a celebración de reválidas son unha moción de censura ao modelo educativo imposto e a submisión da Xunta ao Ministerio e propón un "cambio na orientación da política lingüística do PPdeG.
O economista José María Gay de Liébana impartirá unha conferencia sobre o sector hostaleiro como motor de desenvolvemento. Farase unha xornada de portas abertas. Escollerase ao mellor alumno do ano e haberá aulas prácticas e unha cata de chocolates.
A actividade desenvolverase os días 21 e 22 deste mes nas rutas das Rías Baixas e do Ribeiro e o 28 e 29 nos itinerarios de Monterrei, Ribeira Sacra e Valdeorras. As xornadas inclúen o servizo do Bus do Viño e menús especiais nos restaurantes de cada zona. O visitante poderá acceder de forma gratuíta a máis de 100 adegas de Galicia e realizar catas e degustacións.
O eido da investigación e outro dos campos nos que a USC ocupa un lugar preferente no último informe que vén de publicar a Fundación CyD. De feito, no ránking de 2016 de CyD, a USC figura entre o grupo das universidades españolas que presenta mellores rendementos.
Esta obra forma parte de la exposición A paisaxe contra a parede que el autor va a inaugurar en el Museo Provincial de Lugo el próximo 12 de mayo.
A Delegación da Xunta en Madrid/Casa de Galicia acolleu a xornada World Wine Experience. Un percorrido polos viñedos do mundo, con varios relatorios sobre o pasado, presente e futuro do viño no mundo, cultura, comercialización e regulación, a cargo de expertos de referencia nacional e internacional, con posterior cata de viños de diferentes países incluíndo unha destacada presenza de viños galegos.
O secretario xeral de Política Lingüística participa en Vigo no acto conmemorativo da Galeguidade Empresarial onde se puxo de relevo o primeiro Plan de dinamización da lingua galega no tecido económico 2015-2020 posto en marcha pola Xunta. Incídese na importancia de apoiar a inclusión da lingua na empresa.
O xornalista Miguel Ángel Aguilar recolle o galardón do XII Premio José Couso organizado polo Colexio Profesional de Xornalistas de Galicia (CPXG), o Club de Prensa de Ferrol e a Obra Social la Caixa. O xornalista premiado, Miguel Ángel Aguilar, sostén que o primeiro compromiso do xornalista ten que ser coa vixencia das liberdades.
Manuel Baltar e o director xeral da Vuelta a España deron a coñecer a repercusión promocional e económica que o evento suporá para a provincia, cun movemento de 2.500 persoas na caravana e cunha audiencia total estimada en España de 2,3 millóns de espectadores.
