sábado, 12 de septiembre de 2026
Con esta actividade, a Consellería de Sanidade quere atrasar a idade de inicio do consumo de alcohol na adolescencia. Entre os obxectivos específicos tamén está potenciar as habilidades para saber dicir que non ante as presións grupais así como reforzar as accións preventivas sobre o alcohol realizadas previamente na aula e potenciar o traballo en grupo na realización das actividades para favorecer a introdución das mensaxes de hábitos de vida saudables. Ademais búscase que os rapaces coñezan os mitos sobre o consumo de alcohol, que desnormalicen a conduta de consumir alcohol e que coñezan a relación existente entre o seu consumo, a saúde e os riscos de exclusión social.
A evidencia científica insiste que o proceso madurativo do cerebro non remata ata os 21 nas mozas e os 23 nos mozos, polo que o consumo dunha substancia psicoactiva como é o alcohol antes destas idades ten consecuencias moi negativas. Neste senso, o Programa Proxecta: Apuntámonos a non beber!!!! tamén quere chegar a toda a sociedade. Sanidade busca a concienciación das familias e a concienciación sobre á súa responsabilidade na educación libre de alcohol dos seus fillos como mínimo ata os 18 anos (idade legal). Tamén se busca promover a conciencia crítica respecto a publicidade producida arredor do alcohol e fomentar unha cultura de lecer libre de alcohol.
Fases do programa
O programa consta de tres fases que se desenvolven no segundo e terceiro trimestre do curso escolar.
Na primeira fase procédese a unha formación inicial na que se abordan temas relativos á prevención, a dependencia e mitos sobre o consumo de alcohol. A formación é impartida polas persoas responsables do programa de alcohol en menores de idade das catro xefaturas territoriais da Consellería de Sanidade.
A segunda fase é a de investigación. Os participantes traballarán sobre diferentes anuncios publicitarios de bebidas alcohólicas ou promoción das mesmas para analizalos de forma crítica e coñecer as estratexias que emprega a industria para captar as persoas consumidoras.
Na terceira é última fase, o alumnado participará nun concurso podendo optar entre realizar unha campaña de contrapublicidade dalgún produto alcohólico publicitado elixido por eles mesmos ou ben facendo a análise crítica dunha campaña publicitaria dalgún produto xa comercializado. Hai dous premios para os dous mellores traballos realizados nos diferentes centros educativos.
Resultado na primeira edición
A primeira edición do Programa Proxecta: Apuntámonos a non beber!!! celebrouse durante o curso 2017-2018 coa participación de 454 estudantes dun total de oito centros de Boiro, Negreira, Cedeira e Melide, na provincia da Coruña; Monforte, Sarria e Folgoso do Courel, na de Lugo; e Viana do Bolo en Ourense.
Os gañadores foron o IES Xulián Magariños de Negreira e o IES Carlos Casares de Viana do Bolo que gozaron dun día no aquapark de Cerceda.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
