lunes, 22 de diciembre de 2025
O delegado territorial da Xunta na Coruña, Ovidio Rodeiro, participou na inauguración da exposición 350 anos da ofrenda do Antigo Reino de Galicia a Xesús Sacramentado que estará na Biblioteca Pública Miguel González Garcés ata o 30 de abril en horario de 8.30 horas a 20.30 horas.
O acto contou coa asistencia do director da exposición Xulio Xiz e do deán da Catedral de Lugo, Mario Vázquez Carballo. A exposición está organizada polo colectivo Egeria, co apoio da Xunta de Galicia, dirixida por Xulio Xiz, e coordinada por Antonio Xiz e conta coa asesoría histórica de Marcos Calles.
Ovidio Rodeiro destacou que a mostra ten un gran valor histórico porque plasma, en galego e en castelán, a historia dunha das cerimonias máis antigas que temos na nosa comunidade.
O delegado territorial recalcou que estamos conmemorando un acto ligado ao privilexio do templo lucense de manter o pan consagrado, permanentemente custodiado por una chama prendida, no altar maior. É unha das celebracións máis lonxevas da comunidade autónoma e a única que segue facendo unha memoria pública da monarquía que rexeu en Galicia na Idade Media. Neste senso, lamentou que o goberno local dalgunhas das cidades como a da Coruña, que levaba anos asistindo a Lugo a esta celebración, deixase de facelo nestes últimos anos.
A exposición está composta por 12 paneis dobres, compleméntase con fotografías e gravados alusivos a estes 350 anos de historia, e unha antoloxía de textos poéticos sobre o Santísimo, con obras do Licenciado Molina, Valentín Lamas Carvajal, Angel Johán, Díaz Castro, Calderón de la Barca, Angel Garrote, Luis Romero Porras, Manuel Rodríguez López, Enrique Saavedra Lastra, Evaristo Correa Calderón e María Rosa de Vega Araujo.
Cada un dos paneis reflicte un aspecto deste proceso de tres séculos e medio, que comeza coa exposición desta singular historia, a inmemorial devoción polo Santísimo na cidade de Lugo, o antigo Reino de Galicia, o Memorial co que se iniciou o proceso, a escritura do donativo do Reino, a Ofrenda nos séculos XVIII, XIX, XX e XXI, Lugo como a Cidade do Sacramento, a devoción reflectida na heráldica e a perspectiva de cara ao futuro desta chama que non se apaga.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
