Noticias sociedad
A Cidade da Cultura celebra o vindeiro sábado 24 de agosto unha nova edición do festival Cidade Imaxinaria, convidando as familias a gozar dunha tarde lúdica ao aire libre, con entrada de balde, que transforma o complexo do Gaiás nun sorprendente mundo de fantasía. Visitar o incrible circo de bechos xigantes do dr. Mezzo, converterse nunha marioneta de carne e óso controlada por dedos mecánicos, abraiarse con extraordinarios saltos, voos e viravoltas que quitan o alento ou compartir danza e risos con tres simpáticos hipopótamos azuis. Estas son só algunhas das propostas da que é xa unha das citas clásicas da programación da Cidade da Cultura.
Alberto Vázquez con "A Caza" na categoría xeral e Martín Romero con "Uxío" na infantil e xuvenil son os gañadores do Premio Castelao de Banda Deseñada da Deputación da Coruña. A convocatoria chega así a súa décimo cuarta edición e, por vez primeira, concede o premio na modalidade de infantil e xuvenil. Dous autores de traxectoria xa moi recoñecida son os gañadores da nova edición do Premio Castelao de Banda Deseñada que esta mañá fallou un xurado presidido polo deputado da área de Cultura, Xurxo Couto, e composto por Gema Sesar, Kiko da Silva, Antonio Navarro Santalla e Albert Monteys ademais da xefa do servizo de Cultura, Mercedes Fernández Albalat que actuou como secretaria.
A primeira parte do verán estivo marcada en Galicia por unha gran variabilidade desde o punto de vista meteorolóxico, unha situación que non impediu que xullo acabase sendo un mes cálido e lixeiramente seco. Estas son as conclusións do resumo climatolóxico elaborado por MeteoGalicia, no que se comparan os rexistros de temperatura e chuvia do mes pasado cos valores medios das estacións representativas durante o período climático 1981-2010. A principal explicación é que as zonas de aire frío no Atlántico continuaron baixando máis ao sur do habitual durante o mes de xullo. Esta situación impediu que Galicia e o norte da península quedasen baixo a influencia das altas presións, así como os longos períodos de estabilidade propios desta época.
As Medallas Emilia Pardo Bazán outorgan un recoñecemento público ás accións desenvolvidas na nosa comunidade e que teñan contribuído e destacado na defensa da igualdade de dereitos e oportunidades entre mulleres e homes. As medallas levan o nome de Emilia Pardo Bazán por tratarse dunha precursora nas ideas acerca dos dereitos das mulleres e o feminismo; reivindicar a educación e instrución das mulleres como algo fundamental e incorporar en todas as súas obras ideas sobre a modernización da sociedade e o acceso das mulleres aos mesmos dereitos e oportunidades que tiñan os homes na súa época.
O Parlamento galego aprobou a nova Lei de Patrimonio Natural, un texto chamado a protexer e garantir a conservación de todos os valores e elementos naturais que conforman a Galicia verde e azul coa que se identifica á comunidade. O novo marco lexislativo virá reforzar e completar as políticas desenvolvidas nos últimos anos pola Xunta en materia de conservación do medio ambiente e da biodiversidade galegas e sumarase a medidas como a aprobación do Plan de Promoción e Posta en Valor do Patrimonio Natural de Galicia, a posta en marcha da primeira Rede Galega de Parques Naturais ou a creación da Rede Galega de Reservas da Biosfera.
Froito deste acordo, a Universidade da Coruña incorporará o grao en Nanociencia e Nanotecnoloxía para o curso 2020-21; a Universidade de Vigo incorporará o grao dual en Tecnoloxía da Automoción para o curso 2021-22 (o segundo grao dual do sistema); e a USC o grao en Innovación Gastronómica e Xestión Hoteleira para o curso 2021-22 (tras a conversión do CSHG en centro adscrito á Universidade de Santiago). A maiores, no curso 2021/22 entrará en funcionamento un cuarto, o grao en Relacións Internacionais, que será un grao interuniversitario (o segundo interuniversitario do SUG) entre a UDC (no campus de Ferrol) e a UVigo (no campus de Ourense).
O proxecto E-Dixgal púxose en marcha no curso 2014/2015 cun total de 84 centros educativos e 2.300 alumnas e alumnos na etapa de educación primaria. Coas novas incorporacións, o E-Dixgal chegará o vindeiro curso a 347 centros de ensino e a 27.000 alumnas e alumnos. A iniciativa vai dirixida aos centros educativos galegos sostidos con fondos públicos que impartan o próximo curso ensinanzas de 5º e 6º de primaria e de 1º e 2º da ESO e que conten con aulas dixitalizadas. Os centros de primaria que se incorporen impartirán a totalidade das materias en modalidade dixital; mentres que os de secundaria farano en polo menos 6 materias. Os centros adscritos a este proxecto disporán da conexión á rede axeitada e cos medios tecnolóxicos necesarios na aula, así como para o profesorado e alumnado.
O tempo medio de espera cirúrxica global do Servizo Galego de Saúde entre xaneiro e xuño deste ano foi de 56,4 días, 3,4 días menos que no mesmo período do ano anterior (que foi de 59,8 días). Con este dato non só se consolida a tendencia do ano pasado, na que Galicia situouse por primeira vez por debaixo dos 60 días, senón que é a mellor cifra dende que existe rexistro de listas de espera. Nos últimos cincos anos, a redución no tempo medio de espera foi de case 30 días. Así o reflicte o balance de tempo medio de espera no Sergas referido ao primeiro semestre de 2019 presentado hoxe polo xerente do Sergas, Antonio Fernández-Campa.
O Plan de dinamización das comarcas vitivinícolas de Galicia pretende que sexa o propio sector do viño o que decida o seu futuro. O Goberno galego vai coordinar esta estratexia e porá os medios económicos necesarios para aplicala, traballando xuntos os consellos reguladores das denominacións de orixe e indicacións xeográficas protexidas, as rutas dos viños, os grupos de desenvolvemento rural, asociacións de produtores, xeodestinos turísticos, etc. Tamén se procurará atender a cada necesidade e particularidade de cada zona produtora e de cada eido produtivo, así como das súas características comerciais, industriais e territoriais.
A Cidade da Cultura de de Galicia convida á rapazada de entre 10 e 13 anos a participar ao longo deste mes de xullo na súa actividade de verán 'Unha noite no Bosque', unha acampada nocturna con monitores no Bosque de Galicia, que se desenvolve os venres no monte Gaiás. O obxecto desta proposta do programa Verán no Gaiás é achegarlles ás xeracións máis novas a natureza da súa contorna máis próxima, á vez que transmitir e fomentar os valores de coidado e de respecto polo medio ambiente. A rapazada participante nas acampadas poderá descubrir e coñecer mellor a fauna e a flora dos espazos naturais do monte Gaiás, así como gozar dunha xornada de convivencia, obradoiros e xogos á luz das estrelas. Unha noite no Bosque está organizada pola Fundación Cidade da Cultura e conta co patrocinio de Viaqua.
Os viaxeiros procedentes de Irlanda medraron un 24,29% no primeiro cuadrimestre do ano en relación ao mesmo período de 2015 con 5.367 visitantes. Os periodistas convidados coñecerán de primeira man os reclamos turísticos da Comunidade e plasmarán a súa experiencia en varias reportaxes.
A LII Festa do Polbo de O Carballiño é un dos 11 festexos declarados de interese turístico nacional que se suma ás máis de 100 de tipo autonómico e ás 9 de carácter internacional. O xeodestino de Ourense rexistrou 108.000 visitantes e 200.000 pernoitas no primeiro semestre do ano, un 17% e un 22% máis que en 2015.
A proposta cultural pódese visitar en agosto na Fundación Eugenio Granell e contará con preto de 200 produtos artesanais de 46 talleres de toda Galicia. A iniciativa enmárcase dentro do programa Artesanía de Galicia. O teu camiño, que tamén inclúe dúas exposicións e a celebración de obradoiros profesionais e para toda a familia.
Cífrase en 122.400 euros a colaboración do Goberno galego con este comedor social en 2015, o que representa un aumento de máis do 30% desde o ano pasado e un 66% desde 2009. A axuda enmárcase na Axenda Social Única de Galicia asinada entre a Xunta de Galicia, a Fegamp e a Rede Galega de Loita contra a pobreza e a exclusión.
A actividade, organizada pola universidade compostelana co apoio de Turismo de Galicia, é parte da programación especial do Ano Xubilar Extraordinario da Misericordia. O curso reúne a importantes expertos de diversas universidades e entidades europeas ata o 22 de xullo.
Os reitores das Universidades de Santiago de Compostela e da Coruña, asinaron o acordo de intencións para a posta en marcha deste título cuxo contido tamén é pioneiro a nivel estatal e constitúe un exemplo de aproveitamento de sinerxías a prol da universidade do futuro con titulacións únicas, singulares e adaptadas ao tecido económico e social galego. Sitúase a paisaxe na axenda social galega.
A portavoz nacional, Ana Pontón, anunciou que o BNG incluirá no seu programa electoral a elaboración dunha Lei galega de recuperación da memoria histórica que permita homenaxear as 4.000 vítimas, homes e mulleres, que foron reprimidos e asasinados no franquismo cos que o país ten unha débeda moral e política.
Desde Madrid, y por primera vez en su historia, llega a Santiago de Compostela el tren de lujo más espacioso del mundo, el Al-Andalus. Este viaje marca un hito de gran importancia para Galicia y para el Camino de Santiago al tener salida de la comunidad española de la que proceden más peregrinos. Regresa el 6 de agosto.
Ofertarase en 1º e 2º de ESO, cunha carga lectiva dunha hora semanal, e o seu contido foi deseñado por docentes de Educación en colaboración con especialistas da Secretaría Xeral da Igualdade. Representantes do Goberno galego coincidiron en salientar que é imprescindible avanzar no eido educativo para mudar a desigualdade.
Campos Conde, o presidente da Deputación lucense, avoga pola responsabilidade das administracións públicas galegas implicadas no traballo e remarca a necesidade de celebrarse esta reunión, pois a candidatura da Ribeira Sacra está bloqueada dende o verán de 2015 por diferenzas técnicas.
