jueves, 30 de abril de 2026
Nun acto de lembranza organizado polo Bloque ante a sede do Teatro Rosalía da Coruña, polo seu simbolismo como lugar en defensa da legalidade tras o golpe fascista do 18 de xullo, Pontón reivindicou o dereito a verdade e a reparación para que nunca máis vexamos ao fascismo, porque hoxe esa pantasma tamén percorre Europa baixo novas facianas, advertiu.
Ana Pontón, Avia Veira, Begoña Gómez e Anxela Franco no acto en lembraza das vitimas do franquismo
Pontón comprometeu que BNG vai seguir traballando para que en Galiza teñamos unha Lei galega de recuperación da memoria histórica, unha lei que se poña do lado das vítimas e da verdade, que garanta o acceso a todos os arquivos, axudas para as asociacións da memoria histórica, que apoie a investigación dos crimes do franquismo e a localización das fosas comúns.
En definitiva, subliñou a dirixente nacionalista, acadar unha Lei galega da memoria histórica que acabe coa lousa que nos impuxo o señor Feijóo, responsable do paso atrás destes sete anos na recuperación da nosa memoria, pechando todas as axudas, todas as portas. Cos seus feitos púxose do lado dos que cometeron os crimes da ditadura, do lado dos que non queren que coñezamos a verdade.
O Bloque louvou o traballo da sociedade civil que con moi pouco recursos mantén erguida a bandeira da dignidade das vítimas e do non esquecemento, ao que o BNG quere contribuír. Neste sentido, lembrou que foi Francisco Jorquera o primeiro en reclamar no Congreso cambios para que a Lei de amnistía non se convertese na base da impunidade á hora de investigar os crimes do Franquismo.
Pontón denunciou o feito vergoñento dun Estado español que persiste en cubrir a verdade co silencio que se plasma en xuízos sen revisar, na desmemoria e no medo a participar en liberdade que aínda existe. A dirixente do Bloque fixo fincapé na feroz represión que o fascismo aplicou en Galiza, moi máis forte que noutras partes do Estado, con máis de 4.000 persoas desaparecidas, ao que se suman os milleiros que marcharon ao exilio.
Cunha nutrida participación, o acto arrancou coa presentación da portavoz municipal, Avia Veira, que salientou o papel de miles de veciños e veciñas anónimos da Coruña para facer valer a liberdade e a democracia. A historiadora Begoña Gómez Amigo fixo un relato dos feitos nos primeiros días do levantamento que, parafraseando a Celso Emilio, deu paso a unha longa noite de pedra. Ánxela Franco, deputada provincial, denunciou o xenocidio do pobo galego, e reivindicou o dereito a coñecer a nosa propia historia.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
