Noticias sociedad
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.596, deles 882 son da área da Coruña, 369 da de Lugo, 489 da de Ourense, 917 da de Pontevedra, 1.246 da área de Vigo, 1.235 da de Santiago e 458 da de Ferrol. Do total de pacientes positivos, 53 están en UCI, 301 en unidades de hospitalización e 5.242 no domicilio. Polo de agora, en Galicia hai un total de 52.421 persoas curadas, rexistrándose 1.341 falecementos. O número de PCR realizadas é de 1.045.856.
O Complexo Hospitalario Universitario da Coruña vén de recibir por segundo ano consecutivo o Premio Best In Class ao mellor hospital de España na categoría de Centro de Alta Complexidade. Nesta ocasión, o CHUAC conseguiu tamén os premios aos mellores servizos de Microbioloxía, Reumatoloxía, Nefroloxía e á Unidade de Coidados Paliativos. O resto dos galardóns repartíronse entre o centro de saúde da Estrada que levou, por sexto ano consecutivo, o premio ao mellor centro de saúde de España; os servizos de Cardioloxía, Neuroloxía e a Unidade de enfermidades infecciosas de Pediatría do CHUS; e o servizo de Patoloxía Dixestiva do CHOP.
A Xunta de Galicia reivindicou hoxe o papel de liderado asumido por esta Comunidade autónoma nos últimos anos de cara ao cumprimento dos obxectivos de desenvolvemento sostibles (ODS) impulsados polas Nacións Unidas no ano 2015 co fin de avanzar cara a un mundo máis xusto e sustentable a través do impulso de iniciativas, políticas e programas específicos desde diferentes ámbitos. Así o defendeu esta mañá a conselleira de Medio Ambiente, Territorio e Vivenda, Ángeles Vázquez, durante a súa intervención representando a Galicia na reunión telemática da Conferencia Sectorial sobre a Axenda 2030 convocada pola Vicepresidencia Segunda do Goberno.
Entregáronse os galardóns aos gañadores da primeira edición dos Premios Galicia de Acción Voluntaria, que nacen co obxectivo de homenaxear o traballo das persoas voluntarias durante a pandemia. O acto de entrega tivo lugar na cidade herculina. A conselleira de Política Social, Fabiola García, sinalou que Galicia é un lugar máis agradable e solidario gracias ao labor que realizan de xeito desinteresado e silencioso as máis de 9.000 voluntarias e voluntarios que participan nos programas postos en marcha pola Xunta.
Este equipo estará formado por 207 profesionais de enfermería dedicados exclusivamente á vacinación, cuxa adscrición será voluntaria. E os profesionais procederán do persoal de enfermería con experiencia acreditada en vacinación que, ademais, recibirán unha formación específica para chegar a ser persoal experto na vacina covid. Cómpre salientar que baixo a coordinación deste equipo estarán: máis de 2.000 efectivos de enfermería de atención primaria, que vacinarán da covid aos pacientes das súas cotas; e preto de 40 efectivos máis dos servizos de enfermería preventiva e unidades de prevención de riscos laborais, que se encargarán da vacinación do persoal de centros hospitalarios.
O conselleiro de Sanidade, Julio García Comesaña, presentou esta mañá en rolda de prensa o conxunto de medidas acordadas na derradeira xuntanza do Comité clínico de cara á celebración das vindeiras festas de Nadal. Así, sinalou que a recomendación principal da Xunta de Galicia é que as xuntanzas das celebracións se cingan a unha única unidade familiar, composta exclusivamente por persoas conviventes. García Comesaña puntualizou que no caso de non ser posible o cumprimento desta recomendación, o número máximo de unidades familiares aconsellado non debe exceder de dúas.
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.598, deles 929 son da área da Coruña, 470 da de Lugo, 436 da de Ourense, 867 da de Pontevedra, 1.329 da área de Vigo, 1.005 da de Santiago, e 562 da de Ferrol. Do total de pacientes positivos, 56 están en UCI, 319 en unidades de hospitalización e 5.223 no domicilio. Polo de agora, en Galicia hai un total de 50.190 persoas curadas, rexistrándose 1.319 falecementos. O número de PCR realizadas é de 999.234.
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.560, deles 955 son da área da Coruña, 486 da de Lugo, 452 da de Ourense, 848 da de Pontevedra, 1.304 da área de Vigo, 952 da de Santiago, e 563 da de Ferrol. Do total de pacientes positivos, 55 están en UCI, 310 en unidades de hospitalización e 5.195 no domicilio. Polo de agora, en Galicia hai un total de 49.960 persoas curadas, rexistrándose 1.312 falecementos. O número de PCR realizadas é de 991.202.
Presentar unha primeira estimación do impacto da COVID-19 sobre a capacidade do Camiño Francés á hora de albergar peregrinos foi a meta do proxecto de investigación liderado por Roberto Bande Ramudo do Grupo de Análise e Modelización Económica da USC. Ao abeiro da Cátedra do Camiño e das Peregrinacións, cuxa creación foi froito da colaboración entre a USC e Turismo de Galicia, este proxecto concluíu que o impacto da pandemia sobre a capacidade de carga pode ser cualificado como moderado. Pola súa parte e tamén no marco da mesma convocatoria, a investigación coordinada por Dolores Riveiro García, pertencente ao mesmo grupo de investigación, constatou que o perfil do peregrino non se viu afectado pola devandita situación de alerta sanitaria.
Na categoría de mocidade, a premiada foi a sociedade limitada Fontes de Mané, polo seu campamento turístico Cabanas da Ulla e a súa combinación de servizo de aloxamento con actividade forestal no concello coruñés de Touro. En canto aos proxectos culturais e de recuperación patrimonial, resultou distinguida a iniciativa de recuperación do patrimonio material e inmaterial da aldea de Puxedo, a cargo da asociación de veciños desta aldea de Lobios, en pleno Parque Natural Baixa Limia Serra do Xurés. No apartado de interese social recibiu o premio o centro de prestación de servizos a persoas con discapacidade intelectual Aspadeza.
Un estudo sobre viñedo ecolóxico realizado na Estación de Viticultura e Enoloxía de Galicia (Evega) e liderado por David Castrillo Cachón, recibiu o accésit dos XX Premios Nacionais en Investigación e Defensa da Produción Ecolóxica Andrés Núñez de Prado.
Os irmáns animados máis famosos de Galicia, Os Bolechas, emprenden este sábado, 22 de decembro, unha nova viaxe da man do programa Nadal en Rede, no que levarán a súa actividade que conta coa colaboración de Gadis e mais da Compañía Radio-Televisión de Galicia (CRTVG) ao Porriño, Viveiro, Cambados, Vilagarcía de Arousa, Vimianzo, Ourense, Muros, Ponteareas e Rianxo, ata o día 7.
A pedagoga e ensinante Antía Cal e a escritora Mª Xosé Queizán recibiron o Premio Otero Pedrayo nun acto que se desenvolveu na Biblioteca da Deputación da Coruña e que reuniu representantes das catro deputacións e da Xunta de Galicia, institucións convocantes do premio, ademais doutras entidades. A Deputación da Coruña foi nesta nova edición a organizadora dun premio que ten carácter rotatorio e que por vez primeira recaía en dúas mulleres.
O Centro Galego de Artes da Imaxe (CGAI) programa os vindeiros días na Coruña dúas sesións dedicadas a Picadillo, pseudónimo de Manuel María Puga y Parga, popular gastrónomo que fora alcalde da Coruña en 1914 e 1917. A filmoteca galega contribúe deste xeito á celebración do seu centenario coa estrea do documental sobre a súa figura.
Xuventude Crea está composto por trece disciplinas: artes plásticas, banda deseñada, cociña, deseño de xoias, fotografía, grafitti, moda, música, poesía, relato breve, skate, teatro e videocreación. Ao respecto, cómpre destacar que este ano, como novidade, incluíuse ao programa a modalidade de skate, recentemente declarado deporte olímpico.
El Instituto para la Excelencia Profesional concede el Premio San Raimundo Peñafort a la excelencia jurídica a Apolinar Gómez Roca, abogado lucense con más de dos décadas al frente de su despacho especializado en derecho sucesorio y reclamaciones de responsabilidad civil a favor de lesionados por accidentes de tráfico. El Hotel Westin Palace ha acogido este acto en el que el vicepresidente de honor del Instituto para la Excelencia Profesional, Antonio Gabriel Pérez i Mateu, ha concedido los primeros Premios San Raimundo Peñafort a la Excelencia Jurídica ya que, en sus propias palabras, se vieron en la obligación de reconocer la labor de todos aquellos letrados que hacen de la justicia su modo de vida.
A explanada da Fábrica de Tabacos albergará dende o mes de decembro unha instalación temporal, denominada Tribuna Pública, un espazo aberto para a participación, a exhibición e o intercambio de iniciativas artísticas, culturais e sociais sobre os terreos dos portos interiores da cidade e os seus futuros usos.
A Conferencia de Reitores das Universidades do Suroeste Europeo (CRUSOE) mantivo este martes na USC unha reunión da súa comisión executiva na que se avanzou cara á súa consolidación como asociación sen ánimo de lucro, previa á creación dunha agrupación europea de cooperación territorial.
O Concello de Ourense vén de presentar a súa programación de Nadal, que este ano contará con máis de 400 propostas culturais, deportivas, de lecer e solidarias para que ninguén quede na casa, e aposta por actividades diarias para todos os públicos, converter as rúas nunha festa e chegar a todos os barrios da cidade. O acendido das luces de Nadal terá lugar o mércores a partir das 19:00 horas cun espectáculo na Praza Maior.
Tivo lugar a gala de entrega de premios da novena edición do certame OUFF Escola, no que este ano participaron 102 traballos de toda Galicia. O OUFF Escola é un evento organizado polo Concello de Ourense, ao abeiro do Festival de Cine de Ourense, e ten como obxectivo impulsar o uso do galego, coñecer a visión da infancia e da xuventude sobre a súa contorna sociocultural e fomentar a creatividade audiovisual.
