lunes, 21 de septiembre de 2026
Estes galardóns, outorgados na localidade cordobesa de Baena e organizados pola asociación Ecovalia, perseguen recoñecer o labor de quen traballa en temas relacionados coa produción ecolóxica.
Entre os candidatos á modalidade de investigación, o xurado priorizou aqueles traballos que vinculasen este tipo de produción coa mitigación e adaptación ao cambio climático. Neste sentido, o traballo Viñedo ecolóxico vs convencional: reservorio de biodiversidad de fermentos para a adaptación aos efectos do cambio climático e a tipicidade do viño realizado na Evega, ente dependente da Consellería do Medio Rural, conseguiu este recoñecemento especial.
O traballo consistiu nun estudo comparativo sobre a diversidade de fermentos en uvas e mostos de produción ecolóxica fronte á produción convencional en diferentes zonas de Galicia, así como a súa influencia sobre o perfil químico e sensorial dos viños. Esta diversidade estudouse durante tres campañas consecutivas (2013-2015) nas variedades treixadura, albariño, mencía e brancellao, identificándose así 46 especies distintas pertencentes a 22 xéneros.
O análise sensorial de viños ecolóxicos comerciais de Galicia, puxo de manifesto que a produción ecolóxica permite a obtención de viños de calidade diferenciada, incluso nalgúns casos foron preferidos fronte aos convencionais polos propios catadores. Os resultados do estudo mostraron que o viñedo é unha importante reserva da diversidade de fermentos, especialmente en cultivo ecolóxico, que debe ser preservado como un recurso cun potencial uso para mellorar a calidade e tipicidade dos viños fronte aos novos retos e necesidades, incluso máis alá do campo enolóxico.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
