martes, 21 de julio de 2026
Só o pasado xuño, o sector ingresou 46,9 M, un 9,3 % máis que en xuño do pasado ano.
Así o recollen os datos feitos públicos hoxe polo Instituto Nacional de Estatística (INE), que dan conta tamén de que a demanda turística repártese nun 65 % para o mercado nacional un 45 % para os visitantes españois doutras comunidades e un 20 % para os residentes en Galicia- e nun 35 % para o mercado internacional, que medra, á súa vez, o 10 % con respecto aos valores acadados en xuño de 2024.
Os datos revelan tamén como os visitantes elixiron o norte para visitar, ao situarse Galicia no grupo de comunidades con mellor rendemento turístico, tanto en número de turistas como en noites. Estas foron País Vasco, A Rioxa, Cantabria, Navarra.
Os últimos concertos de Atardecer no Gaiás do mes de xullo traen unha das bandas galegas de rock máis internacionais do momento: Bala. O dúo coruñés actuará o xoves 23 de xullo, logo de ter pasado por escenarios e festivais de toda España, Reino Unido, Australia, Estados Unidos e Xapón. A actuación será ás 21,00 horas na Praza central da Cidade da Cultura, con acceso libre e gratuíto. Con catro discos e un directo explosivo, Ánxela Baltar e Violeta Mosquera farán un repaso dos temas cos que deron forma a unha identidade única na escena. Guitarra, batería e voz son suficientes para lanzar disparos sonoros que lembran ao rock intenso dos 90 con influencias que van desde o stoner, ao hardcore e o punk.
Serán 33 os expedientes que serán avaliados nesta sesión co fin de acadar o máximo recoñecemento patrimonial por parte da Unesco. Esta valoración farase ao longo das xornadas do venres, do sábado, do domingo e do luns. A programación rematará o mércores 29 coa aprobación do informe final, a adopción de decisións e a clausura oficial do Comité. A previsión é que a resolución sobre a candidatura galega se coñeza 'entre o domingo 26 e o luns 27'. Cómpre lembrar que este encontro se leva a cabo na cidade de Busán, onde o expediente será analizado por 21 embaixadores de Estados membros, entre eles Armenia, Acerbaixán, Bangladesh, Chequia, Granada, Xamaica, Kazakistán, Kenia, Kuwait, Líbano, Mongolia ou Perú.
