domingo, 26 de abril de 2026
O conselleiro de Sanidade, Julio García Comesaña, visitou está mañá o Complexo Hospitalario Universitario da Coruña, que vén de recibir por segundo ano consecutivo o Premio Best In Class ao mellor hospital de España na categoría de Centro de Alta Complexidade.
Nesta ocasión, o CHUAC conseguiu tamén os premios aos mellores servizos de Microbioloxía, Reumatoloxía, Nefroloxía e á Unidade de Coidados Paliativos, ademais de clasificarse para a final dos prestixiosos premios Best In Class nas categorías aos mellores servizos de Farmacia e Farmacia en enfermidades inmunomediadas (IMIDS), Neumoloxía, Neuroloxía, Psiquiatría, Reumatoloxía, Urxencias e Uroloxía, así como á de mellor unidade de dor e de enfermidades infecciosas. O pasado ano, tanto o Hospital como os servizos de Farmacia Hospitalaria e de Nefroloxía xa conquistaron este galardón, cada un nas súas especialidades.
Durante a súa intervención, o conselleiro destacou que isto vén a confirmar que a Sanidade galega ofrece unha atención primaria e hospitalaria de calidade, innovadora, que forma magníficos profesionais e na que o paciente está no centro de cada unha das decisións e actuacións. Pero todo isto non é casual: é froito do labor dun extraordinario equipo formado por arredor de 40.000 profesionais sanitarios, que contribúen a que o noso sexa un sistema de saúde sobresaínte puntualizou.
O resto dos galardóns repartíronse entre o centro de saúde da Estrada que levou, por sexto ano consecutivo, o premio ao mellor centro de saúde de España; os servizos de Cardioloxía, Neuroloxía e a Unidade de enfermidades infecciosas de Pediatría do CHUS; e o servizo de Patoloxía Dixestiva do CHOP.
Os Premios Best In Class teñen como obxectivo recoñecer publicamente ao mellor centro de atención primaria, ao mellor hospital e a os mellores servizos e unidades do territorio nacional, tanto públicos como privados, que buscan a excelencia na atención que prestan aos seus pacientes. Tanto os gañadores como os finalistas forman parte da Guía dos Mellores Hospitais e Servizos Sanitarios que se edita anualmente.
A concesión destes premios baséase na puntuación obtida polos candidatos co Índice de Calidade Asistencial ao Paciente (ICAP), que se establece a partir da análise multivariable con entre 100 e 150 indicadores. Entre eles destacan a atención ao usuario, a mortalidade, ou a taxa de infeccións entre outros factores, todo iso en función da especialidade.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
