domingo, 26 de abril de 2026
Vázquez Mejuto lembrou o traballo feito neste eido desde o ano 2017, cando a Xunta empezou a traballar na adopción en clave autonómica dos chamados ODS, adiantándose deste xeito incluso ao Plan de Acción para a Axenda 2030 impulsado polo Executivo central.
En todo caso e tras reivindicar a idiosincrasia de cada comunidade autónoma á hora de afrontar os retos marcados pola ONU en materia de sostibilidade, a conselleira tamén incidiu en que o obxectivo debe ser acadar o avance conxunto de todo o país. Para facelo, propuxo completar o devandito Plan de Acción cun Pacto Nacional no que se fixen e clarifiquen os obxectivos e mecanismos que permitan o cumprimento desta folla de ruta universal e, sobre todo, o financiamento necesario para logralo en condicións de equidade en todo o país.
Comisión Interdepartamental e primeira diagnose
Cómpre lembrar que a Xunta presentou o primeiro informe de diagnose sobre a aplicación en Galicia dos ODS o pasado mes de novembro no marco dunha reunión da Comisión Interdepartamental para o seguimento da Axenda 2030, un órgano creado a comezos de 2019 e que integran máis de 30 representantes de todos os departamentos da Xunta.
Grazas á diagnose realizada, a responsable autonómica subliñou que Galicia coñece non só o estado actual da comunidade con respecto ás metas fixadas polas Nacións Unidas a través da Axenda 2030 e dos seus 17 ODS, senón que tamén pode identificar oportunidades de mellora de cara ao futuro.
Nesta liña, lembrou que un dos principais obstáculos cos que a Xunta se ten topado á hora de facer este exercicio de diagnose é que a ONU non fixa obxectivos concretos e cuantitativos a acadar na próxima década.
Por este motivo, considerou imprescindible buscar a nivel nacional un consenso sobre cal é o punto de partida e a cuantificación que se quere acadar no horizonte do ano 2030 para cada un dos indicadores de desenvolvemento sostible establecidos.
Así, Ángeles Vázquez avogou por determinar en que grao e con que actuacións poden contribuír as comunidades autónomas á perspectiva de España e á súa vez, á perspectiva global sobre a Axenda 2030. E con este fin, emprazou ao Estado a garantir unha comunicación fluída e bidireccional entre todas as administracións implicadas para poder constituír unha verdadeira plataforma de intercambio e coordinación nesta materia.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
