Noticias pesca
A Xunta presentou ao conxunto do sector pesqueiro galego, no marco da celebración do Consello Galego de Pesca, o seu Decálogo Estratéxico de Galicia na defensa dos seus intereses ante a revisión da PPC no que se establecen as prioridades da comunidade ante o proceso aberto o ano pasado ano pola Comisión para a súa avaliación. O encontro foi presidido polo conselleiro do Mar, Alfonso Villares, quen resaltou o traballo realizado polo Goberno galego, da man do conxunto da cadea mar-industria, na elaboración da folla de ruta galega. Villares sinalou que este decálogo vén a reformular o Ditame aprobado por unanimidade polo Consello no 2022.
O director xeral de Relacións Exteriores e coa Unión Europea, Jesús Gamallo, participou na sesión plenaria do Comité Europeo das Rexións (CdR), na que se aprobaron cinco ditames de opinión e tres resolucións urxentes, ademais de celebrarse catro debates políticos de alto nivel. Como coordinador da delegación española nesta asemblea política, Jesús Gamallo participou nunha reunión dos coordinadores nacionais coa nova presidenta do CdR, a húngara Kata Tüttő. Nesta xuntanza interveu no intercambio de opinións sobre o marco financeiro plurianual posterior a 2027 para defender o mantemento dos programas rexionais de fondos estruturais. Un dos ditames máis relevantes para Galicia é o relativo ao futuro Pacto Europeo dos Océanos, previsto por parte da Comisión Europea para o mes de xuño. A través de oito emendas, Galicia reclamou a defensa do produto pesqueiro comunitario fronte ao de terceiros países.
O conselleiro do Mar, Alfonso Villares, participou na Asemblea Extraordinaria da Conferencia de Rexións Periféricas Marítimas (CRPM) na que reivindicou a descentralización da xestión pesqueira a través dunha maior participación das rexións marítimas na toma de decisións. Así, subliñou que resulta esencial impulsar garantir a participación proactiva das autoridades rexionais, xunto coas institucións comunitarias, Estados membros, organismos científicos e o propio sector, entre outros, nun marco de cooperación entre os diferentes axentes implicados.
O conselleiro do Mar, Alfonso Villares, participou no Consello Consultivo de Política Pesqueira para Asuntos Comunitarios celebrado este luns previo ao Consello Europeo de Agricultura e Pesca do vindeiro 24 de marzo no que se vai a discutir 'O futuro da política pesqueira común'. O responsable autonómico defendeu neste foro a posición de Galicia que conta cunha folla de ruta clara emanada do consenso e plasmada no ditame do Consello Galego de Pesca de febreiro de 2022 'Sobre a estratexia de Galicia na defensa dos seus intereses ante a revisión da Política Pesqueira Común (PPC)'.
Galicia mantén un contacto estreito coa rexión de Bretaña nos últimos tempos. E é que comparten un criterio semellante na defensa dos seus intereses pesqueiros ante as institucións comunitarias, pois ocupan o primeiro e o segundo posto, respectivamente, nos produtos pesqueiros da Unión Europea. Froito desta relación, o conselleiro do Mar, Alfonso Villares, acompañado pola directoras xerais de Pesca, Acuicultura e Innovación Tecnolóxica e de Desenvolvemento Pesqueiro, Patricia García e Marta Villaverde, respectivamente, e a delegada territorial da Xunta nesta cidade, Ana Ortiz, mantiveron un encontro de traballo coa delegación da rexión francesa, encabezada polo vicepresidente de Mar e Litoral, Daniel Cueff.
O presidente da Xunta, Alfonso Rueda, avanzou que trasladará ao comisario europeo de Pesca e Océanos, o chipriota Costas Kadis, que para Galicia é prioritario que a Unión Europea aposte por un desenvolvemento pesqueiro sostible e que compatibilice aspectos sociais e ambientais. Rueda fixo fincapé en que 'somos os primeiros interesados en coidar' uns recursos marítimos que 'necesitamos que se nos deixe seguir explotando'. Desde a primeira potencia pesqueira de toda Europa, Rueda transmitirá mañá en Bruxelas ao novo comisario a necesidade de que a Unión Europea promova un marco equitativo na extracción e comercialización pesqueira a nivel internacional, o chamado level playing field.
O Goberno galego está decidido a afianzar o liderado de Galicia no desenvolvemento das políticas pesqueiras no ámbito comunitario na súa condición de principal rexión pesqueira do continente. Así o manifestou o conselleiro do Mar, Alfonso Villares durante a recepción do novo presidente da Conferencia de Rexións Periféricas Marítimas (CRPM), o comisario rexional de Gotland (Suecia), Filip Reinhag, durante a súa visita a Bruxelas no marco da celebración do Consello Europeo de Agricultura e Pesca no que se decidiron os TAC e cotas para o 2025.
A conselleira de Medio Ambiente e Cambio Climático, Ángeles Vázquez, defenderá no vindeiro Consello de ministros de Medio Ambiente da Unión Europea, en representación das 17 comunidades autónomas españolas, a necesidade dunha norma comunitaria para regular o transporte marítimo de microplásticos en contedores. A conselleira, que participou esta mañá, de xeito telemático, na reunión do Consello Consultivo de Asuntos Medioambientais Europeos, exporá en Bruxelas o 17 de decembro a posición común de todas as comunidades durante o debate que manterán os ministros europeos do ramo sobre, entre outras cuestións, a proposta de regulamento para reducir a contaminación por microplásticos provocada por vertidos non intencionados.
O Plan da Cultura Marítima de Galicia Horizonte 2030 é un documento do Executivo galego que nace froito das consultas a persoas e entidade de todo o litoral e fai unha profunda análise da diversidade dos bens inmobles, mobles e patrimonio inmaterial existente na comunidade, recollendo 100 medidas que contribuirán a avanzar no seu coñecemento, preservalo e poñelo en valor tanto en Galicia como no exterior. Esta iniciativa busca converterse no punto de partida para actuar de xeito coordinado na protección do pasado e o presente mariñeiro. O obxectivo, en definitiva, é evitar que este legado quede no esquecemento, pois Galicia conta con máis de 1.600 quilómetros de costa, tres provincias con mar e máis da metade da poboación (preto do 55%) vive no litoral.
O director xeral de Relacións Exteriores e coa Unión Europea, Jesús Gamallo, participou na reunión número 25 da Comisión de Recursos Naturais (NAT) do Comité Europeo das Rexións (CdR), a última do mandato (2020-2024). Nesta sesión, destacouse o ditame galego sobre o futuro da pesca como un dos dous asuntos con maior impacto político durante este ano, xunto ao espazo de datos sanitarios da UE. No sétimo mandato da Comisión NAT, o organismo traballou en áreas como a seguridade alimentaria, o papel das rexións nos plans estratéxicos da Política Agraria Común (PAC) postos en marcha en 2023 ou unha visión a longo prazo para as zonas rurais.
Investigadores e investigadoras das tres universidades galegas, liderados por Sebastián Villasante (USC) e coa colaboración das confrarías de Cambados, Redondela e a Lonxa de Campelo, analizan nun estudo publicado en Frontiers of Marine Science, os impactos do cambio climático sobre a vulnerabilidade socioeconómica do marisqueo nas rías galegas.
O proxecto Pasos comeza a dar os seus froitos no fomento da investigación e a innovación responsable no sector mariño. Celebrouse en Vigo a Xornada de promoción da economía social no sector mariño, que contou coa asistencia de Susana Touza, subdirectora xeral de Economía Social da Xunta de Galicia; Belén Rubio, vicerreitora de Investigación da Universidade de Vigo e Javier Touza, presidente de Fundamar.
O Foro de Rexións Costeiras (enmarcado no cumio One Ocean, que se celebra en Brest entre o mércores e venres baixo o patrocinio da Presidencia francesa da Unión Europea) será inaugurado polo presidente da rexión de Bretaña, Loïg Chenais-Girard, e contará cunha primeira parte centrada na mellora das políticas marítimas da Unión Europea avaliando a gobernanza multinivel e o enfoque das concas marítimas.
Un informe elaborado polo grupo de Economía Pesqueira e Recursos Naturais da USC para o goberno autonómico evidencia que a proposta de recorte nas posibilidades de pesca dalgunhas especies pon en risco arredor de 400 empregos na comunidade, unha ameaza que, sumada ás rebaixas de anos anteriores, afecta a máis de 700 postos de traballo.
Durante a pandemia por mor da covid-19, rexistrouse un cambio no comportamento de consumo da poboación galega, que aumentou de xeito significativo o gasto en produtos do mar frescos e en conservas durante o primeiro confinamento. Esta é a conclusión principal á que chegaron científicos da USC e da UVigo nun estudo publicado na revista Frontiers in Marine Science e cuxo primeiro asinante é o profesor da USC Sebastián Villasante.
O primeiro estudo que analiza os cambios transformadores da pesca artesanal en Galicia demostra que o sector foi capaz de manter elementos básicos chave para manter a súa resiliencia ao longo do tempo. Así o conclúen investigadores do proxecto Consolidator Grant EQUALSEA-Transformative adaptation towards ocean equity, financiado polo European Research Council, e liderado polo profesor da USC Sebastián Villasante.
A diverxencia de criterios entre os diferentes actores que interveñen no sector da pesca constitúe unha fonte de innovación enriquecedora á hora de establecer regulamentos neste ámbito. Así o afirman científicos da USC e do Instituto Español de Oceanografía (IEO) logo de realizar 24 entrevistas en profundidade a armadores e capitáns de barco da flota pesqueira de arrastre galega en Marín, Bueu e Ribeira, coa intención de afondar na súa postura en torno á obrigación da Política Pesqueira Común (PPC), de desembarcar todas as capturas.
O proxecto PuertAlMar, impulsado polo Porto de Vigo e o Centro de Investigación Mariña (CIM) da Universidade de Vigo en colaboración co Puerto de Melilla, naceu coa finalidade de analizar a importancia de recuperar e conservar as áreas alteradas en contornas marítimo-portuarias e os seus beneficios para o desenvolvemento de actividades pesqueiras sostibles.
A conselleira do Mar destacou a importancia de aplicar as tecnoloxías á xestión global da actividade pesqueira para garantir o futuro da actividade e avanzar na súa competitividade, sustentabilidade e no posicionamento dos produtos do mar. Uns obxectivos que perseguen distintos proxectos como Primare, Ticpesc, ou o selo de calidade 'pescadeRías, de onde se non?'.
Tivo lugar hoxe a presentación do proxecto de cooperación Tanza: inclusión social, sector pesqueiro, economía circular, do que forman parte varios grupos de acción local do sector pesqueiro (GALP) de Galicia. Durante o encontro puxo en valor o importante labor que realizan estas entidades no desenvolvemento socioeconómico das zonas de pesca impulsando valores como a inclusión social.
