martes, 9 de junio de 2026
Así o salientou hoxe na clausura por videoconferencia da xornada Valor e trazabilidade 4.0 en alimentación. Uso de tecnoloxía blockchain, lot e big data para empoderar ao consumidor, que organiza Fish World Track en colaboración co Círculo de Empresarios de Galicia, Elige Plus Consultores, PWC e Vottun.
En relación a Primare a titular de Mar explicou que o proxecto está xa activo en 23 lonxas nas que se celebraron arredor de 67.000 poxas dixitais que xestionaron preto de 7,5 millóns de quilos de produtos do mar por un importe de venda que roldou os 26,5 millóns de euros. Esta iniciativa, sinalou, consiste nunha plataforma tecnolóxica que integra os sistemas de xestión, poxa, comercialización e emisión de notas de venda, modernizando os procesos.
Ademais de permitir as poxas online, Primare fai posible que, a través dunha aplicación instalada no smartphone, o sector poida obter información da identificación, clasificación e pesaxe das capturas descargadas na lonxa para a poxa. Con ela os profesionais do mar tamén poden emitir os documentos de comercialización do produto e dispor dun sistema de xestión que facilite a tramitación da contabilidade, entre outros aspectos.
En canto aos caixeiros Ticpesc, Rosa Quintana subliñou que Galicia dispón de 66 en distintos puntos do litoral e deles un terzo conta cunha báscula que permite aos profesionais do mar pesar os produtos da pesca e do marisqueo no mesmo momento no que se realiza o desembarque das capturas, ademais de emitir documentos relacionados coa súa actividade. Desde a posta en marcha destes terminais no ano 2010, sinalou a conselleira, xeráronse neles máis de 480.000 documentos de transporte, orixe, rexistro, alternancia de artes e devolución a orixe. Grazas a estes caixeiros que prestan servizo durante as 24 horas dos 365 días do ano, especificou a titular de Mar, o sector non depende dos horarios de atención das confrarías, lonxas ou outras asociacións profesionais do sector.
Outro dos proxectos que mencionou a conselleira do Mar foi o selo de calidade pescadeRías, de onde se non? co que a Xunta protexe e promove a trazabilidade a través da identificación dos produtos mariños procedentes da pesca artesanal. Deste xeito, expuxo, Galicia busca diferenciar un produto de alta calidade garantindo ao consumidor frescura, orixe e sustentabilidade e impulsar a protección da pesca artesanal como modelo de explotación sustentable dos recursos pesqueiros. O ano pasado o produto certificado con esta marca roldou as 12.500 toneladas.
Todos estes proxectos conflúen na estratexia tecnolóxica conxunta Axenda Dixital 2020, á que a Consellería do Mar responde coa modernización e transformación dixital do sector marítimo-pesqueiro para avanzar na competitividade do sector, protexer os ecosistemas mariños e impulsar a seguridade alimentaria como elemento de marca para xerar confianza nos consumidores, subliñou Rosa Quintana.
A xornada
A xornada Valor e trazabilidade 4.0 en alimentación contou con expertos na tecnoloxía Blockchain, con experiencias reais desenvolvidas para diferentes empresas, representantes da industria da distribución, de consumidores e da Administración Pública, que reflexionaron sobre o valor que as tecnoloxías achegan á transparencia e confianza na cadea de produtos alimentarios, especialmente pesqueiros. Nela presentouse a plataforma de trazabilidade pesqueira Fish WorldTrack (FWT), unha ferramenta que naceu en Galicia co obxectivo de dixitalizar o sector pesqueiro en toda a súa cadea de valor, combinando tecnoloxías como Blockchain, IoT e Big Data.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
