miércoles, 5 de agosto de 2026
Financiado pola Fundación Biodiversidad a través del Programa Pleamar, o proxecto PuertAlMar ten, ademais da compoñente cientÃfica, unha vertente divulgativa moi destacada. Por isto, tras máis dun ano de traballo, as institucións que o coordinan organizan un programa de actividades formativas que se van a desenvolver ao longo do mes de abril. A idea é presentar, por unha banda, a escolares e, por outra, a profesionais do sector a importancia dos ecosistemas mariños portuarios e as posibilidades de integración destes coas actividades industriais.
Creación e restauración de hábitats en contornas portuarias
PuertAlMar naceu como unha iniciativa ao abeiro do proxecto Peiraos do Solpor, tamén impulsado polo Porto de Vigo en colaboración con investigadores do CIM. Xorde da necesidade de compatibilizar a biodiversidade co desenvolvemento do Porto e da cidade de Vigo. Para iso, os investigadores do CIM Mariano Lastra, Jesús Souza Troncoso e Jesús López traballaron coa biomimética para deseñar e construÃr estruturas facilitadoras da biodiversidade. Ao longo destes meses instalaron na dársena da Laxe estruturas artificiais a modo de arrecifes submarinos para o asentamento de organismos. Trátase dunha serie de cordas e estruturas innovadoras nas que as algas se poden adherir e que, ademais, serven de lugar de crÃa de peixes e outros animais. Dende a súa instalación en 2019, os cientÃficos da Universidade de Vigo encargáronse da monitorización do crecemento biolóxico da zona. Nese mesmo lugar tamén se colocarán carteis explicativos sobre os organismos que se asentan nestas estruturas. Como explica Souza Troncoso, estas estruturas “serán algunhas das que se instalarán no proxecto Peiraos do Solpor, en Bouzas pero con dimensións máis grandes”.
A outra parte do proxecto céntrase na divulgación, co obxectivo de incrementar a concienciación sobre a necesidade de atopar solucións innovadoras e verdes que permitan un equilibro entre o bo funcionamento dos ecosistemas e as actividades económicas. AsÃ, durante este mes, en concreto os dÃas 14, 15 e 16, terán lugar tres xornadas virtuais formativas e de sensibilización con escolares de Secundaria e Bacharelato de Vigo e Melilla, asà como dúas xornadas de visita ao Porto de Vigo, os dÃas 23 e 30. Durante as sesións previstas para esta semana abordaranse temas como a ecoloxÃa costeira; a zonación de especies, facendo fincapé nas diferencias entre rexión mediterránea e a atlántica; os impactos ambientais e as presións na costa e as soluciones baseadas na natureza como ferramentas para o desenvolvemento sostible. Nestas xornadas participarán o presidente da Autoridade Portuaria de Vigo, Jesús Vázquez AlmuÃña e os investigadores do Grupo de EcoloxÃa Costeira do Centro de Investigación Mariña (CIM) Jesús Troncoso, Mariano Lastra e Jesús López.
Finalmente, e como peche do proxecto, o dÃa 21 deste mes terá lugar un obradoiro con profesionais do sector da economÃa azul para presentar os principais resultados do proxecto e para xerar un espazo no que compartir outras experiencias e boas prácticas na conservación e recuperación de contornas mariñas degradadas.
A primeira fase dun proxecto recoñecido internacionalmente
PuertAlMar é unha acción incluÃda na primeira fase do galardoado Peiraos do Solpor, un proxecto que comprende tres fases secuenciais. A segunda fase, Living Ports, está a piques de arrancar na mesma dársena da Laxe, fronte ao edificio de Portocultura. Consistirá na instalación dun observatorio submarino, con paneis verticais deseñados para a colonización de fauna e flora (310 m2), asà como cinco arrecifes artificiais que está deseñando a empresa Econcrete. A actuación completarase con catro peiraos flotantes e dúas pasarelas de acceso.
A derradeira fase do proxecto, denominada Peiraos do Solpor, foi presentada aos fondos Next Generation e desenvolverase na escollera da Terminal Ro-Ro de Bouzas, onde se instalarán 50 arrecifes artificiais e 50 piscinas que simularán pequenos ecosistemas.
A directora xeral de Formación e Cualificación para o Emprego, Zeltia Lado, valorou os últimos datos de paro rexistrado e afiliacións á Seguridade Social, destacando que Galicia alcanza por segundo mes consecutivo o máximo histórico de afiliacións, con 1.135.950 cotizantes. Ao mesmo tempo, a Comunidade rexistra o menor número de persoas desempregadas nun mes de xullo de toda a serie, con 107.322 persoas paradas. No referido ás afiliacións, estas medran tanto na comparativa anual como na mensual. Galicia conta con preto de 22.500 afiliacións máis que hai un ano (+2,02 %) e con case 13.000 cotizantes máis que en xuño (+1,15 %), sendo a 3ª comunidade autónoma na que máis aumentan as afiliacións.
A Estratexia Galicia Dixital 2030 (EGD2030) continuou avanzando durante 2025 coa posta en marcha de novas actuacións para acelerar a transformación dixital da Comunidade. O balance anual, elaborado pola Axencia para a Modernización Tecnolóxica de Galicia (Amtega), recolle avances en todos os eixes estratéxicos da Estratexia e unha actualización das súas metas para o final da década. O investimento mobilizado ao longo do pasado exercicio foi de 390,3 millóns de euros, entre capital público e privado.
